大胃之皇 何文田

大胃之皇 評價 相片

今天無意中行到呢度，睇到一間「大胃之皇」餐廳，門口就見到有明星合影照片，想想應該不錯吧⋯⋯試試看，話吾定有驚喜係既，很意外：沒唸到呢度服務態度又好，上餸也很快，最重要係色香味俱全！價錢又合理！值得再來

今日下午我們去咗何文田梭椏道嘅「大胃之皇」食下午茶！我們叫咗干炒牛河、酥炸鷄脾配鮮果沙律同牛丸煎蛋通粉！干炒牛河嘅賣相完全唔吸引，色澤非常淡，椰菜係生嘅仲未煮熟！酥炸鷄脾配鮮果沙律嘅沙律入面嘅青瓜係韌嘅，唯一可以讚嘅係酥炸鷄脾炸得好皮脆肉嫩，而且肉汁都幾多，唔會炸到好乾身！牛丸煎蛋通粉嘅牛丸係切一半上，即係只有兩粒，真係唔係好抵食，通粉亦唔煙韌彈牙！

繼續在新居附近尋覓吃早餐的好去處....走到梭椏道一帶，發現有兩間茶記晨早已開門做生意。

相比起家樓下商場的舖子，到了七時還未有開閘的意圖，這兒確是便利得多....隨便走進一家叫"大胃之皇"的。

想不到那麼早已差不多有人滿之患。

看來應蠻對版....ABC餐大部份價錢約賣二十三至二十五大洋，真的不算貴。

一街之隔，在大路的兩間茶記，每份早餐都要比這裡貴兩至三塊....先來一杯例牌茶走。

頗有茶味及香，最重要是煉奶的膩甜並沒有喧賓奪主的讓應有的茶味走失，越嗒越有味道....不過若然捨棄用不銹鋼極傳熱的杯而取瓷製的話，效果必會更好....通粉用上帶坑紋的，吸湯的能力是更強了；湯底味頗鹹，感覺上是應下了少許罐頭鮑片內的水進去；鮑片只得兩小片，是一貫罐頭貨色出品的味道，無甚特別；火腿條的份量是極慷慨，舖滿了整個碗子，抵食度十足...多士薄而烘得香脆。

在別的地方要吃多士通常要加一塊錢，但在此竟不用加之餘而且質素還不差的，是意外的驚喜；餐肉有用平底爐輕輕翻烘熱，外皮帶熱脆，感覺當然比只放落滾水內淥熱，出來變得淰淰的貨色好不知萬倍；煎蛋相對上就遜色得多，邊位不脆，看上去只是一塊薄薄軟軟軟的蛋皮....總括而言水平算是不錯又抵食的。

看來可吃的早餐好去處又多了一個呢....

我老豆見佢門口貼晒d明星相,又話xx大明星幫趁過,重話d海南雞飯好食,於是他一個人去試下啦!海南雞飯有一碟細細的無骨雞及一碗飯,食食下,問佢地有焦餐飲送,佢地話有,咁我老豆話要可樂唔要冰,佢地比左一罐凍的罐裝可樂,然後係張單度加$4. 嘩!事先又唔講明,又話有得送,之後又要加$. 唉都算啦!再過一會,有一羣裝修師傅一坐下,還未點餐,老板已為他們奉上是日例湯. 我老豆眼見,當然問佢地個餐有無例湯啦, 點知老細話只係"熟客"先有........嘩! 咩生意手法....咁如果未幫趁過嘅,唔該清楚考慮下去唔去啦!

我搬來呢區無耐, 睇住佢開張, 老公話遲d先幫襯, 於是兩三個月後第一次入去試早餐, 餐食中規中矩, 不過服務態度就火滾啦, 等佢派餐具等成世, d 姐姐坐晌度唔做野, 出邊兩張枱成日無人執同抺, 地下有塵有骨頭無人理, 又坐得迫, 碟呀碗呀有油漬, 無水供應, 成間餐廳除o左有張同明星拍o既相可以睇得之外, 都無乜可取之處.............最好笑係送外賣, 附近之麻, 都唔識路, 兜來兜去都送唔到, 唉........... 服務差之極.................

大胃之皇餐單提供港式, 茶餐廳, 冰室等推介美食位於何文田區，餐廳座位數26人均消費約$50以下，結賬可以用現金，Booking訂位可以電話致電 27127073 查詢。

您對於何文田餐廳「大胃之皇」有何 comment？

大胃之皇餐廳詳細資料：

• 大胃之皇地址:
  何文田梭椏道68號榮英大廈地舖
  Big Stomach for Food, G/ F,68 Soares Avenue, Ho Man Tin
• 大胃之皇電話: 27127073
• 大胃之皇價錢: $50以下
• 分類: 港式, 茶餐廳, 冰室
• 座位: 26
• 付款: 現金
• FB專頁: 大胃之皇 Facebook

更多大胃之皇相關資料:

• 大胃之皇分店
• Youtube
• Facebook
• Twitter
• Google