Plaza Cafe 九龍灣

Plaza Cafe 評價 相片

年頭曾經嚟過食tea覺得幾好，到3月尾時再嚟就話只賣飲品因為廚房裝修，到今日再嚟廚房已經裝修好可以提供食品，咁就諗住幫襯啦！點知一睇個餐牌⋯⋯嘩！少咗咁多選擇嘅？得返d三文治熱狗、2款意粉咁大擺，我最欣賞嘅afternoon tea set呢？？西餅糕點呢？？去晒邊？？？連d咖啡大部份都係得熱嘅！同d細路玩到熱辣辣都係想入嚟飲返杯冰凍咖啡啫，都話無嘅炸魚柳薯條就有凍嘅提供，認真吹漲仲要而家已經無埋泊車優惠，咁仲點會吸引我特登揸車入嚟幫襯你吖肉醬熱狗：味道ok但賣相一般炸魚柳薯條：魚柳嘅賣相同街邊煎釀三寶無分別，而薯條係凍嘅咖啡種類多but大部份都係得熱嘅真心希望呢間餐廳可以去返以前嘅水準，起碼都吸引到人嚟嘆個tea吖

之前見另一食評人霖迪的漂亮照片吸引, 還以為睇外國雜誌才會見到的漂亮cafe, 原來於啟德郵輪碼頭都可以找到, 不用羡慕外國的月光了! 於是趁平日下午去寫意一番。

駕車入去碼頭, 開初沿途周圍都是地盤, 感覺沙塵滾滾。

穿過地盆後, 一排排的矮樹, 景觀開揚, 豁然開朗。

穿過duty fee 店, 走到盡頭, 頓覺cafe就在面前, 雖然cafe 比想像中細很多, 亦無損自成一角的優勢。

平日的下午, 只有一個等上船的外籍型男顧客, 店員比顧客還要多, 顯得有點冷清。

還好, 感覺像包下整間cafe, 獨霸這刻的悠閒。

三邊的落地大玻璃, 加上頂部skylight, 特高樓底, 自然光非常充足舒服, 縱使當日天陰陰, 天氣不似預期, 亦無損舒適感, 紫外線傷害亦相對減少(自欺欺人中)。

如果天氣晴朗,或日落的時候到來, 定必倍加寫意。

淺木色地板, 深色雲石檯面, 傢俬線條簡單俐落, 加上落地燈, 簡約華麗, 如置身外國cafe的環境, 可以呃到讚好呢!雖然另一邊是人流極少的duty fee, 無損另一邊靠窗位置座位的景觀, 亦較舒服。

Cafe 是自助形式, 先買後坐。

凍櫃內的甜品款式不多只有數款, 但吸引力亦不遜, 款款都精緻吸引。

除了咖啡豆外cafe 亦有出售organic nuts。

剛好遇上跟eps的推廣優惠: 意式三文治套餐, 有三文治, 雜菜沙律再加杯咖啡或茶, 原價$168, 用eps只需$98, 計落都頗化算。

雜菜沙律用了多種新鮮蔬菜拼湊成的沙律, 清爽可口, 車厘茄多汁鮮甜。

雖說是健康的頭盤, 但總需要點點調味, 不至像咬草般感覺, 是店方為健康而沒有加入? 還是大意漏加?巴馬火腿意大利三文治三文治餡料有四款選擇, 有牛肉,雞肉, 三文魚和火腿, 最後選了Parma ham cheese。

Panini質地很鬆軟, 翻熱後更帶有蒜香味, 濃而不嗆, 令麵包更香噴噴。

餡料份量豐富, 火腿鋪滿了整塊panini, 每口都充滿鹹香的火腿肉, 雖然餡料中的芝士未至於焗到溶化, 但同時增加整體香口感, 加上panini內塗有蕃茄醬, 茄酸味中和鹹味之餘, 令整體更滋味! 焦糖蘋果茶Cafe用上Comptoirs Richard 這法國品牌的茶包。

焦糖味很香甜, 加上淡淡的蘋果味, 沒有蓋過茶香, 很配合, 寫意的假期捨棄咖啡因, 跑進這甜美混合的懷抱, 喉嚨倍添舒適。

沒有加上糖分和奶類, 更配合之後吃的芒果蛋糕!Quiche beacon $38見這個蛋餅焗到金黃色很吸引, 賣相不錯, 忍不住也要試試! 這法式鹹批, 時間控制得宜, 焗後的芝士很香噴噴, 尤其是面頭焗至微燶的芝士更加可口, 蛋醬也不會過熟, 保持幼滑口感。

