Nunu燒 中環

Nunu燒 評價 相片

Nunu燒係位於中環既日本料理店，主打食燒物同壽司，個人認為燒物如燒鰻魚係最為高質，不愧為餐廳既主打菜式!雙重芝士半條鰻魚飯 ($130)之前睇介紹最期待既一道菜，雙重芝士既賣相非常誇張，熱溶芝士同埋鰻魚汁，真係流哂口水~ 鰻魚雖然話只有半條份量，但係一個人食既話係絕對足夠。

醬汁夠哂濃郁，鰻魚燒到好入味同埋夠哂惹味，必點!!燒鯖魚定食($105) 定食包埋前菜、沙律、白飯、味噌湯同甜品。

燒鯖魚原條上，配埋照燒汁同檸檬令到鯖魚更加清新同開胃~減去左鯖魚本身既腥味~調味調校得岩岩恰到好處，係健康又好味既定食。

炸軟觳蟹 (原隻) ($78)見到隔離位嗌左原隻炸軟觳蟹整得幾靚，我即刻心心眼左~ 隻炸軟觳蟹外面脆卜卜，內裹鮮味多汁~火炙三文魚壽司 ($20) & 火炙蟹柳壽司 ($21)除左一般燒物之外，nunu燒既壽司都有幾多唔同既選擇(例如特色捲物等等)。

但由於我對呢到既燒物幾有好評，所以決定嗌火炙壽司黎食~ 火炙壽司用火槍燒過顯得格外咁香，幾好~

又到星期五，放工當然要Chill一Chill啦😂今次黎到中環呢間「Nunu燒」食日本野😈.🔸環境打卡指數：🌕🌕🌕🌖由門面睇，餐廳吾算好大，仲好易睇漏眼添😂但其實內有乾坤😎一入門口，就係開放式廚房師傅嘅功架，一覽無遺😏再行入少少，就會見到不少座位環境乾淨企理座位夠寬敞，所以唔會有壓迫感仲有兩張高腳枱可以坐架👍.🔸餐牌款式指數：🌕🌕🌕🌗落單行電子化，只用電話scan QR Code 就得每項都有哂價錢同圖片少左舊式餐牌嘅累贅，既方便又環保款式方面當然亦有好多選擇刺身，壽司不在話下仲有丼飯，天婦羅，炸物架～.🔸牛油果炸蝦卷 $88美味指數：🌕🌕🌕🌕香軟帶甜嘅飯團卷住炸蝦天婦羅表面再鋪一層厚厚嘅牛油果片再加點蟹籽做點綴擺盤非常吸睛！外軟而內脆，加上牛油果嘅綿密，大讚呀！.🔸咖喱唐揚炸雞飯 $100抵食度高加$25有埋味噌湯，前菜，沙律同甜品味噌湯落料好足啖啖都食到海帶同嫩豆腐前菜係日式麻醬豆腐甜品係日式麻薯👍日式咖哩勝在味濃炸雞火喉控制得吾錯，食落厚身又實肉另外，估吾到加左$10芝士，竟然係咁多🙈輕易就拉到濃厚嘅芝士絲！芝士控真係吾好錯過🤣由於嗌左Set以優惠價加$18食兩件三文魚壽司😎三文魚厚度適中，紅白紋清晰，入口即化.🔸火炙蟹捧 $21美味指數：🌕🌕🌕🌕蟹捧燒至微焦，加埋沙律醬軟綿香甜，好正😋.🔸野菜天婦羅 $68美味指數：🌕🌕🌕🌕有五款天婦羅香菇肉厚富彈性南瓜綿密香甜草菇爽口有咬勁茄子鹹酥中帶薄脆仲有炸洋蔥，入口輕盈帶甜🥳

Nunu燒❤️中環超抵食丼飯👍門面樸實，經過差d miss左佢添。

朋友介紹，佢介紹得既餐廳質素都唔差，專登過海一試。

7點幾到達，肺炎關係，街上都少左食客，nunu燒都唔例外。

餐廳用QR code點選食物，自助又方便。

打開menu馬上俾晚市丼飯呢個category吸引。

丼飯有好多選擇，刺身丼同熟食丼同樣吸引，我地各試一款啱啱好😂丼飯加$25配送前菜，沙律，麵豉湯同甜品👍黑松露温泉蛋豚肉丼飯 ＋$25轉餐濃郁的黑松露香氣噴鼻😍黑松露多到蓋住温泉蛋添❤️篤穿温泉蛋汁，撈勻蛋汁，黑松露，葱粒同飯，各種滋味交織在一起，好正👍豚肉片薄切， 脂肪同瘦肉平均。

前菜有麻醬豆腐，豆腐滑溜冰凍👍沙律菜同青瓜皮清爽，開胃。

麵豉湯比一般的味道更香更鮮味😋仲有不少海苔呢北海道海鮮丼咁多款海鮮丼，一於食豪少少。

呢款有海膽，三文魚籽，牡丹蝦，帆立貝😍一片片脆紫菜，放上海膽做成紫菜海膽卷好正😘海膽新鮮，冇腥臭味。

三文魚籽飽滿👍最出色莫過於牡丹蝦，蝦肉彈牙爽甜，蝦頭仲有蝦膏架😉刺身厚切👍魚肉肥美柚蜜牛舌其實叫完有少少後悔，雖然呢碟柚蜜牛舌好好味，不過丼飯太足料，食完已經8成飽了😭建議細食女仔叫一個丼飯份量已經足夠🙈講返呢碟，柚蜜食落甜蜜蜜😋上面頭有一絲絲柚子碎，加甜的牛舌減少了肥膩感。

