公和荳品廠 九龍城

公和荳品廠 評價 相片

早前睇報紙見到這間店就執，自己又鍾意食豆腐產品，於是決定去食，星期日的大約兩點幾三點，有人排隊，但未係好長龍，期間也感覺到個老闆娘做到燥😅，可能這段期間突然多咗好多人幫襯關係，本身打算堂食，但原來已經無得堂食了，排隊叫了兩碗熱豆腐花及兩樽辣腐乳，豆腐花好滑，熱辣辣，加埋附上的黃糖一起食，好味，唔會過甜，雖然要$14一碗並不便宜，我們買完無耐人龍長了好多，今次無食到佢D煎釀豆腐同豆漿，希望在今個月尾前可以再去一次試吓.

見快將結業🙈，於是學人去朝聖​。

因為有點飽，只買了無糖豆漿及一份煎釀三寶。

無糖豆漿13元500毫升1支，夠晒冰凍，最啱夏天飲用，而且好有豆味​，所以無糖都好好飲，充滿豆香。

煎釀三寶一份15元有5件，我哋揀咗5件都係豆卜😛，好好品嚐下佢哋嘅豆品。

豆卜食落嘅質感好似臭豆腐，不過佢唔臭😂​，啱晒怕臭嘅朋友。

豆卜上面塊魚肉雖小但有點魚味，唔似其他舖頭大大舊但冇魚味，所以幾好食😋。

😉行過可以支持下，值得試試。

​

早幾天仲可以堂食，咁當然堂食，呢款「立食」文化不限於日本🇯🇵，街頭小食係香港🇭🇰都好有歷史。

呢間甘荳品廠商店最近又宣傳結束🈺業，雖然都仲有其他分店，但老舖始終都有歷史價值，難能可貴。

無論砌磚牆、醬缸、招牌等等，都好有歲月嘅痕跡😢———————————————————————————🍽薑汁豆腐花（$16）💬大熱天時都係想食碗新鮮滾熱辣嘅，薑汁可以增加多一種味道，又可以驅寒，喺咁經典嘅店內嘆碗懷舊豆腐花確係有另一番風味😢

這間豆品廠其實很多年前都食過一次👈印象深刻地差，所以之後都無想過再來但佢深水埗的分店又非常之好。

所以真係唔知佢地係咪之係同名但唔同人打理講返今次經歷：我去到睇到好多食客都立食。

其實已經覺得好累。

今日天氣已經熱到恐怖。

真係坐一坐的空間都沒有不過都算啦。

都係留一陣就離開。

我今次點選了豆腐花和煎釀豆腐這裡需要港幣$29。

貴唔貴就因人而異。

你問我我就覺得最後一次就比佢都無咩所謂。

如果平時日日食就幾重皮佢哋的豆腐好厚身都夠豆味。

但魚肉就薄過紙⋯⋯有圖有真相。

雖然主角係豆腐⋯豆腐花我就此中覺得深水埗係好食點。

那邊食物款式和品質都比這裡優勝。

最令我地一班食客不滿的地方。

就係在這個疫症蔓延的時候。

竟然有食客唔帶口罩不停講嘢。

但我由進店到離開都唔見佢的食物㗎喎我其實都見到有其他食客向店員投訴。

但店員都露出一個好無奈嘅表情。

老實講店員在這方面都要注意一下。

總結：今次這個快閃食豆腐花之旅體驗其實都幾差。

食物質素唔算高。

價錢又唔算低。

所以最後係無買任何豆品作支持。

豆腐花從來都是我自愛，是兒時美好的回憶之一。

食了多年的九龍城公和荳品將在九月底光榮結業！昔日白白滑滑的豆腐花、煎釀豆腐、黑白豆漿、黐飯；經曆無數個歲月裝潢，特色的收錢籃，也將成絕響！希望有緣再聚的日子真的會來臨！今日嚟打卡，外賣的人真的不少！我也嚟食返個熱豆腐花及買返瓶至愛的腐乳！我一定要在結業前密密前來！

公和荳品廠餐單提供港式, 甜品, 糖水, 小食店等推介美食位於九龍城區，餐廳座位數20人均消費約$50以下，結賬可以用現金。

您對於九龍城餐廳「公和荳品廠」有何 comment？

公和荳品廠餐廳詳細資料：

• 公和荳品廠地址:
  九龍城福佬村道67號
  Kung Wo Dou Bun Chong, 67 Fuk Lo Tsun Road,, Kowloon City
• 公和荳品廠電話:  
• 公和荳品廠價錢: $50以下
• 分類: 港式, 甜品, 糖水, 小食店
• 座位: 20
• 付款: 現金
• FB專頁: 公和荳品廠 Facebook

更多公和荳品廠相關資料:

• 公和荳品廠分店
• Youtube
• Facebook
• Twitter
• Google