山系壽司 九龍灣

山系壽司 評價 相片

次次早一個鐘叫都係例遲。

諗住出去拎之前打電話過去提佢我行緊嚟，起得。

結果話單太多起唔倒，咁你一係淨係收街客算啦！！你係唔可以預先接order嘅，就一早出聲！我早一個鐘叫定，臨時話起唔倒，搞到我要喺lunch高鋒期再叫再等。

味道一般，想食日本米嗰陣會去，但係無下次！唔會再幫襯！我下次去飯hub，佢哋都有日本米。

至憎啲食店咁樣，晒晒人啲時間.出餐已經慢，想話叫定先，又唔肯預備定。

浪費時間！

店主人好好，重點係好抵食～Omakase一樣的品質，價錢如同大排檔😎 只要你問，佢會話俾你聽有啲乜嘢新鮮同好食～有一句說話好認同：「你對人好，人哋對你好」，熟咗之後，介紹咗好多時令食材！！！所以而家好多時都由佢發辦，從來都冇失望過！有啲市面唔多見到，但係佢呢度有👍🏻👍🏻👍🏻 Lunch 又抵食😊😊從來都係有多無少!😌😌食日本嘢，新鮮好重要‼️價錢抵食就更正啦‼️😏😏😏 新鮮先比客人，所以餐牌上嘅內容都會有因此改變💕💕雖然以前會擔心佢比啲咩，但只要你話俾佢聽你唔食啲乜嘢，就100% 可以放心NO PROBLEM🤣🤣🤣

疫情期間成日都外賣外賣，附近食來食去都果幾間，謂有上網搵下附近有無其他新野食，發現左新大陸，去取外賣時咁岩見到呢間壽司店，因為附近好少買壽司既鋪，見到當然記得及有機會就去幫襯下啦，如是者今日就行去外賣左佢個滑蛋牛烏東，重送野飲！唔算貴！飲左一啖湯覺得幾好味，倒埋落去一齊食啦，昆布可以浸耐少少先食，唔係會唔夠冧，烏東ok，夠滑，但滑蛋同肥牛就少左d,可多番少少！總括唔錯！下次可試下佢d壽司同刺身喇！

人生第一個係open rice寫嘅食評，就賜比你，真係未試過可以搵到咁難食嘅魚生飯，令我諗番起紅豆軍艦，講真紅豆軍艦都好食過你。

收52蚊無堂食，只做外賣，諗住正正常常，點知真係中曬伏。

先講魚生，成個飯D魚生就係得面個浸幾舊咁；再講D飯，一舊舊痴埋都唔知想點，預製嘅都應該好過你；最離譜係個wassabi，可以攻鼻到好似中左TG咁；結果成個飯我基本上剩係食到TG味，同帶有少少腥嘅魚生味，完。

總結：我終於知道點解前後左右d鋪頭都排曬隊係得呢間吉左係到。

之前去 hong Kong burger 買嘢食嘅時候，職員話呢間壽司小店，係佢朋友開嘅，有機會同興趣，下次可以去試下呀！見今日天氣咁好，所以，就帶齊用具，特登去試下呢間小店，睇睇佢嘅出品，合唔合自己心水先！中午十二點零到，但可能好多人都 wfh，所以，未見有人幫襯。

而我，除咗叫佢其中一款午餐之外，貪心啲再外加兩種刺身，店員亦好樂意，幫我將食物放喺自備嘅盒度，更冇馬虎了事，仲擺得好靚仔添呀！好快就搵到一個，唔多人嘅地方，開壇慢慢享受一下，寧靜嘅午餐同陽光。

呢間小店嘅價錢、份量、食物質素同服務，都令我好滿意，相信我又可以多一個，近自己嘅好選擇啦！😍👍🏻😋💖💪🏻🌻

山系壽司餐單提供日本菜, 壽司, 刺身等推介美食位於九龍灣區，餐廳座位數未知人均消費約$51-100，結賬可以用現金,八達通，Booking訂位可以電話致電 54058442 查詢。

您對於九龍灣餐廳「山系壽司」有何 comment？

山系壽司餐廳詳細資料：

• 山系壽司地址:
  九龍灣宏冠道6號鴻力工業中心B座地下B5號舖
  Hill Sushi, Shop B5, G/ F, Block B, Proficient Industrial Centre,6 Wang Kwun Road, Kowloon Bay
• 山系壽司電話: 54058442
• 山系壽司價錢: $51-100
• 分類: 日本菜, 壽司, 刺身
• 座位: 未知
• 付款: 現金,八達通
• FB專頁: 山系壽司 Facebook

更多山系壽司相關資料:

• 山系壽司分店
• Youtube
• Facebook
• Twitter
• Google