牛舌質地軟諗，好香牛味呀。

今日約左F在中環shopping兼食lunch, 我地專登行去安和里睇吓有乜好食，安和里雖然係一條小巷，但卻不時揾到令人驚喜的食肆，就好像今天遇到的Nunu燒，絕對是一處不錯食Saturday lunch的選擇！細看Lunch menu, 有原條或半條鰻魚丼，咖哩系列，辣蕃茄系列，另外還有人氣定食，鵝肝石鍋飯，溫泉蛋蔥飯和16款刺身丼，真係樣樣都想試下，最後我地揀左一個北海道海鮮丼和黑松露溫泉蛋豚肉蔥飯，午市套餐另加$25就可以有埋味噌湯，前菜和沙律。

前菜是茄子漬，又腍入味，正！沙律是由生菜，車厘茄，青瓜配以胡麻醬，清新又開胃。

味噌湯配料豐富，有豆腐，葱，海帶和有少許三文魚腩，味道鮮甜而濃郁，美味！北海道海鮮丼$188~由帶子，三文魚籽，海膽，油甘魚腩和牡丹蝦組成的北海道海鮮丼非常新鮮抵食，刺身質素很不錯。

帶子肉質嫩滑鮮甜，三文魚籽粒粒卜卜脆，帶點咸鮮，好正！海膽質感綿密細嫩，鮮甜回甘，好好味呀！油甘魚腩厚切，油脂豐富，魚味濃郁，口感油滑幼細，令人回味無窮！牡丹蝦爽甜彈牙，好美味。

黑松露溫泉蛋豚肉蔥飯$135~豚肉帶少許腩肉令口感爽中帶腍，温泉蛋再混和大量的葱粒，洋葱和黑松露令整個丼飯味道和口感有多重層次，飯粒濕潤而帶葱和黑松露的香味，好正呀！廣島吉列蠔$35/隻~炸至外脆而蠔肉juicy鮮甜，配上蛋黃醬更加滋味。

少時不知天高地厚，以為自己可以嬴哂全個世界。

但人到中年時，你就會發現你所擁有既都只不過係浮雲，你開始覺得人生苦多過甘，但為左走到人生盡頭，你最終都會欣然接受。

好好享受每一刻，活在當下，今日就黎到中環呢間「Nunu燒」，盡情放肆地將辛勞化成食量！加上有小店氣氛，呢點值得欣賞。

👇📌蒲燒鰻魚飯 $210👉好鍾意係串燒鋪裡食燒鰻魚，貪佢地一定有專業既烤爐，能夠充分保住食物既肉汁。

而呢到亦唔例外，師傅將原條鰻魚先切成六份，每份再分三串放係烤爐上面燒，一邊燒一邊塗上餐廳自家製鰻魚汁。

鰻魚亦有半條選擇，視乎你喜好而定，但對我呢d鰻魚控黎講，原條先夠過癮咖麻。

而燒完既鰻魚夠厚身，完全唔乾，肉質嫩滑帶焦香，配上鰻魚汁一齊食夠哂惹味。

聽Staff講佢地用既米係來自日本越光米，唔怪得飯粒軟硬分明，非常好食！📌帶子魚生丼 $128👉估唔到呢到都有我最愛既魚生丼，而呢個丼飯就一次過食勻我最常食既魚生。

包括三文魚、希靈魚、油甘魚同埋不得不食既帶子呀！份量就相當豐富，帶子夠新鮮雪白，有咬口，唔錯；三文魚厚身肥美；希靈魚入口鮮甜，粒粒魚子爽口彈滑；油甘魚油脂味濃，成個丼飯層次感更加豐富。

Nunu燒餐單提供日本菜, 壽司, 刺身, 串燒, 居酒屋等推介美食位於中環區，餐廳座位數50人均消費約$101-200，結賬可以用Visa,Master,AlipayHK,支付寶,現金,Apple,Pay,Google,Pay,微信支付，Booking訂位可以電話致電 91929294 查詢。

您對於中環餐廳「Nunu燒」有何 comment？

Nunu燒餐廳詳細資料：

• Nunu燒地址:
  中環和安里4-5號地舖
  Nunu燒, G/ F,4-5 Wo On Lane, Central
• Nunu燒電話: 91929294
• Nunu燒價錢: $101-200
• 分類: 日本菜, 壽司, 刺身, 串燒, 居酒屋
• 座位: 50
• 付款: Visa,Master,AlipayHK,支付寶,現金,Apple,Pay,Google,Pay,微信支付
• FB專頁: Nunu燒 Facebook

更多Nunu燒相關資料:

• Nunu燒分店
• Youtube
• Facebook
• Twitter
• Google