錦壽築地 佐敦

錦壽築地 評價 相片

凡試都係無期望就無失望，有人話好食，但又未必係事實嘅全部，但係唔試過又點知呢？餐廳係一樓，地面就見到外賣自取優惠，仲有2019大眾點評年度好評商戶。

不過講真咁樣第一印象都幾唔日本料理feel，俾人感覺板x仲高級過佢。

上到去環境唔錯，夠涼爽。

lunch set有7款。

見到A,B,E set都係推薦，套餐都配芝麻醬豆腐同味噌湯。

E餐Omakase廚師發辦都只係$118，是日刺身有8款：赤蝦、象拔蚌、北寄具、劍魚、油甘魚、海膽、章魚、玉子。

真係好大碗，珍珠米飯配搭少許飯素，整體中規中矩，一分價錢一分貨，最好食係劍魚。

B餐$88大約有10件壽司，最吸引人注意嘅當然係長三文魚，可惜有幾薄就切到幾薄，切到幾乎連魚紋都不見了😂魚肉當然唔見得肥美鮮甜。

除咗甜蝦係正之外，其他全部都正常發揮。

野飲大話7要加錢，7喜加幾粒話梅，好彩冇伏😂

朋友生日 提早訂左4位 有留言朋友生日有店員打黎確認時間時 有耐心講解有生日壽司蛋糕可以訂 或者keep蛋糕要提前 同埋切餅費幾多 亦有講解用餐時間 好有禮貌最驚有啲餐廳係去到先講食品種類好多 有魚生 壽司 拉面 飯 燒物 炸物 雪糕等等岩哂唔食生野或者唔食海鮮或牛嘅朋友一齊食 因為我地一枱4人 已經齊哂有唔食得嘅野 但係呢到都搵到自己岩食嘅野壽司品質唔錯 新鮮 炸物同串燒都係叫先整 要等埋小小 炸雞軟骨特別好食 店員有問要唔要食哂生野先食熟食好細心最後食哂枱面野食 其實已經到左用餐時間個半鐘 不過店員冇叫我地即刻埋單 仲問我地食唔食甜品雪糕 我地有叫到 食埋都冇催埋單 值得一讚 食得安心 坐位算好闊落 枱好大 一次過叫好多野食都放得落 整體黎講好好

