Soltee Club 佐敦

Soltee Club 評價 相片

今日下午去左呢度食lunch,叫左2個Set lunch咖哩雞/豬($35), 咖哩魚($38)各配前菜,湯,飯or naan, 及一杯飲品前菜:咖哩角,脆卜卜,幾好味湯:好似蛋花加水,清清地,又咸咸地,唔係好難飲咖哩:我覺得咖哩魚d味野味d,不過就咸左d...幾好幾好~環境有少少焗,冷氣唔夠~個度無中文餐牌架,要識英文~但唔知點解,我地食左成個鐘,連一個客人都無,好似食個場我包晒咁_?

今個禮拜四一共10個人上去食晚飯,上去之前book位,不過原來成間餐廳得我地一班人。

o個晚我地叫o的薄餅、小食、咖喱、飯、湯等等。

薄餅都有幾多款式,試幾款,味道都唔錯。

小食我地叫個什菜咖喱角同黃金包,好香口,好好食。

咖喱我地就試雞、魚同羊,好味而且唔辣。

另外仲叫個金不換炒飯,依個係全晚最辣的,食唔到辣就最好要求小辣又或者唔好叫。

湯叫泰式冬陰功湯同黃薑湯,一碗約兩個人份量。

冬陰功湯唔錯,材料足,不過唔夠辣。

黃薑湯就當然好香黃薑味,底有o的飯,味道我地飲會覺得怪怪地,不過都可以試下。

整體上o的食物都真係幾好食,價錢又好抵,我地十個人埋單都係$590,比埋tips,都係每人$60。

不過佢地唔收credit card,要比現金。

另外,佢地成晚有live music,幾有特色,不過想同朋友講o野就要大聲o的。

成晚招呼我地係一位小姐,點菜要講英文或者寫編號比佢都得。

點菜最好早o的點,事關上菜要等好耐。

想食餐印度、泰國同馬來o野,依間係一個唔錯的選擇。

佢地放小量菜單o係地下o個層,去食之前可以份睇下先。

佐敦區有唔少尼泊爾餐廳, 大多都經濟實惠又好食. 今日lunch就o黎o左呢間Soltee試o下, 結果選擇正確!原本想叫佢地樓下推介o既印式午餐(35蚊包一杯汽水, 一個咖喱雞/羊/牛肉, 一塊印式烤餅(naan)或一碟白飯), 但望一望張餐牌見到'尼泊爾併盆' 個賣相幾吸引, 加上自己又想試o下o的地道o既尼泊爾食品, 於是我叫o左o個個'尼泊爾併盆' 同埋'乾炒咖喱雞腎'.'乾炒咖喱雞腎' (Pangra; $25) 係地道o既尼泊爾頭盤/小食, 用切o左片o既雞腎加埋洋蔥, 蕃茄, 紅椒同咖喱一齊乾炒, 小小辣, 好野味, 雞腎並冇韌黐黐o既感覺, 最o岩兩三個人share用o黎送啤酒一流!'尼泊爾併盆' (Nepalese Thali; $35) 同印式o既Thali差唔多, 但送料就幾唔同, 有一塊naan, 一碗扁豆湯(lentil soup), 一細份咖喱羊肉(可選擇咖喱雞), 一份蒜蓉炒菜心(!), 一份白飯同埋幾片生青瓜/生紅蘿蔔. 份量好充足, 樣樣都係即叫即整所以新鮮熱辣.搽o左酥油o既naan好好味. 扁豆湯煲得幾濃, 同南印度式煮法唔同o既係佢加o左唔少茴香籽同切碎o既芫荽, 用o黎撈白飯食相當唔錯. 咖喱羊肉唔辣又唔騷, 個汁好rich, 連皮一齊煮感覺有o的似中式o既炆羊腩, 蒜蓉炒菜心聽起o黎好似不倫不類, 但心想尼泊爾菜唔多唔少受西藏同中國飲食文化所影響, 既然尼泊爾菜有餃子, 併盆上有菜心都無不可, 而且係用印式炒法o黎炒, 都幾特別o架. 同樣係35蚊, 呢個'尼泊爾併盆' 正過印式午餐多多聲! 值得向大家推介.埋單60蚊免加一, 既豐富又有水準, 當然會再返o黎幫襯啦! 因為我仲要試多幾款地道尼泊爾菜式嘛.P.S. To OpenRice Editor: please update the information related to 'Soltee Club':Name (Eng only): Soltee Club營業時間: 每日早上11時30分至下午3時; 晚上6時至11時30分Thank you!

Soltee Club餐單提供尼泊爾菜, 咖喱等推介美食位於佐敦區，餐廳座位數未知人均消費約$51-100，結賬可以用現金。

您對於佐敦餐廳「Soltee Club」有何 comment？

Soltee Club餐廳詳細資料：

• Soltee Club地址:
  佐敦吳松街122號利際商業大廈1字樓(近佐敦道)
  Soltee Club, 1/ F.,122 Woosung Street,, Jordan
• Soltee Club電話:  
• Soltee Club價錢: $51-100
• 分類: 尼泊爾菜, 咖喱
• 座位: 未知
• 付款: 現金
• FB專頁: Soltee Club Facebook

更多Soltee Club相關資料:

• Soltee Club分店
• Youtube
• Facebook
• Twitter
• Google