煙肉餡料多, 每啖都充滿嚼口, 而且還加入洋蔥粒令味道更香口。

撻皮焗得香脆可口, 好味道!Mango mousse cheese tart $38蛋糕賣相精緻之餘, 質感同樣非常幼滑。

芒果味不酸亦不假, 甜度恰到好處。

芝士打得幼細, 散發淡香, 與口感柔軟的芒果慕絲配合得很好。

切開蛋糕, 面頭中間呈流質狀態的芒果醬瞬間傾瀉出來, 與慕絲一起進食, 令人難以抗拒。

餅底牛油味香而不重, 雖然餅底腍了一點, 亦無損整體味道和口感。

這高品質只是$38, 物超所值, 個人非常喜愛, 給予滿分。

原來cafe還設有戶外座位, 望著一首首的郵輪經過, 吹著微風, 悠閒舒適。

碼頭頂層還有佔地極廣的空中花園, 飽餐一頓後逛逛真寫意, 可惜3月的寒風仍不饒人。

一直想去呢間cafe,今次去完東華嘉年華就順便黎埋！ 叫左一個開心果mousse cake同一個mixed berries cake, 好靚呀兩件蛋糕。

開心果mousse cake上面有啲開心果碎，仲有件迷你macaron,好精美，味道方面亦非常好，好香開心果味！Mixed berries cake就好多唔同嘅梅，有士多啤梨，藍梅，紅桑子，黑桑子等，感覺很清新！

唔知有無人記得個電視廣告呢，順帶建議下各位女士，如果飲完酒，覺得醉醉，千其唔好飲水，試下飲一杯香濃o既　expresso， believe it or not，個人真係會醒左，然後仲會感到有好完美o既感覺。

係啟德郵輪碼頭　Plaza Cafe 入面，我地3個人都分別點左一杯 Double expresso，一沖起，我清楚見到佢面咯層咖啡油，靚o既程度，連我都唔識型容，唔好多講，飲喇。

。

一飲落去，無一般o既苦味，酸味亦唔太重，但有淡淡o既咖啡香，而其後帶來o既，反而係有某程度上o既 after taste...........比起其他連鎖店o既 double expresso，可能只係遜色在。

。

總無一間係你附近囉~~~

今年的秋季特别長，宜於郊遊。

可是秋季再長，寒冬還是要來臨的。

今晚氣溫會顯著下降，很有可能是郊遊的最後時機了。

半天假，還是不好浪費美好的天氣。

到啟德郵輪碼頭看日落，聽說這兒的Cafe水準不俗，加上陽光猛烈，日落前窩在這便好了。

Cafe比想像中小，但客人不多，加上樓底特高，一點侷促感也没有。

桌上有一盤多肉植物，走自然簡約風。

雖不是正向海景，但能遠眺遊輪駛過，加上外面藍天白雲的，真寫意。

 採自助形式，先在櫃枱下單。

在餅櫃挑一件蛋糕，再選一杯飲品，男店員把食品置放得美美的，雖要自助捧餐，還是感受到店員的细心。

Iced Aragvana chocolate72% ($58)本屬意大家一致讚好的latte，但這個也是相當吸引，用上濃度72%的法國Aragvana chocolate，喝下去味道醇厚，還隠約有點點巧克力碎，鮮奶下得重手，奶味濃差點搶去巧克力的風頭，表現中上的凍巧克力。

Mixed berry Brownie($38)Brownie十分軟身，反映它的新鮮程度，巧克力味濃香，卻是難得的不太甜，還有合桃增添口感。

面層吉士做得細滑，最驚喜的是大量的雜莓，酸甜度不一致，帶來味覺衝撃。

客人不多關係，愛待多久便多久，是個非常舒適寫意的下午!

Plaza Cafe餐單提供多國菜, 雪糕, 乳酪, 三文治, 沙律, 西式糕點, 咖啡店等推介美食位於九龍灣區，餐廳座位數52人均消費約$101-200，結賬可以用Visa,Master,現金,AE,銀聯,JCB。

您對於九龍灣餐廳「Plaza Cafe」有何 comment？

Plaza Cafe餐廳詳細資料：

• Plaza Cafe地址:
  九龍灣啟德33號承豐道啟德郵輪碼頭A區2樓S202號舖
  Plaza Cafe, Shop S201,2/ F, Zone A, Kai Tak Cruise Terminal,33 Shing Fung Road, Kowloon Bay
• Plaza Cafe電話:  
• Plaza Cafe價錢: $101-200
• 分類: 多國菜, 雪糕, 乳酪, 三文治, 沙律, 西式糕點, 咖啡店
• 座位: 52
• 付款: Visa,Master,現金,AE,銀聯,JCB
• FB專頁: Plaza Cafe Facebook

更多Plaza Cafe相關資料:

• Plaza Cafe分店
• Youtube
• Facebook
• Twitter
• Google