豪利茶餐廳 中環

豪利茶餐廳 評價 相片

奶茶濃滑度剛剛好、有茶味、帶少許茶單寧、回甘不差、可以說是一杯有body的奶茶。

最好落少D糖凸顯其茶味。

雞翼炸得啱啱好、個皮好脆，以這個优惠價錢係中環實在一流！值得一試！

今次已是不下十次光顧豪利，對於我這個不太了解中區食店的我，增添了不少對舊店舖的熱愛！講返食物的質量，嚴格來說並不差，食個揚州炒飯或叉燒炒飯的調味已經符合小弟的口味吧，最有印象是叫米酒雞的配菜，是一般茶餐廳好少食到的，算是我小小的推介吧！

豪利一D都唔似茶餐廳，似觀塘工廠區食堂，冇裝修、唔夠侍應。

之前同事帶我黎食過一次，如果唔係同事帶去，經過樓下都唔容易發現商業大廈一樓有間食堂。

今次我同朋友試下，今次我試左佢地o既兩餸飯，34蚊連飲品或例湯。

我揀左臘腸蒸排骨同炒時菜，朋友就揀左沙薑雞同清炒合掌瓜，味道真係好一般。

以唔需要等位，價錢算經濟，真係唔可以要求咁多。

除左兩餸飯，仲可以叫餐牌D野食，選擇都好多，上次我食過洋葱豬扒飯加熱奶茶就35蚊，都係OK啦! 杯奶茶就唔錯!唔好要求咁高啦!

心血來潮，想安安定定地吃一頓早餐，於是便在街上逛逛，嘗試尋找一間合心意的餐廳。

無意中，被這海報吸引了。

當然不是因它的精美，而是自己已很久沒吃過糯米雞了，所以很想食下。

走進餐廳，出奇地沒有太多人。

心想也好，因為可以隨便選擇喜愛的位置。

先來了一柸熱奶茶，茶味不俗，加了砂糖後，茶的甘香味仍在。

不過，要差不多等了五分鐘，才可以等到自己心目中的主角（心想這不是一早已經弄好，只需要在蒸籠內拿出來便可的咩？）。

外型是扁扁，可能因為是早餐，所以份量較少吧。

打開它，再看看肉裡的餡料，算是中規中矩。

可惜的是原來它並不是想像中應有的熱。

回憶中，糯米雞是熱黱黱的，而正如之前所說，要等了一段時間這食物才拿出來，一心以為不會是絶佳，但也不會是不冷不熱吧。

而味道就尚可吧了。

不過到最後，多了一個失望的是底部的食物竟然與荷葉粘在一起，有不新鮮的感覺。

中環上班會舊友，談天說地任我行。

本想帶朋友去食波記，呢ｄ天氣食大牌檔唔怕熱，正好。

但去到先知阿姐今日無開檔，只好轉移陣地。

之前吃過豪利，只屬不過不失，不過再遲ｄ怕搵唔到位，唔再諗了。

每次黎我都係叫兩餸飯或炒飯，但友人話食小菜套餐，心想午市叫小菜，輸多贏少格，但還是捨命陪君子。

餐跟例湯，是日為西洋菜煲豬骨。

天一半地一半是必然的事，還好少味精，味道不錯，合格。

椒鹽鮮魷賣相吸引，味道也香，吃下口椒鹽味對辦，但敗筆在不是鮮魷，魷魚一點也不爽口，雖未至霉，但肉質絕對不合格。

西檸雞最是嚇人，西檸汁只酸不甜，質感更似漿糊；雞完全沒即炸感覺，只可用腍的脆雞黎形容，可怕！這一餐是可怕的，還好朋友請客，不過，我寧可下次我請客，但食好ｄ！

豪利茶餐廳餐單提供港式, 茶餐廳, 冰室等推介美食位於中環區，餐廳座位數未知人均消費約$50以下，結賬可以用現金。

您對於中環餐廳「豪利茶餐廳」有何 comment？

豪利茶餐廳餐廳詳細資料：

• 豪利茶餐廳地址:
  中環皇后大道中142-146號金利商業大廈高層地下
  豪利茶餐廳, G/ F.,142-146 Queen's Road Central, Central
• 豪利茶餐廳電話:  
• 豪利茶餐廳價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 豪利茶餐廳 Facebook

更多豪利茶餐廳相關資料:

• 豪利茶餐廳分店
• Youtube
• Facebook
• Twitter
• Google