甜之迷 九龍城

甜之迷 評價 相片

今日午飯時段到了九龍城廣場逛，見到一間裝修蠻有個性，環境格調帶點浪漫風格的新派西式餐廳 「甜之迷」。

店內座位十分舒適，感覺不俗。

據說此店是由玩具大王之子開設的「玩具」，本以新派西式甜品為主打，後來更專誠聘請西餐大廚主理，轉型為一間意大利餐廳。

不知何解，午市時段竟然只有一、兩枱客，見不用等位，便進內一試。

坐下不久，侍應便馬上送上一杯清水及午市餐牌，這裡午市有lunch set供應，而且款式亦多，印象中有五至六款，一個湯加一個主菜及飲品，價錢亦只不過是約五十元。

很難想像在這種格調的西餐廳吃飯，價錢竟如此親民。

是日的餐湯是甘筍湯，而主菜我選了雞肉蝴蝶粉配芥辣汁，因為西餐廳的奶茶一定不好喝，所以餐飲要了凍檸茶少甜。

甘筍湯上枱時溫度夠熱，甘筍橙色的湯底，還加了忌簾，味道清新之餘，口感亦順滑。

而且鹹淡相宜，不錯!主菜之所以選雞肉蝴蝶粉配芥辣汁純粹是因為個人貪新鮮的原故，這裡選用了雞柳，滑而不韌，蝴蝶粉本身較有嚼勁，配以芥辣汁烹煮，煙韌而充滿芥辣的獨特香味，而且芥辣汁一點也不嗆鼻，令人更易入口，味道有特色!凍檸茶一如預期，只屬一般西餐廳的水準，所以從來沒期望......整體來說，此店可謂九龍城中環境最格調最好的一間餐廳之一，加上午市時段亦不難搵位，價錢亦相對晚市相宜，可算是一個好地方!有機會還是會再來試一試曾在這裡獨佔鰲頭的精緻甜品!

聽講此店係蔡志明個太子開, 所以就算無生意, 都應該唔會結業.每次去到這間甜品店得小貓三四隻,侍應多過人客,諗住啲嘢都唔方好食啦!!點知有意外驚喜,甜品賣相精緻.鮮果新鮮,味道OK,去開九龍城嘅話,可以試吓.心太軟朱古力漿香濃且滑,流出嚟時熱辣辣,配埋呍呢嗱雪糕,一冷一熱好好味.鮮果千層盒,生果新鮮,酥皮鬆化,配以朱古力忌廉夾心,好味道.甜品拼盤有雲石芝士蛋糕,天鵝泡芙,士多啤梨忌廉cake同朱古力慕絲,味道一般,成七十蚊有啲揾笨,散叫大份啲,抵食啲.最好味個芝士蛋糕,濃濃嘅芝士味係我最愛,至於其它甜品一般,冇乜好講.

星期六中午去咗甜之迷食LUNCH, 因為新年期間商場做Promotion儲單換咗張$200蚊甜之迷現金劵, 超正呀!(^_^) 如果用嚟食甜品就唔駛補錢一定夠我同Honey '豪食', 但佢話淨食甜品上幾次都差不多試匀晒, 不如食lunch試佢哋其他嘢食, 嘻嘻…佢話點就點啦!去到真係好少人, 都有啲意外, 因為始終係星期六以為會好旺, 即刻諗之前夜晚嚟食甜品都好得o架, 唔通啲大盤唔掂???入座後侍應先送上兩杯暖水同一籃麵包, 我哋叫咗牛油果蟹肉沙律做頭盤($78); 牛肋條釀蕃茄意大利飯, 香草白酒煮大蜆天使麵 (好似係$98 & $118), 跟住有林酒布丁同芒果拿破侖 (好似都係$38蚊); 其實我覺得樣樣嘢味道都中上, 賣相又唔錯, 白酒大蜆天使麵蜆好靚亦夠大隻, 麵條彈牙汁啱啱好可以講係喜出望外, 拿破侖個皮好香唔係得陣風咁, 周圍都做拿破侖啦, 呢度係特別香, 仲要今日好好彩, 芒果唔酸, Nice!(食過酸芒果做蛋糕就知原來甜唔係老馮嘅)仲有呀, 侍應招呼恰到好處唔會'叫極都扮睇唔到', 亦唔會'監視'我哋, 因為有啲餐廳好好笑架, 少擔心佢唔理你啦, 反而係”玩監視”搞到你周身唔自在; 呢度可能場地寬敞, 大家可以保持'適當距離', 食都食得舒服啲.特別係後生仔侍應哥哥, 真係又好笑容又斯文, 上菜同收嘢走都會細細聲知會我哋一聲, 唔會突然'習' 一聲撲埋你枱就'立'走你枱面啲嘢, 可能呢啲都歸功於個captain train 得好??因為上次嚟食甜品我已經覺得服務唔錯, 妹妹仔侍應係怕醜啲, 但一眼關七, 要咩有咩! 其實以上呢啲都只係serve客嘅基本功, 但好多食店都”唔提供”喇,食剩兩啖問都唔問吓你’立’你碟嘢走又有, 食晒想佢收走舉埋手至不耐煩hea埋嚟不情不願嘅又有(上次去夏麵館就係咁)客人本身好好禮貌都無用, 由得啲客自生自滅, 衰啲嘅就’黑面’你添呀~加埋今次食lunch, 我覺得呢間餐廳值得推介!最緊要係呢度有幾部電視, 啱晒我呢啲鍾意電視汁撈飯嘅人啦, 多咗個撐枱腳嘅'私竇' (因為真係少人, 又或者啲人覺得貴?最大可能都似係九龍城廣場人流少嘅絕症影響啩)希望做完呢輪Promotion 佢會有多啲'返頭客', 唔好嘥咗咁好嘅場地, 唔介意俾貴少少, 有咁嘅水準, 值得嘅~ 不過我睇番Open Rice 呢度之前啲食評原來以前專做甜品時多好多選擇, 依家轉型主題做意大利餐cut 晒啲款式都好可惜, 希望做得咁好嘅食店慢慢多番啲客, 加番啲甜品種類我哋就有口福喇~(啱啱知道今年終於唔駛freeze, 有人工加, 我決定請 Honey 嚟食一餐'慶祝'吓, 哈哈哈, 加少少我都已經好開心, 多謝公司!

