新樂春天 佐敦

新樂春天 評價 相片

每個星期六個午餐都會出街食, 呢次誤打誤撞入左去新樂春天上海菜....看到門口那個午餐菜牌客飯祗需$36一個, 還可以接受. 就一行五人入去試新餐廳.估不到竟然有兩層, 午飯時分地下坐滿80%, 就上了樓上 空無一人. 各人都滿載期望, 因為餐廳外觀好似春天小籠包.. 五人最後點了五個客飯加一個前菜 餚肉客飯包括:腰果河蝦仁 碟頭好細, 細得令人有被騙的感覺, 但味道還可, 蝦仁爽, 有點兒蝦味..蝦子炒什菌 碟頭大了點, 但仍然有同樣感覺. 但味道唔差, 蝦子好香.. 炒鱔糊 多荳芽, 少黃鱔, 普通味, 無驚喜, 份量同腰果河蝦仁一樣的小....還有麻婆荳腐 不辣的四川名菜, 但多汁可以送飯.最後係糖醋斑塊 雖然不太大碟, 但份量係五個菜中最多的, 而且魚塊好滑, 不太差.同事在隔離檯拿了一碟煎包.... 但味道怪怪, 不夠咸... 不吃也罷.上菜後眾人都異口同聲地稱被騙... 但若以食物而論, 還是可以.但環境還是不合格, 冷氣不足, 在一樓的侍應經常出入走火門, 即時熱氣迫人.. 但離開時方發現地下比二樓更差, 由樓上走到地下竟然感到又濕又熱... 好差呢!!!所以都不知應不應該推介這間餐廳...不過我應該不會再去了..

我又一次食言唔食言之後，轉而又再食前春天舖位新樂春天。

佢晚上9:45後有特價宵夜湯麵餐，$34有一碗湯麵+點心。

我點左上海粗湯麵+小籠包，葱油拌麵+生煎包，個上海粗湯麵完全係上海粗炒麵材料, but in soup，但係味道很淡，都係上海粗炒好d。

個小籠包只係一般酒樓質素，以前春天好似好d添。

除外個生煎包係新鮮熱辣比較好味(但係只不過係似煎既小籠包)，其餘都很一般質素，雖然以前話個春天唔係咁好食，但係都好似好過而家喎!

小龍包: 不夠湯, 味道都不好素餃: 蒸得不夠熱.湯麵: 我沒吃過這麼不好吃的面. 我都覺得「春天」的時候,好味好多.現在變成「新樂春天」, 真的不行.

以前食過「春天」覺得唔錯~事隔兩年，易左手，令我好失望~炸饅頭凍都不得止，「林」既~起初煉奶都唔俾我地，問佢地拎先有~後來食剩一個饅頭時，好快就收左個煉奶，我個friend諗住食一個唔沾奶la~但佢咬左一啖就食唔落，超難食~(即係話我地其實係食煉奶多過包~)上海粗炒好多油，D麵俾炒到斷晒，好似係鍋底剩低個D~小籠包算唔錯ga la~但我不滿既係，當我夾起最後一粒小籠包時，小籠包仲痴住張紙，個侍應急不及待就收個籠，使唔使咁急呀？豆沙鍋餅幾好~或許係有期望先咁失望...

以前去過春天,以個人而水準同翡翠不相伯仲.因本人媽咪對上海菜特別鍾愛,所以帶佢呢度試.去到門口,見到春天之前加了新樂2字同埋裝修摩登咁多,當堂有不祥既feel,因為咁樣多數暗示轉手.不過既然到,廢事又行去第二度咁煩,所以都俾次機會大家.望望個餐牌,見到佢期既新菜色係washabi小籠包,喂大佬呀,fusion都唔好fu到咁,睇見佢呢個配搭,我唔相信有太多人試囉.我叫了油豆腐粉絲湯–味道只屬一般,我媽咪話唔掂呀,冇應有既香味上海湯麵–有似冇咁多油既上海粗炒放入湯面,味道又係一般生煎包–你唔講我都唔相信自己食緊既係生煎包,面友林係應該既,但唔好個底都林,至少都應該尊重生煎包既造法, 煎個底.宜家我覺得似隔夜既生煎包叮返熱咁.你可叫佢做生篜底.仲要係冇肉汁隻啵.唔掂之中既唔掂呀.埋單仲搞笑,搏我唔check, 找番一疊20蚊紙同散銀,仲要找少10蚊,你話係咪大霧過大霧山?以後唔會再幫襯!唉.......又一次令人失望既舊店返新既失敗例子.......

新樂春天餐單提供江浙菜, 中菜館等推介美食位於佐敦區，餐廳座位數未知人均消費約$51-100，結賬可以用現金。

您對於佐敦餐廳「新樂春天」有何 comment？

新樂春天餐廳詳細資料：

• 新樂春天地址:
  佐敦白加士街57-59號健能發展大廈地下及1樓
  新樂春天,  
• 新樂春天電話:  
• 新樂春天價錢: $51-100
• 分類: 江浙菜, 中菜館
• 座位: 未知
• 付款: 現金
• FB專頁: 新樂春天 Facebook

更多新樂春天相關資料:

• 新樂春天分店
• Youtube
• Facebook
• Twitter
• Google