金樂中西美食 九龍城

金樂中西美食 評價 相片

早幾日同朋友經過九龍城聯合道,見到金樂快餐店,令我諗起以前係九龍城做嘢,成日都會去金樂食飯,因為貪佢d嘢食夠平,味道又ok,於是入去試下,睇下有冇變啦.入到去見到收銀仍然係嗰個大大聲嘅老細,於是叫返以前叫過嘅嘢食(焗芝士肉醬意粉,已包一杯飲品 $36,雞扒炒烏冬另加汽水一杯亦都係$36可以選擇coke light添),味道依然冇變,分量仍然係大大份,兩個人都食唔晒.不過要彈嘅地方係咁多年個老細不變,依然大大聲冇時停.

好耐都冇去金樂食嘢, 以前喺九龍城讀書, 成日都同d同學去呢度食嘢, 所以今日同班舊同學聚會, 就返嚟呢度回味吓, 入到去, 肥老細依然冇變, 都仲係成日大大聲同得得戚戚, 熱情依舊, 而佢竟然仲認得我哋呢班女子中學嘅學生, 可能我哋夠靚啩.....嘔!!!佢呢度係用購票型式買嘢食嘅, 就好似工業區好出名嘅"快X好"咁我哋叫咗瑤柱什錦瓜粒湯飯(包飲品, 凍飲加$2), 豬扒湯麵(包飲品, 凍飲加$2), 星州炒米(不包飲品, 而我叫咗杯凍檸賓, 加$6, 勁多賓), 雞扒炒烏冬(都係唔包飲品, 汽水加$4), 同埋一碟油菜, 樣樣都份量十足, 我哋七個女仔盡情食都係啱啱好食得晒咋, 而且味道一流, 尤其兩碟炒嘢, 鑊氣十足, 拍得住酒樓!!! 個瓜粒湯飯更加唔在講, 用粒十足, D瑤柱多到不得了, 而且肥老細仲細心到吩咐個油菜要少油, 因為係靚女食嘅成餐飯加埋都唔使$140, 位位廿蚊有找, (最衰個食評最多俾五分, 如果唔係, 抵食嘅評分十分都唔止, 呢度嘅價錢幾乎係十年冇變過)而且應該係裝修過, 因為比起以前光猛咗好多, 仍然係好乾淨, 去過嘅人都知, 佢哋嘅亞姐好勤力(仲係嗰個), 所以周圍都好企理, 連餐桌用品都抹到好乾淨

1372009自「百樂」X 年前離開之後, 現址呢間「金樂」一直無食過, 就今日 lunch 試試吧.2:30pm 嚟到, 叫了豬扒麵 + 熱奶茶 ($20) 堂食.先飲奶茶, 好熱, 好「茶」, 滑度一般.唔出色, 但都唔錯.豬扒麵就得啖笑 豬扒係兩塊油淋淋的無味梳打肉; 麵係伊麵 (唔係「頂好伊麵」, 係九記「腩伊」嗰隻「伊麵」), 不過淥得極度過火, 腍得有入口即溶的感覺, 最討厭呢隻口感!但都唔夠「搭」的幾條青菜難食, 油溢味極濃烈, lur 都 lur 唔切.環境麻甩到痹, 衛生麻麻, 放低 $20, 速閃 認真「金」又大檸樂的一餐!P.S. 味道 2 分, 因為 奶茶 3 分, 豬扒麵 1 分!

2008年12月13號 上午11點半左右今日行過聯合道的時候見肚餓就入左金樂中西美食食野。

但是入到店裡時攪笑野就發生la。

當我坐底了的時候我就舉手叫野食。

但是他們的concept是在counter買野食的。

我拉尾就去左counter買野食。

但是我覺得我當時好像傻佬一個。

我叫左一個吉列豬扒麵(HK$19,)。

加4蚊可以加多一個熱飲。

但是我不口渴。

所以我無叫野飲。

之後坐下來等店員叫。

不過都等左好耐呀。

不過等左好耐都覺得值得的。

因為豬扒是新鮮煮的。

他們用左伊麵做麵的。

試試口味先。

個麵的味道好普通。

同埋落坐味精添。

不過個豬扒煮得好好。

好熱同好熟。

口感好好。

環境方面覺得都OK。

有電視看。

不過裡面就比較舊一點。

金樂中西美食餐單提供港式, 茶餐廳, 冰室等推介美食位於九龍城區，餐廳座位數未知人均消費約$0，結賬可以用現金。

您對於九龍城餐廳「金樂中西美食」有何 comment？

金樂中西美食餐廳詳細資料：

• 金樂中西美食地址:
  九龍城九龍城聯合道28號
  金樂中西美食,  
• 金樂中西美食電話:  
• 金樂中西美食價錢: $0
• 分類: 港式, 茶餐廳, 冰室
• 座位: 未知
• 付款: 現金
• FB專頁: 金樂中西美食 Facebook

更多金樂中西美食相關資料:

• 金樂中西美食分店
• Youtube
• Facebook
• Twitter
• Google