Voila Partyhouse 佐敦

Voila Partyhouse 評價 相片

朋友睇雜誌見到呢間, 感覺幾特別, 今晚同Ling Ling 慶祝生日, 就黎試下要夠6位先可以訂枱, 仲要入$500 DEPOSIT, 不過去到就會REFUND返俾你~ 呢度係免切餅費星期六收費, 男女一律 $168 (每位可另加$48任飲酒精飲品) 但唔包啤酒, 如果包埋就真係抵一黎到, 企門口既RECEPTION女仔, 真係令人唔開胃, 全程黑口黑面, 心諗入到去其他人都係咁, 真係會令人燥底. 今時今日既服務態度係唔得架. 連走既時候講句"多謝光臨, 再見"都黑住面 =.= 好彩, 入面個個WAITER都好NICE, 尤其有個著住西裝肥肥地既男人, 就好好人,仲好有笑容, 親切好多^^一入門口, 無見到有車仔麵既位置, 只係見到2個落地雪櫃, 食物款式約16款, 味道都唔錯.我地6個人, 差唔多試晒佢地COCKTAIL上既飲品.我覺得最好飲都係Fuzzy Navel, Snow Ball 貪呢兩款無咁重酒味原來個燒烤爐係企身既, 我一直仲以為放係枱上面燒添~ 所以成晚就起身坐低... 都有D攰 見枱面無醬料, 就走去問人, 後期先發現, 醬料用個黑盒盒住左. 哈~ 朋友話辣醬好好味, 其他醬就無試, 唔太吸引, 如果轉下D醬, 例如牛油, 蒜茸, 鹽就會好D.香腸,紅腸, 丸類: 款款都幾好, 起碼呢度唔係入D 難食既貨牛扒, 豬扒, 雞扒: 牛扒豬扒都好冧好夠味, 雞扒無試金沙骨: 味道唔錯~雞翼: 好好味, 唔知係手勢好定電爐問題, 好似無咁易燶, , 燒到雞皮乾乾地, 好香口魚: 好似鯖魚, 我無試, 朋友話好好味喎粟米: 好甜翠肉瓜, 雞脾菇, 矮瓜,: 翠肉瓜, 雞脾菇燒完出黎仲有水份, 食左咁多肉, 食D菜都唔錯~ 反之矮瓜燒完好乾唔好食多春魚: 燒到脆卜卜, 好味魷魚: 好味其實用噴式既蜜糖, 真係唔多夠蜜糖味, 而且支蜜糖又漏 >.<整體地方幾大, 好闊落, SOFA又大大張, 仲有4個擲標既電子擲標機($5一舖). LIVE唱K(音响唔錯呀), 哈~ 好耐無試過係大廳唱啦, 因為之前成日包房玩. 不過輪好耐先到我地.其實黎呢度唔好諗住燒烤, 當落吧玩, 有野食, 咁既質數算唔錯~出面飲一杯COCKTAIL都唔平, 我地仲飲左咁多杯. 抵返條數

前幾日個FD生日,上左呢間「燒烤酒吧」玩,之前都未聽過酒吧都可以燒烤,一心就去試下。

一入去感覺地方都幾大,有十幾張大枱,可能假期關係,個場都幾爆。

好彩我地有BOOK枱,仲要係窗台位,個景觀係全個九龍公園,盡望尖沙咀的夜晚個FEEL都幾正~~當日咁岩就撞正國慶,放煙花個陣全場熄燈,大部份人都圍住窗口影相,氣氛高漲,一邊燒烤一邊睇煙花的確過癮至於食物方面係要客人自取的,之前我地都無抱太大期望,相信都是一般的燒烤食品,豬扒,雞翼,青口,吊桶等。

選擇唔算多,但值得一提的是肉類,尤其是牛扒同金沙骨,腌得十分入味且不覺油膩,經常要侍應捧進廚房refill,此點可作改善。

順帶一提,如果肚餓我朋友可以先食場內提供的車仔麵打個底先,始終燒烤需時,這算是細心之作。

飲品係任飲的,我地亦有加錢飲埋酒類,因為貪佢包所有COCKTAIL,出面一杯都唔只咁既價錢。

飲飲食食後,唱K,飛鏢就少不免,但如果可以免費任玩既話吸引力會大好多,始終五蚊一舖玩一陣都差唔多一舊。

最後我地由七點玩到四點,每人都係二百蚊多啲,任飲任食任唱,呢個價錢相信大如NW都做唔到,臨走先知原來仲有幾間大房,我地已經BOOK左下次哈嚕喂再上黎開P,相信咁大個埸氣氛一定好好。

