木槿花韓牛專門店 中環

木槿花韓牛專門店 評價 相片

寫這個食評就係唔想所有人因為見到有百幾個好評去食，食物價錢高，但質素和份量完全不成正比，非常不值。

我地已經有七折優惠，所有食物完全沒有任何驚喜，份量又小得很，叫左三款韓牛口感差又薄又少，又冇沒牛味，炸雞又乾又少。

韓式煎餅麵粉好厚身，食落去成塊麵粉又濕又淋，一啲都唔好囉，豬腩肉燒到好乾，仲有其他食物，不能盡説了！

老公生日去食餐好.佢之前話想試韓牛..即刻上網做功課發現中環的木槿花有A++韓牛食我地叫左韓牛二人Set好豐富…有牛他他有韓牛的燒肉拼盤有韓式炆牛肋骨仲有湯 + 飯每樣野食都好好味~加上侍應好好叫我地download 個apps join member送左兩條豬腩肉仲有Happy Hour 野飲買一送一最後係飽到行唔旭咁濟~~又有人會serve 你燒埋俾你食… 佢的抽氣系統幾好..食完無成身煙味食物服務環境都唔錯!

喺香港都食過唔少韓燒，間間都差唔多，但今晚同家人，一行六人，去咗中環一間門面唔係太起眼嘅韓國牛肉專門店晚飯，但原來入到去，才知道地牢還有一層，環境感覺舒適優雅，食落竟然有驚喜👍🏻😅❗️真係食到正宗嘅韓牛，牛肉新鮮不在話下，加上經理好細心講解唔同部位嘅肉質特色，如果唔係，都幾難作出選擇(樣樣都想試)😅❗️韓牛入口，口感一流，肉汁鮮味，加上服務員好專業咁幫我哋韓燒，唔單止燒出牛肉嘅香味，更加保留到juicy嘅肉汁😋😋，總之一個字「正」👍🏻❗️一間值得我再去嘅韓牛專門店😋😋❗️

高質韓牛體驗一路都想試韓牛，親愛的就趁住我公幹回港話慰勞下我，就帶左我去中環話食餐好咁話，一入到餐廳就覺得有種去左cafe嘅感覺,完全唔會有好難受嘅燒烤味! 加分位! 待應推介完我地就坐定定等食韓牛他他: 其實我第一次食，我覺得要好值得信賴嘅餐廳先會點,果然有驚喜, 唔會有血淋淋嘅感覺，配合埋醬汁和雪梨絲，提昇了口感! 肉眼: 一塊嘅份量夠哂兩個人食, 最好嘅係待應會親自幫我地燒各種肉類，而且燒烤板會去到220度先開始燒，確保鎖住肉汁, 肉眼扒包住生菜一齊食,減少油膩感! 大理石: 當晚嘅主打! 每塊都油脂均勻，有入口就溶嘅感覺!蔬菜石鍋飯: 韓國菜無得輸嘅菜式, 我地都估唔到可以清哂成煲! 整體嚟講，我同親愛的都好樂意再encore😆😆 親愛的仲話啤酒$88任飲好抵

今日突然想食牛肉,  醒起自己未試過食韓牛, 就揀左呢間店舖唔算大, 揀左個角落位坐見到呢幅圖就知有幾專業, 成隻牛都有得食第一次叫左個套餐首先會有一個頭盤, 牛肉他他 : 生牛肉新鮮, 牛味濃, 無雪味, 配上韓國雪梨既清甜爽, 幾好食同埋一個蔬菜卷, 可以清一清味覺, 加上好開胃主食: 韓燒有一舊大牛柳同安格斯差唔多, 牛味偏濃, 肉質偏軟兩舊大理石(即係上面張解剖圖既10號位) 同埋牛肋肉餐廳會問你想自己燒定職員幫你燒 , 我呢啲乜都唔識,淨係識食既懶人梗係叫職員幫我燒, 因為佢地啲手勢一定好職員會燒左蔬菜先, 推介洋蔥之後會燒大理石同牛肋肉大理石: 脂肪分佈均勻, 入口即熔, 好味, 可惜得兩舊牛肋肉: 用醬汁醃過, 好入味, 牛肉好淋跟住會燒埋牛柳肉,  燒完會幫你切開一粒粒食, 服務夠晒好建議落少少鹽食, 好味好多跟住會有飯或者湯揀, 我揀左個雪花湯好濃既牛骨湯, 入面有韓國粉絲同埋蘿蔔最後會有個甜品, 泡芙, 好食到我想問佢係邊度買

木槿花韓牛專門店餐單提供韓國菜, 韓燒等推介美食位於中環區，餐廳座位數未知人均消費約$201-400，結賬可以用現金，Booking訂位可以電話致電 25051723 查詢。

您對於中環餐廳「木槿花韓牛專門店」有何 comment？

木槿花韓牛專門店餐廳詳細資料：

• 木槿花韓牛專門店地址:
  中環士丹頓街33號地舖
  Mugung Hanwoo Beef Specialist, G/ F,33 Staunton Street, Central
• 木槿花韓牛專門店電話: 25051723
• 木槿花韓牛專門店價錢: $201-400
• 分類: 韓國菜, 韓燒
• 座位: 未知
• 付款: 現金
• FB專頁: 木槿花韓牛專門店 Facebook

更多木槿花韓牛專門店相關資料:

• 木槿花韓牛專門店分店
• Youtube
• Facebook
• Twitter
• Google