新成興牛什粉麵專家 佐敦

新成興牛什粉麵專家 評價 相片

又有一段時間沒有抄佐敦北上. 而今次, 一樣是時間有限, 趕住上去. 所以係食方面, 都係要以快同輕食為主. 就是這原因, target, 又是麵檔.行多兩個街口. 廟街. 食肆既選擇非常之多. 看見這兒有特價麵, $13一碗. 平平地, 食少少野, 正正是我今日佐敦一行既主旨.店內好似只有煮麵大叔一人. 後來才發現店後廚房是另有天地的. 找了有利位置坐低. 叫了特價麵的其中一種, 魚皮餃麵.一分錢一份size. 特價麵, 的確係細碗D. 麵夠爽, 而湯底又加上了少少腩汁. 味道上, 多了點牛肉鮮. 魚皮餃, 雖只是3隻仔. 但這3隻餃, 就是呢一篇食評既主要介紹. 皮厚度適中, 帶點韌度, 帶點油, 帶出的, 是新鮮的香味. 而且都算是幾大隻. 同埋, 皮香不太韌, 就是一隻質素高既魚皮餃既必備.快快食, 11:55am.....趕在1點前, 深圳office報到.

同好友亨利食完餐唔係好飽嘅刺身後, 正諗緊再食咩好之際, 突然間亨利夫人致電, 由於亨利夫人仍未食飯所以就加入埋是次飯局, 而亨利夫人又好想食全世界最殘忍嘅食物煲仔飯, 於是問師傅有咩好介紹, 師傅攪盡腦汁, 終於記得呢度有間煲仔飯好似好得, 就提議黎呢間一試!其實師傅一直以來都未黎過呢間食店, 就連雲吞麵都冇試過, 但點解會黎呢間呢? 皆因師傅每次經過都覺得佢嘅煲仔飯係不錯, 所以有左印象, 但印象還印象, 點都要試過先知, 就趁住今次會一會佢啦!入到去地方唔算大, 亦唔算舒服清潔, 坐底後大家就研究下有咩想食, 最後決定係三色腸粉, 腊腸排骨煲仔飯, 一品粥同埋油菜! 落單前亨利夫人問咩野係三色腸粉呢? 師傅毫不猶豫咁答“甜醬, 麻醬同辣醬咪三色囉”, 亨利夫人都信左九成, 係好友亨利唔信, 老死即係老死; 於是細問下先知三色係蝦肉, 牛肉丸叉燒! 至於點解三色係呢個 “色”呢而唔係呢個 “式”呢, 師傅就不得而知!等左一陣一品粥首先登場, 一品粥有咸瘦肉, 海參, 魚肚, 冬菇, 玉子豆腐同粟米等, 先講粥底, 粥底一d都唔綿, 水水地嘅粥底唔算吸引, 一般, 但勝在d料夠多, 味道就唔算濃, 冇咩精係值得一讚; 三色腸粉都接到, 腸粉唔算好滑, 但一d都唔鞋, 亦唔會韌, 而配料亦算中上, 收貨; 油菜係非常嫩綠嘅菜心, 入口夠腍冇渣, 啱晒師傅呢d老人家食!最後有最殘忍嘅腊腸排骨煲仔飯, 腊腸排骨煲仔飯真係即叫即煲, 絕冇話煲定, 熱辣辣嘅煲仔飯飄出陣陣嘅腊腸香, 已經急不及待的令人想食, 而煲仔飯真係煲得非常乾身, 飯身夠爽一d都唔黏口, 得喎; 而排骨亦不算太大舊同多骨, 有肉食之餘仲夠鬆身, 唔錯; 而腊腸亦係半肥瘦適中, 唔會成口油亦唔會硬到咬唔開, 掂; 不過要彈就一定係d飯焦啦, 飯焦本身係煲仔飯令人最期待的一環, 但可惜是次飯焦燶到全黑, 真係睇見都唔敢食啦, 扣分!總括黎講食物質素一般, 但煲仔飯確實煲得不錯, 如果飯焦唔燶到咁相信一定滿分, 環境一般舒服, 清潔亦唔特別乾淨, 服務亦係普通, 接受到啦, 價錢亦唔算太貴, 三十八一個煲仔飯比粥還抵食; 作為師傅嘅第二餐, 呢餐水準亦不錯, 所以呢間食店有機會都會再黎, 但只會叫煲仔飯或試下個招牌麵, 雖然係殘忍d但水準出色, 笑臉可以一比, 加上是次與亨利夫婦晚膳, 著實暢快!