九龍城廣場,一個你一聽就知道係九龍城但又未必知係邊既地方.廣場本身就已經係一個奇葩,人流少,但店舖卻可以長期營業,唔通啲租好平?好多不同既食店都可以係度搵到.其實好老實講,我好鍾意唻呢度食嘢,因為一啲經常要排隊既店舖嚟到呢度都唔使排隊.而令次個主角甜之迷亦都係一間唔使排隊既舖頭.係咪一定要排隊先係好嘢?當然唔係.冇人排隊就唔慌係好嘢?咁又唔可以咁講.咁即係點?好老實,入去食都真係要鼓起少少勇氣,因為平時行過真係冇乜人,咁嗰日同愛人行完元宵,又好想食吓甜品,就諗起呢間成日都想諗既鋪頭.去到嗰度,嘩,攪乜鬼,今晚好似多咗啲人喎.但係好事嚟既,多啲人氣好過冷清清咁.一坐低,就比咗兩杯暖水,抵讚.(有啲甜品鋪頭仲講明話唔提供水,好老實講,我唔係要杯水留番係度同啲朋友吹水,而係你啲嘢太甜想飲淡水啫)睇吓個甜品餐牌,選擇真係唔係太多,記憶中大部份都係$30以上,有啲好似去到$70幾.Anyway, 叫咗橙酒班戟同法式蘋果批.橙酒班戟班戟味道同質感冇乜好評,因為已經浸淋咗,數量應該有四塊,細細地既,至於個橙酒汁就唔錯,唔係一味死甜,有橙既鮮味.法式蘋果批呢個值得推介,蘋果批鬆翠,濃香既牛油味加一球雪糕,另外個汁亦做得非常好.成間鋪其實見到好有心放本落去做,下次會試下佢地既晚餐.甜品最好就加多幾款.服務就有待確定.

每次來九龍城，都很想試一試這甜品食肆，但由於該區太多美食，胃實在納不下，至今還沒有試過，是日決定一試，但真是試得太遲這食肆轉營了意大利菜，很多甜品已經沒有供應，甜品menu可供撰擇的，實在不多，但既來之，則安之，在沒多撰擇下，再撰便是了。

門面好吸引內裏寬大舒適，環境也清潔衞生，但該天是公眾假期，食客只得我們二人，像包了場心太軟(35元)：賣相不俗，但真係迷你版，伴上雪糕，心太軟同一球雪糕差不多大細心太軟外層焗得香脆，糕身入口脆而鬆軟，朱古力味足，切開糕身，幸好有流心，朱古力漿頗澎湃，味道亦濃郁香滑，美中不足是這個心太軟實在太細小。

朱古力梳乎厘(38元)：外形不錯，但味道就令人失望，平常吃的是鬆軟，蛋白味清香，入口即溶，但今次入口，只像棉花糖混濕了水，口感差外，味道亦怪怪，就是蘸了附上的朱古力漿也於事無補，通常不浪費食物的我們，也不能清理這小小甜品，因為好難食

甜之迷餐單提供意大利菜, 甜品, 糖水等推介美食位於九龍城區，餐廳座位數未知人均消費約$101-200，結賬可以用Visa,Master,現金。

您對於九龍城餐廳「甜之迷」有何 comment？

甜之迷餐廳詳細資料：

• 甜之迷地址:
  九龍城賈炳達道128號九龍城廣場201-202號舖
  Sweetacy, Shop201-202,2/ F, Kowloon City Plaza,128 Capenter Road, Kowloon City
• 甜之迷電話:  
• 甜之迷價錢: $101-200
• 分類: 意大利菜, 甜品, 糖水
• 座位: 未知
• 付款: Visa,Master,現金
• FB專頁: 甜之迷 Facebook

更多甜之迷相關資料:

• 甜之迷分店
• Youtube
• Facebook
• Twitter
• Google