龍記飯店 中環

龍記飯店 評價 相片

服務態度極差，坐左落去食食下有人搭檯，以為職員會拎塊隔板埋黎啦，點知冇，咁我就舉手問收銀果個（唔知係咪老闆娘），問佢會唔會有隔板可以隔返開，誰不知佢唔知口upup講左句唔知乜就行開左，之後都完全冇再拎板過黎，坐低食果半個鐘都已經有第二個唔識既人埋黎搭檯，走果陣比錢再一次問返收銀果個女人：「其實你地係咪唔會有隔板比人隔返開先黎搭檯？」，佢極度冇禮貌咁答我一句：「咁張檯可以坐兩個人架嘛」，然後就完全無視我總結：野食正常，但間餐廳網絡又收得差，服務態度極差，列入黑名單，唔會再去!!!!!

早上11am 早午餐可能太店裡只有兩三枱客人墨魚飯先上枱— —墨魚跟白飯分碟上，份量都充足墨魚有好香麻油，但墨魚就沒有甚麼味道，軟硬適中叉燒飯再上枱— —叉燒肥瘦適中，味道沒甚麼特別總括來說沒什麼特別，速食可以來的。

但上枱已經即時食，不過都不夠熱

諗住叫個瀨粉做晚餐，是但揀左依家餐廳。

就咁睇都無乜野，一食落去就知中左伏。

從未諗過瀨粉都可以難食到咁，湯底係青紅蘿蔔湯，甜既，但用黎做瀨粉湯底真係不敢恭維，就好似將例湯倒入去碗瀨粉度咁，食左幾啖真係頂唔順。

例湯瀨粉真係真係好好好難食。

我寧願你放粒濃湯寶都好過依家甜耶耶咁食碗瀨粉。

話佢係我人生中最難食既瀨粉都應該當之無愧。

特登寫夠二百字去比個評分佢，廢是大家一齊中伏。

不可一，不可再。

😔😔😔😔

中環食燒味飯有平有貴，今日去左間價錢比較貼地的龍記飯店。

店舖就比較老舊一點。

地舖座位較少，我地就行一上層坐雅座。

地方望落大少少，但都唔算大。

我地六人分兩張枱。

我就點左個燒肉燒鴨飯， 店舖姐姐就問要幾碗湯，唔夠再比多碗我地。

我出名湯皇，當然唔客氣要左兩碗啦。

店舖姐姐見我地成人黎，重記得我地d同事食乜， 真係好野， 呢d咪人情味囉， 唔係度度都有架。

燒肉燒鴨飯，燒肉皮脆肉厚，唔太咸，唔錯， 燒鴨亦都係皮脆，但肉就瘦左少少，但都夠哂香味， 同事就食左乳豬切雞瀨，乳豬無得輸，乳豬皮似食薯片， 脆卜卜。

值得推薦。

好耐之前係中環返工一段時間，做過咩已經無咩印象，唯一記得就係龍記既叉燒。

早排放假得閒又走去中環行下。

下午茶時間，當然又去龍記。

龍記叉燒入味爽脆，必食之選。

另外仲有懷舊燒臘，相信好多人都有講唔使我再多介紹。

但怕肥既我一直都無試，希望有日會試下。

跟碗既一條菜心甜，唔老，好食。

檸檬茶有少冰無少甜，一般茶餐廳都系咁，無奈。

老闆娘唔算有禮，說話唔多客氣，但其實對客唔錯。

當日有位婆婆點叉燒米，但叉燒太硬咬唔到想換冧啲既叉燒，燒味師傅一直唔換仲口出怨言，但老闆娘就一句都無多，直接幫婆婆換。

估唔到係中環呢啲商業地帶，都咁有街坊情味既店。

高質燒味，一定會再幫襯，值得支持既老字號。

龍記飯店餐單提供粵菜, 廣東, 燒臘, 茶餐廳, 冰室, 咪嘥嘢食店等推介美食位於中環區，餐廳座位數未知人均消費約$101-200，結賬可以用現金,銀聯，Booking訂位可以電話致電 25455328 查詢。

您對於中環餐廳「龍記飯店」有何 comment？

龍記飯店餐廳詳細資料：

• 龍記飯店地址:
  中環域多利皇后街12號地下
  Dragon Restaurant, G/ F.,12 Queen Victoria Street, Central
• 龍記飯店電話: 25455328
• 龍記飯店價錢: $101-200
• 分類: 粵菜, 廣東, 燒臘, 茶餐廳, 冰室, 咪嘥嘢食店
• 座位: 未知
• 付款: 現金,銀聯
• FB專頁: 龍記飯店 Facebook

更多龍記飯店相關資料:

• 龍記飯店分店
• Youtube
• Facebook
• Twitter
• Google