松家日本料理 中環

松家日本料理 評價 相片

週一小弟同家人一行四位去食5:307:45的放題，因為平啲！我地一入去不需等就入座卡位，可能人少食的關係！坐下就點我喜愛的三文魚(全是魚腩～正！),海膽(今次無苦味，好甜！上次有苦味)，青口(熱辣辣，仲有芝士同粟米粒)，牛柳粒(無韌),羊架(鬆軟)，牛尾(好滑)，天婦羅(普普通通)，炒雜菜(真是麻麻)，飲品叫了杯熱柑桔蜜(開胃)，最後是甜品雪糕(居然夾雜着碎冰，且味道一般)總括來說：除了雪糕，其他都算不錯，比上次好食左！

用頭條日報優惠券7折, 小童免費只收服務費. 一行8人消夜時段9: 0011:15pm, 起初都擔心咁夜會唔會咩都賣晒, 但去到沒有這個問題, 只要落單就有, 食物供應速度正常, 不太慢, (之前食銅鑼灣松田就麻麻地, 連雪糕都賣晒). 一口牛好正, 牛仔骨普通, 魚生味道及種類OK, 生蝦無咩味, 蝦天婦羅正, 海膽少少地ok. 雪糕美味, 飲品種類唔多. 七折后價錢是可以接受的, 我會再幫襯, 不要用比少少錢要求多多心態幫襯就可以. 

第一次寫食評因為真係覺得好火！因為朋友係中環翻工，所以唸住就佢就去呢間試下。

係groupon買左$170一個人既coupon ~但我食6點半個埸要加成80幾蚊服務費。

姐係250一個人左右！其實都無所謂只要好食都ok啦！點知三文魚好大雪味，啲uni係任食呀，不過無uni味得個苦字。

鵝肝手卷得個肥字。

我都試左幾多野下，不過信我啦，無樣得！我真係後悔無去銅鑼灣食，我真係覺得求其me埋眼搵一間放題都好食過佢。

信我啦真係好難食好難食！ 呢個價錢我＄100都唔會俾，仲要250真係癡線！

位於中環既放題真係比較少搵, 因為本身新界人,多數都係出油尖旺多~但今次會揀呢間係因為媽咪有美安優惠卡, 平日時段有7折, 假日都有8折, 折左每人220左右~就試下啦!其實呢間放題係2年幾前食過一次, 當時係平日晚上,好靜, 全場都冇10枱, 而且印象中係偏貴的.我地book左7:45, 可以食到11:45, 放題黎講都幾長時間~早左15分鐘上到去,諗住報到先, 點知起碼等左5分鐘,D侍應行黎行去都冇人停低幫我地....不停唔該唔該都冇人理,最後佢地receiption枱電話響, 先有個女人埋黎聽電話,聽完即刻同佢報到, 佢就話夠鐘先可以入, 咁係lift口排櫈坐住等,陸陸逐逐多人到達, 成個lift口迫滿哂人,終於等到7:45, 開始入座~有卡位坐! 我地5人行, 有兩個高大大隻仔, 第一次放題坐得咁舒服喎!放題黎講佢剔野食既紙真係少,計埋飲品個張都係得5定6張,不過有D真係有驚喜!竟然有我至愛三文魚籽!! (又至愛~XD)仲要都幾新鮮, 唔係爭X 個d細細粒冇咬口貨色~另外帆立貝壽司又係好得~大大粒~嘩嘩嘩!! 仲有海膽tim!!無限叫無限加!!無臭味~甜的~甜蝦普通~但新鮮~ 三文魚肥美~吞拿魚就好似紅得滯..同埋冇咩味道抖下黎D熟食先~ 雞翼只有芝麻雞翼竟然無鹽燒個隻......薄燒牛肉有蔥碎響入面包住~唔錯~~燒魚又係放題至愛, 三文魚鲛同燒鯖魚都大大舊~總括黎講呢個價錢同呢個位置都可以係市區搵到~除左三文魚籽軍艦之後其他都係普普通通咁啦~~

Lunch time 搵朋友食飯，早到上左去都即刻有位，等朋友黎到叫左選3樣的set lunch...除左食物外，waiter services就好一般，唔識幫客refill茶水，朋友的order要催成兩次先出到。

食物款式就好多啦, MENU都有3大張

松家日本料理餐單提供日本菜, 日式放題等推介美食位於中環區，餐廳座位數130人均消費約$201-400，結賬可以用Visa,Master,銀聯。

您對於中環餐廳「松家日本料理」有何 comment？

松家日本料理餐廳詳細資料：

• 松家日本料理地址:
  中環德輔道中55號協成行中心2樓
  Matsuya Japanese Restaurant, 2/ F, Hip Shing Hong Centre,55 Des Voeux Road Central, Central
• 松家日本料理電話:  
• 松家日本料理價錢: $201-400
• 分類: 日本菜, 日式放題
• 座位: 130
• 付款: Visa,Master,銀聯
• FB專頁: 松家日本料理 Facebook

更多松家日本料理相關資料:

• 松家日本料理分店
• Youtube
• Facebook
• Twitter
• Google