德源極上串王 九龍灣

德源極上串王 評價 相片

住左九龍灣甘多年都比較小見有串燒食，依排在家抗疫，見有間新開串燒店就即管外賣試試。

首先個豬頸肉飯絕對食得出係誠意之作，塊豬頸肉燒得岩岩好，唔會太乾無晒肉汁，外皮燒得脆卜卜，內裡肉汁十分Juicy，而且豬頸肉份量亦夠多，配埋茄汁夠晒醒胃。

食完肉食返串焦糖菠蘿中和下，菠蘿鮮甜無渣，而且燒到有陣焦糖味，香甜可口，十分推介。

最令我驚喜嘅係外賣送到過黎都依然有水準，唔會焗到啲食物冧晒，下次必定會再幫襯👍。

「疫情」下新開張既串燒店🍢🍢開左大概一個月，每次經過都聞到好香既燒烤味，係區內宵夜既另一選擇。

疫情下少左出街食飯，放假又唔想煮飯，唯有落街買外賣，呢度除左有串燒，仲有飯同炒粉麵。

茄汁雞扒煎蛋飯 $48雞扒煎至金黃色，外皮脆，內肉嫩滑多汁，完全食唔到有雪味，雞肉juicy, 唔會煎到又乾又硬，本來唔食雞皮都食埋，超級邪惡😈😈蕃茄汁味道濃郁，唔會好稀，味道岩岩好，撈飯一流，酸甜茄汁配上雞扒特別開胃，推薦

見新開就試試，我落完單行開左陣，轉頭返來就見到以下場面，如果早啲見到，我發誓一定唔會試。

幫我落單既女職員已將個口罩戴左落手臂，仲喺出菜位食煙、另一邊有個負責斬肉既男職員全程無戴口罩，而且一路斬一路同另一職員講野、仲有一個傳菜女職員個口罩喺唔包住個鼻，而當時已經過左6點，禁令之下餐廳仍然比客人入座。

以上情況可能好多餐廳都會發生，但呢間廚房甘開揚，就好心做下樣啦！不過，最令我想投訴既喺呢個「吉列豬扒飯」，咖哩汁要+$3都算，但食落好明顯喺普通咖哩包煮熱，仲比我睇到職員拎住塊岩岩炸起既豬扒走來走去，搵鉸剪剪開睇下熟未，之後又再掉落鑊炸過，我真喺第一次食甘差既吉列豬扒，醃肉又勁重手，咸到我覺得再食真喺好對唔住個腎。

其實另外仲叫左十幾串串燒，但食完再食飯先諗起要上來勸大家唔好試，佢個串燒羊架薄同細到我都睇唔出佢喺羊架。

金菇肥牛，$18串，佢將一片肥牛打直分一半再包金菇，小到可憐。

其他菠蘿、翠玉瓜、蔬菜類都正常，但無特別。

總結，絕對唔會再幫襯。

晚上 九龍灣區 都冇嘢食， 看見啟德地鐵站口的易拉架見到有一間新開嘅串燒檔， 求求其其打電話去叫咗幾百蚊嘢一家四口食， 聯絡咗後 whatsapp咗個餐牌畀我， 都點咗十萬八樣嘢食， 大約35分鐘到啦 ， 食完之後大有驚喜！第一樣嘢就係佢個牛舌， 牛舌有 有口感 我覺得係必食嘅， 第二樣就係佢個羊架 真係好好味， 第三樣我推介就係豬頸肉， 也是厚切的 肉汁豐富， 第四樣係生燒雞翼 ， 感覺上有 少少似日式燒雞翼， 第五人推介嘅就係佢隻雞髀 大件夾抵食 裏面燒得原汁原味， 仲有不得不推介佢地個燒菠蘿， 甜到呢！ 其餘食嘅嘢都可以接受， 我覺得極上串王 真係可以推薦畀九龍灣的街坊

疫情之下無啖好食，突然好想食燒烤，上Foodpanda搜到而又甘岩附近有外賣送燒烤🥳由於無信用卡的情況底下老闆娘亦很好人滿$200有得免費送，仲可以送到先比現金於是嗱嗱臨試一試佢先😋半個鐘之內送到門口确實系快👍🏻中有送口罩(5個)首先講下最好味系燒韮菜，🍠仔同🌽好甜，蒜蓉🍆好香的蒜蓉味再加上孜然香絕配🤓雞亦尖同雞翼如果可以再入味d就好了，唯一不討好的就是燒🐙仔，可能燒完縮到成個1元銀甘細感覺上好5抵食🤭總括黎講對於我嘅呢d懶人黎講5洗落街又快又方便能够即時解到饞很是滿足了可以有下次🤟🏻

德源極上串王餐單提供港式, 烤肉, 串燒等推介美食位於九龍灣區，餐廳座位數未知人均消費約$51-100，結賬可以用現金，Booking訂位可以電話致電 95284868 查詢。

您對於九龍灣餐廳「德源極上串王」有何 comment？

德源極上串王餐廳詳細資料：

• 德源極上串王地址:
  九龍灣啟業街2號啟業邨熟食亭
  德源極上串王, Cooked Food Plaza, Kai Yip Estate,2 Kai Yip Street, Kowloon Bay
• 德源極上串王電話: 95284868
• 德源極上串王價錢: $51-100
• 分類: 港式, 烤肉, 串燒
• 座位: 未知
• 付款: 現金
• FB專頁: 德源極上串王 Facebook

更多德源極上串王相關資料:

• 德源極上串王分店
• Youtube
• Facebook
• Twitter
• Google