心儀 佐敦

心儀 評價 相片

想不到在舊街的一角，有一間如此優雅的Cafe。

在一個懶洋洋的下午，聽著百聽不厭的英文情歌，食個Tea Set 實是不錯的選擇。

特別一提是耶Blueberry Cheese Cake, 每次也要吃過才算去過Sunny Cafe。

因為那新鮮的Blueberry 實在是太吸引了。

若是不夠的話，再加一件碎蛋三文治和一杯Coffe 就實在是太完美了。

唔知點解個人比較喜歡去佐敦搵食,o係寶靈街行到尾,夜晚尼講較辟靜,發現到喱間cafe,小店格局,有open kitchen,相當吸引.叫個什扒晚餐,有蒜蓉飽,餐湯,蒜蓉汁什扒意粉,果撻同飲品.果撻加$10可以轉cheese cake,見佢cheese cake係自家制,當然轉啦.蒜蓉飽有兩塊細細塊,好硬好硬,蒜蓉味不足.餐湯為忌廉湯,比一般飲到o既稀,味道ok.什扒有雞扒,豬扒,腸仔同火腿,腸仔同火腿為一般貨式,豬扒好細塊同好薄,有如薄燒牛扒size.雞扒就最好食,雞扒呈雞柳狀,幾乎冇醃過,煎熟後加小小橄欖油同香草,清香好味.而成個餐o既主角 blueberry cheese cake就真係正,cheese cake裏面有藍苺果肉,而頂層o既藍苺粒亦好新鮮,一咬即爆出果汁,好正,果然名不虛傳.間cafe位置偏辟,成日都冇咩人,加上播出o既柔和法文歌,o係度靜靜嘆一個dinner或者tea就最好.

早前和兩位同事來食lunch, 一間小舖大約20個位左右, open kitchen 的格局, 中午時段坐滿晒。

我選擇蕃茄豬扒長通粉, 同事選了黑椒雞扒意粉。

首先上桌的係意大利菜湯, 清清的, 不錯。

蕃茄豬扒長通粉的蕃茄汁味道很香濃, 相比下較同事的黑椒汁好, 這裡的汁相信是自家調配的; 豬扒長通粉亦不過不失。

頭兩樣的印象唔差, 飲品反而失色了點, 我那杯是茶包奶茶, 同事的咖啡亦唔香。

我們入來的時間見他們有3款cheesecake 供應,Tiramisu係我食咁多次之中最差的一次, 一整件咩味都唔夠, 而酒味都只可以o係一個角落中嘗到一丁點, New York cheesecake & Marble cheesecake亦只是一般的, 下次再來都係只食Lunch set 算吧! 出左門口我地還估衫上的油煙味係豬扒定雞扒添!

我家姐尋日去佐敦買書,知道呢間cafe有好評,就順便黎呢度食tea.佢話黎到前一班學生入左去買左好多野,所以到佢睇時已經所剩無幾...蛋糕款式選擇唔多,唔知係本身已經無乜choices, 定係賣晒, 連好common o既blueberry cheesecake都無.我家姐叫左個marble cheesecake, 佢話味道幾好,可以再去. $18一件,抵食!不過佢話o個度環境麻麻...唔算係好nice o既cafe.

呢間舖係我最近o係呢頭食飯時, 無意中俾我搵到o既. 平時呢度唔多人o黎, 一來佢唔o係大街, 二來又有邊個會想到o係佐敦官涌街呢頭會有coffee shop 呢?正係因為咁, o黎呢度食tea 或者食晚餐都幾舒適, 又有報紙雜誌睇, 坐位雖然唔及逸東酒店o既"Aroma" 咁舒服, 但想要過一個舒適而又懶洋洋o既下午, o黎呢度絕無問題.我食過佢地o既cake set, 26蚊包一件芝士餅同一杯13蚊以下o既飲品. New York cheesecake 唔算好大件, 但質感唔錯, firm 得o黎夠軟滑. 至於杯house coffee 就整得幾好泡, 但味道就淡o左少少. 一件芝士餅本來就要18蚊, 咁8蚊一杯有水準o既咖啡, 已經係bonus.除o左有得食o野之外, 呢度仲有得賣芝士, 忌廉, 朱古力等各類製造蛋糕材料及用具, 鐘意自己o係屋企整蛋糕o既食家, 不妨o黎呢度睇o下.

心儀餐單提供西式, 咖啡店等推介美食位於佐敦區，餐廳座位數未知人均消費約$50以下，結賬可以用現金。

您對於佐敦餐廳「心儀」有何 comment？

心儀餐廳詳細資料：

• 心儀地址:
  佐敦官涌街38號德興大廈地下C號舖(由寶靈街入)
  Sunny Cafe & Cake Shop, 38 Koon Chung Street, Jordan
• 心儀電話:  
• 心儀價錢: $50以下
• 分類: 西式, 咖啡店
• 座位: 未知
• 付款: 現金
• FB專頁: 心儀 Facebook

更多心儀相關資料:

• 心儀分店
• Youtube
• Facebook
• Twitter
• Google