今晚係旺角學完整蛋糕, 行咗去佐敦廟街既新成興, 試過上次係銅鑼灣 新翠華既煲仔飯咁失敗之後, 再嚟呢度試食煲仔飯, 叫咗個 北菰滑雞飯 $38 + 可樂 $6, 都頗多客人, 係等候期間要我轉咗2 次位嚟遷就其他客第1 次要我轉位都無所謂, 但坐定之後又轉過就令人有點煩燥了講番個飯, d 雞都唔錯, 唔會淡茂茂咩味都無, 但個飯底就唔係好掂囉可能呢幾晚天氣凍, 多咗人食煲仔飯, d 米好似都未索夠水就拎去煲, 攪到d 飯好似得8 成熟咁, 硬既, 都幾難食, 暫時都未搵到一間好掂既煲仔飯 會趁住呢個冬天,繼續努力尋找一鍋 絕世美味煲仔飯

這間舖頭雖然街坊及地道，但食物味道卻出奇地好！怪不得位置較偏，仍有很多人幫襯，繁忙時候要等枱！我們叫了排骨煲仔飯($35)，骨腩粥($30)，牛肉腸($15)，菜心($10)及豆漿($6)！煲仔飯即叫即煑，等了十多分鐘才上，很香，排骨又多又腍，真好吃！粥也很綿，料很多，又新鮮又大件，不腥又不口乾！腸粉就即叫即拉，第一次上時不熟，但伙計叔叔好好人，即再叫門口叔叔做過！口感不俗！菜心賣相不佳，但入口卻沒渣！昨晚有很多人吃韮菜花，相信可以一試！豆漿卻可以不試!總體上，這間舖頭較地踎，你可能要搭抬(還好有多餘櫈給你放東西)，但你因它的外面而不敢走進去，真是你的損失！好的東西也可以在街坊小舘吃到，伙計街坊式的招呼，是在大店找不到!金融風暴，這些每人四十多元的消費地方可以考慮考慮！

佐敦既粥食極都食唔晒，可能因為大家夜晚都唔想食到咁飽，所以食粥囉。

呢日來到呢間野度，我地又係食粥。

一個係牛什粥，另一個係北菇玉子魚片粥。

牛什粥我都係第一次食咋，ｄ牛什同出面ｄ牛什都差唔多啦，有好大陣胡椒粉味，都算乾淨既。

而碗北菇粥呢，雖然貴ｄ，但係勁多料。

兩碗粥都係煲仔上，廿幾蚊係呢度來講都唔係平，但係一分錢一分貨囉。

新成興牛什粉麵專家餐單提供港式, 粉麵, 米線, 中菜館, 茶餐廳, 冰室等推介美食位於佐敦區，餐廳座位數未知人均消費約$50以下，結賬可以用現金，Booking訂位可以電話致電 23751673 查詢。

您對於佐敦餐廳「新成興牛什粉麵專家」有何 comment？

新成興牛什粉麵專家餐廳詳細資料：

• 新成興牛什粉麵專家地址:
  佐敦廟街284號
  新成興牛什粉麵專家, 248 Temple Street, Jordan
• 新成興牛什粉麵專家電話: 23751673
• 新成興牛什粉麵專家價錢: $50以下
• 分類: 港式, 粉麵, 米線, 中菜館, 茶餐廳, 冰室
• 座位: 未知
• 付款: 現金
• FB專頁: 新成興牛什粉麵專家 Facebook

更多新成興牛什粉麵專家相關資料:

• 新成興牛什粉麵專家分店
• Youtube
• Facebook
• Twitter
• Google