行行下街有d餓，就搵下佐敦有乜食咁就上左去呢到呢到係壽司一件件叫，係唔錯既（有少少貴，不過食左你就覺得值得嘅）d員工超有禮貌😍好like!!!!右口魚邊勁好味。

出面果d成日都唔係好熟。

呢到岩岩好，重要突登教我點食先為之最好味！可以再黎😍😍😍😍😍😍

📍#錦壽築地 📍Oishi Sushi #OishiSushi.🇭🇰香港佐敦德興街德成軒1樓🇭🇰 1/F, City 18, 18 Tak Hing Street, Jordan, HK.人均消費: HKD765.味道: 👅👅👅👅賣相: 👀👀👀👀價格: 💰💰💰💰環境: 🌹🌹🌹服務: 👨🏻👨🏻👨🏻性價比: ⭐️⭐️⭐️⭐️回頭率: 🔆🔆🔆🔆.心血來潮想食日本菜，揾咗幾間最後決定食係佐敦嘅錦壽築地！樓上舖地方算可以，係二人枱比較迫，但其他4人枱都睇落幾舒服餐牌選擇多，價位唔算好貴點完餐店員話會先上刺身俾我地食左先🤤.⭐️#深海池魚薄切 10片 HKD168先上左個深海池魚薄切！好多時有池魚刺身我都會點，貪佢口感特別！一共10片又唔算貴！肉質好爽脆，略帶油香，連上面啲蔥花再蘸醬油好好味！但平時食係蘸類似醋的東西，但今次係蘸芥末醬油，但都幾好味.⭐️#什錦刺身 10款 HKD458HKD458嘅10款刺身幾抵食喎！有三文魚，白肉豚，油甘魚，帶子，活赤貝，八爪魚，甘蝦，北寄貝，海膽，墨魚，蟹籽！全部都好新鮮海膽好甜，包紫菜食一人都食到3,4份！特別好味嘅一定墨魚，超級爽，咬落仲有黏口嘅感覺！特別一提，白肉豚比較少食，口感比較較身，油膩咁比較重，魚味淡.💯#牛舌 HKD38超級好味呀！牛舌薄但燒得好靚，口感超好！睇佢薄但牛味反而好濃，少少鹽味提味好正！.⭐️#三文魚皮 HKD48本來想食三文魚水潑但無，轉左個下酒嘅三文魚魚皮，炸得好脆，同平時打邊爐炸魚皮比比較薄，好似食薯片咁！.⭐️#雞泡魚干 HKD52下酒系列的雞泡魚干！燒得幾靚，唔乾，食落叫表面有少少甜甜甜黏黏，蘸個蛋黃醬再下酒正呀.⭐️#鯖花魚 HKD68係鯖魚同秋刀魚之間爭扎咗一輪，最終揀咗鯖魚，貪佢肉比較實無咁散，蘸佢個醬汁食落味道幾鮮香！.👎🏻#軟殻蟹天婦羅 HKD88成晚係個軟殻蟹天婦羅比較失色！軟殻蟹切得太細先炸，食落無乜口感！有兩塊食落有少許腥味，蘸汁都唔太提到味.Ⓜ️#七味雞軟骨粒 HKD58都係下酒系列！份量比我想像中多！無乜特別，不過有點太乾，食食下有啲渴！.⭐️#芝士吉列炸蠔卷 HKD65炸蠔可能有啲細隻，芝士唔算太多，但成舊食入口又幾有滿足感喎😂.#Sapporo HKD58HKD58一杯都抵飲喎🍺.我哋每人飲咗三杯啤酒，扣返啤酒錢每人HKD691都唔算太貴，性價比ok，回頭率都頗高👍🏻.#mfoodjournal #instagfood #foodstagram #hkeats #hkfoodstagram #foodie #hkfoodie #foodblogger #hkfoodbloger #foodblog #hkfoodblog #foodlover #jordanfood #japanesefood #相機食先 #佐敦美食 #MFJ佐敦 #日本菜

今晚第一次和朋友去錦繡築地食晚飯，十分有驚喜。

食物賣相很美、味道十分有水準，選擇也很多。

有壽司串燒、天婦羅、拉麵、烏冬炒飯等等。

其中壽司拼盤非常值得推介，很新鮮、味道和賣相非常好😋串燒波蘿、雞翼和牛舌也吃得津津有味。

還有店員非常有禮貌和細心，除了不斷為我們添加熱茶，茶涼了也主動為我們更換熱，很貼心。

綠茶可樂和豆腐雪糕也可一試😃錦繡築地價錢合理、食物水準高，是值得推薦的食店。

綠茶可樂和豆腐雪糕也可一試😃

錦壽築地餐單提供日本菜, 壽司, 刺身, 廚師發辦等推介美食位於佐敦區，餐廳座位數80人均消費約$101-200，結賬可以用Visa,Master,AlipayHK,支付寶,現金,AE,銀聯，Booking訂位可以電話致電 28459728 查詢。

您對於佐敦餐廳「錦壽築地」有何 comment？

錦壽築地餐廳詳細資料：

• 錦壽築地地址:
  佐敦德興街18號德成軒1樓
  Oishi Sushi, 1/ F, City18,18 Tak Hing Street, Jordan
• 錦壽築地電話: 28459728
• 錦壽築地價錢: $101-200
• 分類: 日本菜, 壽司, 刺身, 廚師發辦
• 座位: 80
• 付款: Visa,Master,AlipayHK,支付寶,現金,AE,銀聯
• FB專頁: 錦壽築地 Facebook

更多錦壽築地相關資料:

• 錦壽築地分店
• Youtube
• Facebook
• Twitter
• Google