澳門樂園茶餐廳 九龍城

澳門樂園茶餐廳 評價 相片

新年到九龍城搵食，找來一間普通茶記，叫澳門樂記茶餐廳。

晚上6點多其他食店水靜河飛，它卻差不多滿座。

看到每枱以吃小菜為主，種類很多，價錢都ok。

叫了魚腸煲仔飯，豉汁蒸白鱔，油菜。

焗魚腸就吃得多，魚腸煲仔飯就真係第一次吃，份量足又唔鯹，超好美，一定要再來吃。

再來蒸白鱔，很肥美，很有豆豉香，也很大碟。

原本沒有太大期望，抱著一是無妨的心態，估唔到咁有驚喜。

特別係夥計相當有人情味，有笑容，不像其他連鎖茶餐廳未吃飽已想把你趕走。

雖然環境普通，沒有華麗裝修，但卻很喜歡但類充滿香港情懷的平實隱世茶餐廳。

天寒地凍，除左打邊爐，煲仔飯都係一個唔錯既選擇！我們點了前菜魚皮，喜歡食魚既朋友必食！非常爽滑的呢！我們點了三個煲仔飯，由於本人很喜歡臘腸，所以臘腸排骨煲仔飯必叫！（我已急不及待吃掉了臘腸呢）魚亦是我摯愛，所以點了鯇魚煲仔飯，魚味很香，肉質嫩滑，不過吃的時候要小心有魚骨。

最後原本點了田雞煲仔飯，點知售罄了，非常失望（如果大家要食就要早去）我們唯有另選滑雞煲仔飯，雖然此雞不同比雞，但雞肉嫩滑及香口。

而家早餐冇三幾四十都食唔到D乜！行成條街間間早餐都麻麻地吸引，所以是是旦旦入左呢間。

佢個自選早餐，居然有豬頸肉、墨魚鬚、牛𦟌同鴨腎！十分邪惡！就試試沙嗲豬頸肉同醬爆墨魚鬚啦！起初抱住＄34食到D咩丫既心態，點知黎到係餸多過米粉！！！仲有幾條白菜仔食下，幾好！由於我揀既餸都好濃味同heavy，食完真係飽足一日！美中不足既係餸只係微暖，增添左油膩既感覺。

豬頸肉好厚，似豬肉多D。

墨魚鬚偏韌 ，少D牙力都食唔晒全部。

在九龍城購物完，順便祭埋五臟廟才回家，走入澳門樂園茶餐廳，打算吃過簡單的晚餐。

怎料，5:50這刻晚餐未有要等十多分鐘後才可落單，咁就退而求其次，再看餐牌，發現有特餐，特餐，我諗真係冇乜幾何食特餐喎！咁就落個特餐啦。

豬、牛、雞扒有得揀架，揀豬扒，很薄的香煎豬扒但夠大片，粉麵都有得揀，揀米線。

火腿奄列牛油方包吃得我夠飽之餘仲好滑滑，由於兩個人都唔係好肚餓，所以兩人夠分享。

一向以為九龍城只有兩個樂園，一個「樂園」位於市政大廈內，以沙嗲牛肉西多士、奶茶紅豆冰等自創另類港式食品馳名，另一個「添樂園」就以煲仔飯和手拉腸粉最為有名。

想不到這一天，一時不慎的我竟然誤中副車，去了第三個根本算不得是樂園的樂園吃了一個欠佳的早餐。

這天早上我本來是想去幫襯「添樂園」的，但一不小心，在不為意下竟然闖進了就在「添樂園」旁邊舖位的「澳門樂園茶餐廳」。

既然已經坐下，也不好意思即時離開，便將錯就錯，叫來在港式粉麵早餐以外，看來較為特別的特餐之一「煙肉洋蔥炒蛋 + 多士 + 茄汁豆」做早餐。

可惜這早餐實在令人失望，多士中的牛油幾近沒有，而且也過於硬身；煙肉洋蔥炒蛋的蛋炒得過老，毫無蛋汁；洋蔥太生；煙肉又太少，炒蛋、洋蔥和煙肉根本就是獨立的個體，各自有各自的世界，試問又怎能讓人感到滿意？吃過這難以令人感到滿意的早餐，把手上還算可以的「熱奶茶」喝完，還不快快離開這個樂園？這世界上，哪來那麼多的「樂園」！

澳門樂園茶餐廳餐單提供西式, 茶餐廳, 冰室等推介美食位於九龍城區，餐廳座位數未知人均消費約$50以下，結賬可以用現金。

您對於九龍城餐廳「澳門樂園茶餐廳」有何 comment？

澳門樂園茶餐廳餐廳詳細資料：

• 澳門樂園茶餐廳地址:
  九龍城九龍城福佬村道6號
  Macau Lok Yuen Restaurant, 6 Fuk Lo Tsun Road, Kowloon City
• 澳門樂園茶餐廳電話:  
• 澳門樂園茶餐廳價錢: $50以下
• 分類: 西式, 茶餐廳, 冰室
• 座位: 未知
• 付款: 現金
• FB專頁: 澳門樂園茶餐廳 Facebook

更多澳門樂園茶餐廳相關資料:

• 澳門樂園茶餐廳分店
• Youtube
• Facebook
• Twitter
• Google