牛元帥粉麵 九龍城

牛元帥粉麵 評價 相片

九龍城大把好食野，但要性價比高的食店又唔係咁易搵到。

鐘意食牛的我一見到呢間店個名就緊係要試一試下啦。

見到店舖細細以為係一般麵店，入到去先知佢都幾多款式選，又有粉麵又有飯食。

沙瓜牛腩河沙瓜係市面上比較少見，原來係牛的第四個胃，口感同金錢肚完全唔同。

咬落去比較厚身似豬肚，但又比豬肚爽口，而且件數都唔少嫁。

牛腩入口充滿牛脂的甘香，非常好食。

半肥瘦的肉質入口軟淋，真係要hashtag一下#真心必食之選#。

咖喱牛腩飯咖喱入口香甜微辣，最岩唔食得辣又心思思想食辣的朋友。

牛腩大舊不過肉質都係入口軟淋，都係好香牛肉味。

真係要讚下老闆娘真係好客氣又好人，下次黎九龍城再幫襯先得。

第一次嚟 當然係叫佢嘅招牌牛三寶河啦以我食粉麵多年嘅經驗 牛三寶入邊應該係 牛腩 牛筋 同埋牛肚 (錯咗唔好打面)... 三樣嘢都好淋 都算入味... 但個人覺得只屬不過不失 並冇好大驚喜... 可能有少少期望過高... 啲粉反而有啲少 食完成碗之後覺得自己連一半都未飽 (利申：我唔算好大食嗰啲嚟㗎)... 下次我可能要加底...同事另外叫咗 魚蛋米 同 鮮牛肉飯... 由於我冇偷食佢哋嗰啲... 我只可以引述佢哋講：魚蛋好煙韌 鮮牛肉飯至於有幾煙韌 同幾正... 有機會試咗再同大家分享

平日都喺度食開早餐已經覺得味道有保證，仲要只係30蚊，好抵食。

今日夜晚唔想煮又諗唔到食乜，就想搵間黃店懲罰下，上網搵到佢，心諗一於就試埋晚飯！晚飯冇特別餐牌，係一般魚蛋粉鋪頭食嘅嘢，不過喺九龍城都算係抵食！我叫咗個牛腩牛雜河，雙拼都只係38蚊。

老婆就叫咗個豬手魚蛋河，另外加碟通菜，最後兩個人加埋全晚都只係$86！味道方面唔算超級驚喜，但係每樣野嘅味道都好夾👍🏻食得出係俾心機煮嘅，而唔係一早預備好晒最後滾一滾整熱佢拎出嚟俾你食嗰隻。

而且速度都非常快，諗住3分鐘打鋪機都唔得，未玩完啲食物已經到晒！呢個價錢有呢個質素同埋速度，冇嘢好講，係絕對值得支持的小店！

唔係睇到黃店地圖都唔知屋企附近有一間幾好食牛腩河。

今日同阿媽搵食，支持黃店！黎到叫左招牌牛三寶河粉，凍奶茶！一碟生菜！牛三寶有牛肚，牛腩，牛筋，好好味！好入味！個湯好濃，牛腩唔un，正！生菜唔係齋淥菜，有調過味，當然係蠔油生菜啦！凍奶茶好有茶味！就算凍既都唔淡！茶餐廳凍奶茶，堅好飲！整體黎講，佢d牛真係出色既！難怪叫元帥啦！重點係，佢是黃店！所以必須支持！下次行過會再入黎食！會再食牛三寶河粉，會帶埋其他人黎支持😉

#支持良心餐廳豬潤米$32牛坑腩米$30蘿蔔$10呢間老闆係黃嘅但係冇咁鍾意嘅係佢仲播緊cctvb🤦🏻‍♂️但食物質素就真係麻麻🙈 豬潤雖然寫住係新推介但係我覺得一啲都唔值得試 切得薄但竟然會有筋 成日咬咬下就咬唔到落去 跟住牛坑腩好多肥位 瘦嗰啲位都偏un 仲有麵嘅份量唔多 湯底食得出重味精 食完之後我口渴左好耐😪 同埋個蘿蔔都係好多渣 不過都欣賞老闆明白事理 經過當係支持下💪🏼

牛元帥粉麵餐單提供潮州菜, 港式, 茶餐廳, 冰室等推介美食位於九龍城區，餐廳座位數30人均消費約$50以下，結賬可以用現金，Booking訂位可以電話致電 26331283 查詢。

您對於九龍城餐廳「牛元帥粉麵」有何 comment？

牛元帥粉麵餐廳詳細資料：

• 牛元帥粉麵地址:
  九龍城賈炳達道49號地下
  Cow Marshal Restaurant, G/ F,49 Carpenter Road, Kowloon City
• 牛元帥粉麵電話: 26331283
• 牛元帥粉麵價錢: $50以下
• 分類: 潮州菜, 港式, 茶餐廳, 冰室
• 座位: 30
• 付款: 現金
• FB專頁: 牛元帥粉麵 Facebook

更多牛元帥粉麵相關資料:

• 牛元帥粉麵分店
• Youtube
• Facebook
• Twitter
• Google