尚館 佐敦

尚館 評價 相片

      一直聽聞佐敦有一間由長者做侍應的法國餐廳, 所以已聞名已久, 大多數是讚賞食物質素高, 但知道價錢較高檔, 所以等待團購推廣, 終於在6月尾看到......從團購看到有推出尚館的晚餐套餐, 共有3種價錢選擇, $98(Set A) $148(Set B),及$198(Set C) 每Set有沙律/均有不同質素的肉類(主菜)/湯揀, 而我所購買的是2份Set B, 因為本人喜愛別鱈魚, 而Set A的是龍利柳,到了當天, 與侍應落單時, 本人選擇鱈魚.  我們所揀的頭盤...鴨胸什菜沙律, 上枱了, 份量是一人, 鴨胸味道不錯, 什菜沙律也OK, 過了一會, 便上主菜...我揀了鱈魚, 我朋友揀了牛仔骨, 我朋友的牛仔骨賣相不錯, 份量很大份, 牛仔骨味道也不錯, 而侍應上了龍利柳給我, 我感到有點奇怪, 當時我提出:「我所點的是鱈魚, 而不是龍利柳!!」當時那位女侍應立即回應我: 「廚房師傅話冇鱈魚, 只有龍利柳。

」她便轉身走了, 當時我心裡感不悅, 本想再與她理論, 但感到食物已煮好,  我看到碟上食物算是熱的, 心在想...「自己不想浪費食材,最後選擇無奈照食。

」但心裡感不悅, 龍利柳味道是不錯的, 有汁淋上面, 使魚肉的味道豐富了, 而碟上有少許蔬菜和脆薯格, 唯一要讚的是脆薯格, 因為炸得脆口, 口感不錯, 最後, 我們跟餐order熱飲, 餐廳廚師的烹飪技巧是不錯, 食物質素也美味。

最鍾意幫顧小本經營餐廳 有誠意有質素,尚館亦不例行,而且係我食完會掛住既一間。

環境:燈光柔和,裝潢有點古典,牆上掛畫,配上背景西洋音樂,我懷疑我真的在佐敦嗎?特別是服務員,都是一班年齡較資深的一群,很有禮貌,當日還見到老闆娘,簡單聊了一下餐廳食物和感受,很窩心,還發現,甜點都是老闆娘handmake的!!前菜..忘記名子,食材很新鮮!!菜更是鮮甜,黑醋和油自行添加,與友人完全沒有剩主菜,完全沒有失望!味道好,賣相吸引,醬料完全分開給我們自行添加 還有黃芥辣我的最愛,當然~不沾醬料已經很美味很鮮,太滿意了。

最後到甜點,知道是handmake後滿懷期待,好好味既奶凍!!特別推伯爵奶茶味奶凍!!特別又好味當日飲南瓜湯,飲得出好足料去煲制,仲有小小粒粒南瓜,加埋D奶香,平日5係幾好南瓜既我都覺正!可惜無影到 一入到去 太肚餓哈哈~最後飽飽滿意咁出返黎,棒棒的!!^^

認識左僅僅一年既好朋友話同我慶祝生日，我巧開心感動呀，同佢講心領得喇，唔使咁客氣呢! 盛意拳拳既佢跟住對我講，話會帶我去一間環境好舒服既餐廳，從來只帶過兩個人去過呢間餐廳，而我將會係第三個人……好感激佢咁重視呢份友誼，永遠既好朋友！大家約左係佐敦地鐵站等，神神秘秘咁，跟著跟著走到廟街，係一間唔多起眼既餐廳前停下腳步，到達了"尚館"！一間細細間既法式餐廳，綠色既門面，感覺好peace...餐廳寧靜幽暗，座位唔多，牆壁放置左酒櫃，格調優雅！侍應生比較年長，服務態度非常週到。

我地點左兩款set dinner share食，頭盤有蝦沙律，係中蝦，質感爽口。

沙律菜新鮮但略嫌醬汁太少。

餐湯類似係磨菇湯，口感幼滑濃郁。

香草多士乾身得來唔脆，第一次呢類多士，几特別新穎！兩款主菜分別係三文魚pizza($128), 唔夠脆既薄身批，太乾身似變腍左既餅乾。

饀料三文魚味道剛好，好多洋蔥鋪面，香味十足。

另一款係芝士焗龍蝦($268)，龍蝦肉還可以，但都係略嫌乾身左，芝士唔夠豐腴。

原來揀左餐飲就無甜品，唯有另覓地方再食！環境舒適，只是食物僅屬一般而矣！

第一次食所謂嘅法國菜，所以真係唔知算唔算正宗，不過係幾好食嘅!  同埋終於明白點解法國人要咁早收工，兩個人食一餐晚飯都食咗兩個鐘，唔早啲收工真係唔使瞓....但服務員態度幾好，環境都幾舒服，好靜. 好精緻嘅頭盤，有蟹肉酥盒，雜果沙律同雜菜. 前者較特別，十分香脆! 唔知係咪因為係法國餐，味道同平日羅宋湯好唔同，清好多，不過都幾好味. 賣相都真係幾特別，有啲似菠蘿lol，味道非常好，香草味十足!! 起初好驚個牛好肥膩，但切左啲肥膏都ok! 牛小排的確比牛扒油，但就勝在好香牛味，好夠淋. 個飯都煮得好好食，帶少少嘅白酒味同芝士味，有驚喜!! 個like係比個意粉! 一叉起就有非常香嘅白酒味!! 本身仲以為係冇汁嘅意粉，點知超多汁，超好味，意粉軟硬亦啱啱好. 個雞，太鞋啦...T.T又來另一個驚喜!! 布甸上邊有少少酒調味，布甸超滑, 好好味! 

某日有位朋友帶我嚟呢間餐廳晚飯話啲野好低食 , 服務又一流 , 佢話係請長者當服務生既餐廳 , 而前身係銀杏館 ,係一間社企餐廳 , 專請長者做事.環境無大改變 , 夠靜吾多人 . 但係食物就一般.....當然咁平價錢...真係食唔到正宗法國菜.仲諗著過左一段時間無嚟會有新菜式啦 , 點知都係個幾樣同普通西餐聽無大分別 , 平平無奇 , 一啲驚喜既都無 . 主打既菜式還是欠奉.好多野都無得你選擇.好失望.      唯一好處...夠靜無乜人.Set Dinner 方面 , 雖然黎黎去去都係個啲野 , 不過 , 啲配菜好鹹 . 而且 , 頭盤個個 Set 都一樣 , 無變化又無新意 , 亦無特色可言 . 而餐後甜品 , 來去都係個三款 , 唔係紅酒薈梨 , 就係彩虹杯 , 一係就係 Tiramisu ... 雖然不能要求過高 , 但我覺得唔好咁悶囉 ...而且 , 係 Menu 上面啲菜同埋酒都唔係樣樣都有 , 叫個款無個款 . 都唔知點解仲要寫係 Menu 上面 .

尚館餐單提供法國菜等推介美食位於佐敦區，餐廳座位數未知人均消費約$101-200，結賬可以用Visa,Master,現金。

您對於佐敦餐廳「尚館」有何 comment？

尚館餐廳詳細資料：

• 尚館地址:
  佐敦廟街269號地下
  Sante Gourmet, G/ F,269 Temple Street, Jordan
• 尚館電話:  
• 尚館價錢: $101-200
• 分類: 法國菜
• 座位: 未知
• 付款: Visa,Master,現金
• FB專頁: 尚館 Facebook

更多尚館相關資料:

• 尚館分店
• Youtube
• Facebook
• Twitter
• Google