興隆泰國美食 九龍城

興隆泰國美食 評價 相片

超級地道泰國菜位於九龍城 鋪面雖然較細但野食就十分出色 而且都出得快重點係晚餐時間去食 4個人都係400幾蚊叫左馬拉盞通菜黃咖哩雞肉 配蒜蓉包個蒜蓉包好正 係超級脆 加上佢既黃咖哩配搭係好好味：不過佢既黄咖哩就比較結身小小 老闆推介唔中意太結可以揀青咖哩豬頸肉就勝在份量都好多 夠晒四個人分享生菜包（牛肉）炸蝦餅炒粉絲

去到九龍城當然要試下泰菜、有甘多間就用餐廳的形象及人流去決定食邊間😆😂興隆泰菜似香港大排檔，勝在感覺地道、看似有實力但都係態度惡同要快。

食物方面豬頸肉幾好食、串燒都OK蒜蓉包真係普通😂$18似法包加牛油‼️最令人失望的是沒拍照的青口青咖哩😢第一眼以為係雜菜咖哩，因為見到的都是茄子🍆😂😂基本上成碗七成都係茄子🙈真係嚇親我。

而且落單時我地見餐牌上沒有蜆就問待應有冇青咖哩炒蜆，待應話有當然有但結果其實係落咗餐牌上有的青口青咖哩…同泰姨姨溝通要小心出錯‼️

興隆係我摯愛，每個禮拜食一次，住青衣都要特登過九龍城。

已keep住兩年。

食到肥姐姐同廚師叔叔都認得我兩夫婦。

以前禁堂食，都要特別買外賣返青衣食，好顛～我每次必點:1.青木瓜沙律真係超級無敵好食！每次可以食兩碟2.生菜豬肉，味道係perfect 3 牛肉串燒，惹味牛味濃4 泰式炒椰菜苗 /通菜5.香葉肉碎飯6.phad Thai 不能盡錄⋯不得不讚個廚師好顛，得一個主廚，高朋滿座時，個個催單，短短時間都可以炒超出高水準泰菜。

佢咁忙，仲會對住我笑，打招呼，真係好可愛！全店人都歡歡樂樂，好開心！興隆真係好抵食，每道菜平出面十幾蚊，又夠鑊氣，又大大碟足料。

又好有人情味，有時肥姐姐會收少我哋幾蚊。

食其它泰菜，總是覺得唔夠興隆好食，希望可以食到老啦～

夜媽媽想食泰國菜，所以同友人黎左九龍城，我地是旦入左一間看似好地道（泰國人開）嘅餐廳食。

不過入左黎之後發現佢地真係無咩防疫意識，個廚司係無帶住口罩，更加無要求食客分開d坐，明明仲有其他吉枱，但係都要我地同其他人搭枱坐🤷🏻‍♀️馬拉盞通菜 馬拉盞味道唔夠出香葉肉碎炒飯 +蛋($5) 唔記得左應該要白飯底，個炒飯有d咸，搞到食唔出本身香葉肉碎嘅惹味青木瓜沙律 少辣，但辣味蓋過唒青木瓜嘅鮮味椰青 都幾鮮甜順帶一提，原先想叫生蝦，但咁岩隔離枱叫左。

我地見到生蝦d冰下面出緊水咁，又無保鮮紙隔一隔，即刻唔想食。

講真，呢排疫情嚴重，防疫措施會變左我其中一樣揀餐廳嘅criteria。

呢度又唔係特別好食，我諗以後唔會再幫襯。

九龍城出名多美食，難得和夫人來到這裡，當然要留低食晚飯啦！泰菜，清真菜都是九龍城非常出名的美食，今日夫人就推薦我嘗試一間又平又好味嘅泰國菜，興隆泰國美食。

我們叫了六道菜，串燒：雞翼、牛肉、豬肉各一。

味道不錯，不會燒燒得太乾太硬。

豬肉生菜包：極品！食過最好食嘅生菜包。

生菜新鮮是基本，豬肉碎加入左飯焦粒？所以比其他店做得更香及有粒粒脆的感覺。

力推！蟹肉炒飯：上品，有鑊氣，蟹肉亦清香，新鮮蟹肉嗎？不知道，但是夠好味了。

青木瓜沙律：一般，食不出櫻花蝦，也沒有蝦肉，木瓜不夠清爽。

青咖喱雞：上品，夠香，不太油，夠辣，有水準之作蒜蓉包：極品，又香又脆又熱，即整即食，沒有在其他餐廳食過如此美味的蒜容包。

極力推：豬肉生菜包及蒜蓉包滿足地走出店外，我知道我和夫人會再來的。

興隆泰國美食餐單提供泰國菜等推介美食位於九龍城區，餐廳座位數未知人均消費約$101-200，結賬可以用現金，Booking訂位可以電話致電 93495377 查詢。

您對於九龍城餐廳「興隆泰國美食」有何 comment？

興隆泰國美食餐廳詳細資料：

• 興隆泰國美食地址:
  九龍城城南道18號
  興隆泰國美食, 18 South Wall Road, Kowloon City
• 興隆泰國美食電話: 93495377
• 興隆泰國美食價錢: $101-200
• 分類: 泰國菜
• 座位: 未知
• 付款: 現金
• FB專頁: 興隆泰國美食 Facebook

更多興隆泰國美食相關資料:

• 興隆泰國美食分店
• Youtube
• Facebook
• Twitter
• Google