經團購購買了$68每位任飲任食bbq, 我購買的類別只限星期日至四, 大約六時五十分到達, 雖然不滿坐但都要book位的. 我們去到只有另一對男女正在bbq. 環境頗大, 我們二人自成一各頗自由, 店內有很多部電視還有大銀幕, 正播著演唱會片段. 而取食物的地方近門口, 一眼便已看清所有的食物. 店內有幾部飛標機供飲酒人士消遣. bbq爐是電子爐而天花板裝了很多部抽氣機, 所以不會有四圍濃煙的情況出現. 而電爐旁有一支噴出式的蜜糖. 但樽口是漏的, 滿手都是蜜糖還有三款調味醬但我們沒有使用因食物已夠味加上覺得不太衛生. 每張枱上都有幾個骰盅, 我們都有玩玩雖然得兩個人.除了酒精飲品外其餘的飲品都是不用加錢的. 凍檸樂, 檸七沒有什麼特別, 凍檸茶茶味不夠, 熱薑蜜不夠薑味.自助車仔麵我們選了米粉, 米粉很好味不像我們平常吃的茶餐廳米粉, 可以一試, 冬菇是鮮冬菇很有菇味, 豬紅不是豬紅我估是雞紅因比較鬆散, 但味道不錯, 魚蛋, 牛丸沒有什麼特別, 但加了少許辣汁很好味. 另外再自助多一碗淨餸. 已飽了一半.真的沒有什麼東西選擇, 實在太少bbq款了. 只好選了腸仔, 豬扒, 雞翼, 金沙骨. 幸好味道都不錯不會太重味精和太鹹.再試豬頸肉和魷魚筒也不錯.蔬菜類試了脆肉瓜, 粟米和秀真菇秀真菇不適合燒因為太乾身了, 脆肉瓜不會太厚燒後仍有水份, 粟米不夠甜.如果為了bbq而來的我想說真是全錯, 像我們一樣我是為了bbq而來, 但誰不知款式會那麼少, 而食物都是一些便宜的食物, 團購細則說明不包海鮮但我看見根本就沒有海鮮可選擇. 實在是太失望了.環境方面初初還覺得頗舒服的, 但到了七時半過後人流開始多了, 音響亦比之前大, 場地開始嘈起來, 我們傾談時都要像得吵吵鬧鬧一樣. 亦發現有客人一邊猜枚一邊吸煙, 我不知道這間店是取了特別牌照還是什麼. 竟是可以在室內吸煙的, 最大問題是我在團購時是不知道的, 還是連團購的公司都不知這間餐廳是能吸引. 雖然煙味不太因抽氣設備好, 但對於我們這些不吸煙的人士對於煙味是非常敏感的. 越坐越覺得不對路, 食物少款之餘環境又嘈吵又有煙味所以我們大約八時十五分便離開了. 我亦向團購公司作出反應了情況, 希望他們進行了解及改善. 結帳時還需付加一服務費二人($30), 服務又不是好, 待應沒有笑容說話又細聲地方又嘈, 聽不到他們在說什麼, 聽不到要他們再說一次他們的態度又不好.幸好不是以原價來吃bbq, 因為我連團購價$68都覺得不值

早前一大班朋友搞gathering, 有朋友搵到呢個地方, 話可以唱k, 任食燒烤同飲野~由於我地人多, 安排左一間k房俾我地~野飲同一般出面唱k的地方無分別，無酒精野任係任飲, 但野食就不堪入目....bbq 食品: 腸仔, 雞翼, 金沙骨, 茄子, 魚蛋, 最值錢的只有青口, 多春魚同魷魚...(總之一個座地雪櫃裝晒, 唔超過15款)另外有一個類似車仔麵的counter 有: 米粉/ 麵, 牛丸, 豬紅, 生菜, 魚蛋 (餸只得5款左右)野食黎講真係完全唔得, 好似係凍肉鋪賣果d咁, 完全無醃過咁濟!!兩個電爐 (同焗爐發熱線一樣的, 就係所謂的健康無碳燒烤)要企係房門口燒都唔緊要, 但d侍應refill野食時會將上面所講少之又少的細細食物架成個推入廚房refill, 來來回回, 不停阻住你燒野食...埋單$180/位, 咁ge價錢食車仔麵, 真係去返最大果間k場食kbuffet好過!!

是日一大班fd book 了這間bar 來個大聚會, 20:00 上去都不太多人, 沒坐滿, 地方很大, 沙發位都很大,但我們太多人關係都要坐得迫點. 我們廿多人, 侍應只給我們1個烤爐, 根本不夠, 於是要求了多一個爐.有自助打邊邊和bbq, 打邊邊好像k場的, 企在出面煮完再拿回去.但食物選擇少得可憐. bbq 的話只有一個凍櫃, 食物只有refill, 沒有新款. 有魷魚, 雞扒, 牛扒, 豬扒, 雞翼,金沙骨, 矮瓜, 翠玉瓜, 冬菇, 廚師腸, 芝士腸, 魚蛋, 牛丸, 鴨胸, 青口只有一轉.鴨胸和雞翼較受歡迎, 因為鴨胸較快熟.爐是電爐, 沒什麼特別. 但不知是否我們的爐有問題, 食物好像很久才熟. 還有支蜜糖噴不出的. 所以食物都沒有什麼調味.醬汁亦沒有選擇, 只見友人拎了一碗蒜蓉汁, 但我不知那是怎樣變出來的, 我出去自助bar 看過都沒有醬汁.飲品方面幾多選擇, 有樣叫橙什, 叫了杯來試是什麼, 不覺似fruitpunch, 對我來說還是假橙汁. 可樂沒有汽, fruitpunch 不錯, 味道濃, 但不覺得有fruit.23:00 就趕人走, 侍應們開始清潔, 什麼? 不是開到4:00嗎? 還是店內只剩我們就早點關門呢?埋單$180, 以dinner 任食價錢來說不太貴, 但以那麼少選擇的食物, 加上如此質素來說側不值了, 絕不建議.

Voila Partyhouse餐單提供港式, 燒烤, 樓上cafe等推介美食位於佐敦區，餐廳座位數280人均消費約$201-400，結賬可以用Visa,Master,現金。

您對於佐敦餐廳「Voila Partyhouse」有何 comment？

Voila Partyhouse餐廳詳細資料：

• Voila Partyhouse地址:
  佐敦彌敦道219號莊士倫敦廣場13樓
  Voila Partyhouse, 13/ F, London Plaza, No.219 Nathan Road, Jordan
• Voila Partyhouse電話:  
• Voila Partyhouse價錢: $201-400
• 分類: 港式, 燒烤, 樓上cafe
• 座位: 280
• 付款: Visa,Master,現金
• FB專頁: Voila Partyhouse Facebook

更多Voila Partyhouse相關資料:

• Voila Partyhouse分店
• Youtube
• Facebook
• Twitter
• Google