藥膳刀削麵 中環

藥膳刀削麵 評價 相片

返工嘅時候喺天橋度收到張傳單原來中環都有藥膳美食而且仲要好平添!中午時段即刻去睇吓有啲咩食，原來係一間藥膳美食外賣店，買嘅所有嘢價錢都非常之實惠，所有面類都係$50以下！門外來已經好多人等緊外賣我分別叫左$45牛腩刀削麵配豆漿！再加多$8 一隻糖心蛋牛腩刀削麵大大碗，牛腩牛筋都好大件，真係好吸引！牛腩牛筋煮得非常入味，配埋藥膳湯底嘅刀削麵，天氣凍左，食呢碗麵就岩哂啦！ 補補身同時暖暖胃！花雕酒糖心蛋！一打開個好香酒味🤩咬咗一啖入邊係流心糖心，好好味！早知叫2粒！

疫情下日日外賣自閉食已經成為新常態，作為中環返工食物鏈既最底層，100蚊個拉麵，90蚊個越南湯河實在太奢侈，一個唔覺意月頭已經變咗做長期糧尾，正當係11月以為自己中左馬矮真伏豪左幾日後，先發現夢一場，搖身一變長期糧尾。

萬念俱灰下比我係橫街搵到呢間窮人恩物，原來中環好多打工仔都食呢間，我本住一個50蚊有雞有麵有豆漿就唔問咁多試左一次。

等待過程都唔算太耐（大概十分鐘），發現佢地真係好好生意，收到外賣後即時狗衝返公司開餐， 一打開呢個獅子頭藥膳刀削麵，藥材香薰香撲鼻，面條口感彈牙， 獅子球仲有三大粒！頓時覺得自己返返月頭。

希望佢生意蒸蒸日上，為我哋呢啲打工仔繼續帶黎價廉物美嘅午餐！！

小店位於中環地區，餐牌選擇不多，主食一律都是同價，以這個價錢來說十分划算，份量剛好，配菜可以拼刀削麵、米線、米粉、或是白飯。

這店主打刀削麵，當然首選是這麵條吧。

那就點一份醉雞，另一份是口水雞，兩款都跟藥膳湯刀削麵，跟餐送上豆漿或紙盒飲品。

食物即點即煮，見店內只有大廚及店員二人，所以須耐心等候，拿到公司湯仍然是熱的。

不過女店員態度有待改善。

招牌口水雞口水雞的麻辣醬惹味非常，很下飯的醬汁，越吃越麻。

醉雞醉雞充滿酒香，浸著酒及汁中，肉質滑嫩，酒味餘韻在口腔裡徘徊。

麵條方面，可以配刀削麵、拉麵、米線或是米粉。

麵及湯分開放，十分貼心，不會糊掉一堆。

湯底是藥膳，有枸杞、桂圓、當歸等藥膳食材，不算太濃郁藥材味，易入口。

喝完幾口熱湯及雞肉後，頓時感覺更暖身、暖胃。

刀削麵很有嚼勁且掛湯，吸收湯的味道及精華。

一打開賣相一流份量十足，已經急不及待要起動，忘記影相😂口水雞辣得嚟又有雞味，肉身都好滑，唔會麻倒你冇曬味覺。

刀削麵彈牙， 好味！但最最最深刻係嗰杯即磨豆漿，唔甜又健康！加分不少因為實在太用心了！一定繼續支持及推介

呢間外賣成日要等，醒目既我緊係嗌外賣送上門😛佢叫2份面就包送中環黎講佢真係算好平，平民午餐嘅選擇真係唔多，其他都少貴閑閑哋都要60蚊醉雞刀削麵朋友推介因為小編唔食得辣據聞佢既口水雞係堅辣，食辣既可以試下。

醉雞份量好多，其實都夠2個人食，雞肉好嫩唔肥又入味，重點青瓜好醉😂😂索曬汁刀削麵食落有咬口，面身算粗身口感煙韌，湯底飲落有中藥味道 ，食完個人熱辣辣小籠包尚算不錯，皮薄饀足手拍青瓜又爽又辣，食辣一定要試

藥膳刀削麵餐單提供鲁菜, 山東, 粉麵, 米線, 雲吞, 餃子等推介美食位於中環區，餐廳座位數未知人均消費約$50以下，結賬可以用支付寶,現金，Booking訂位可以電話致電 96868580 查詢。

您對於中環餐廳「藥膳刀削麵」有何 comment？

藥膳刀削麵餐廳詳細資料：

• 藥膳刀削麵地址:
  中環鐵行里4號地舖
  藥膳刀削麵, G/ F,4 Tit Hong Lane, Central
• 藥膳刀削麵電話: 96868580
• 藥膳刀削麵價錢: $50以下
• 分類: 鲁菜, 山東, 粉麵, 米線, 雲吞, 餃子
• 座位: 未知
• 付款: 支付寶,現金
• FB專頁: 藥膳刀削麵 Facebook

更多藥膳刀削麵相關資料:

• 藥膳刀削麵分店
• Youtube
• Facebook
• Twitter
• Google