MX (中華總商會大廈) 中環

MX (中華總商會大廈) 評價 相片

中環lunch時間真係好多人，有時想食個快飯，都係去連鎖快餐店🤭。

呢間 MX都真係好耐歷史，其實我自己覺得連鎖快餐店之中，MX既燒味同中式飯係比較出色😚。

所以我多數黎都係食燒味飯，今次又order 左個叉燒炒蛋飯 $45同埋 叉燒油雞飯 $46😋。

不過有D奇怪明明都係叉燒，叉燒炒蛋飯D叉燒乾好多，無咩脂肪😅，炒蛋就唔錯，炒得啱啱好，加左菜甫同葱，所以增加左香味😍。

叉燒油雞飯，D叉燒可能係燒味部出既，好食好多，帶少少肥，好甘香😆，油雞都好味，好滑同埋淡淡豉油香，真係唔錯。

有時唔知食咩，簡簡單單食個快飯，MX都係幾好既選擇。

一杯咖啡加火腿炒蛋麵包，大家對$32元一份外賣早餐有何期望？其實以早餐來說，以上價錢不算便宜！但在MX美心烘焙就是個大伏，麵包單叫$19，見到整齊的排列在一個玻璃箱內，心想新鮮製造還keep warm，有誠意啦，加杯即磨咖啡$13，若味道合理是可以接受的。

怎料回到公司取出麵包，由饀料至包均是凍的，完全不是放在玻璃箱内的產品，加上那杯比清茶好一點的咖啡，完全是中伏的一餐。

中環美心MX裝修後重開，諗住有張coupon，順便用埋，點知中伏。

於早餐時段，都預咗人多，但時間仲早諗住試吓，落order要排長龍，試吓用自助機，點知scan 唔到張coupon，職員幫手都scan唔到，最終都要去cashier 先攪掂。

到買咗飛又要排隊攞餐（人哋麥記、大x樂都出no. 等，使乜排隊，仲可用Apps預先落order，免排)，落order到攞餐都前後攪咗1520分鐘，如果趕返工真係諗清楚！

原本想食譚仔嘅早餐（三文治🥪），但時間計得好近又加埋唔識路搵咗一陣，去到剛好11點， 截咗單冇得食囉😞😞，咁睇吓附近餐廳仲有買早餐，就係隔幾間舖嘅MX🤩🤩～～～脆嫩魚柳煎蛋餐+火腿絲通粉+凍檸茶～～～脆魚柳炸得都幾靚仔，算叫做幾大塊，肉質就未去到話超滑，，不過已經唔錯😚😚！會有兩隻太陽蛋，蛋白幾厚，口感唔錯！ 蛋味一般🙂🙂火腿通粉就屬正常水平😗😗～～～雞扒.腸仔+榨菜肉絲米粉+凍檸水～～～雞扒同腸仔就嫌鹹咗少少🤏🏻🤏🏻！肉絲米粉就普通咗啲😉😉另外多士有另一個食法，就係塗完牛油上面再加層薄薄砂糖，會中和返牛油🧈嘅油膩感仲帶少少甜味，不防一試🤗🤗

叉燒、菜脯香葱炒蛋飯 $48 包飲品⭐️⭐️⭐️⭐️💫.要食個快飯，又鍾意蛋又鍾意叉燒，於是一見餐牌好快便知要這個。

.叉燒、菜脯香葱炒蛋飯 $48 包飲品⭐️⭐️⭐️⭐️💫 (4.5分)✅首先賣相很不錯。

顏色豐富，又紅又黃又綠。

✅味道方面也比預期高，炒蛋好滑又夠多，叉燒還好，之前我好喜歡美心的叉燒，今次稍比之前遜色少少，同時依然很不錯。

菜脯可以多一點。

✅餸的份量夠，我記得之前試過餸少得很，飯吃到一半已沒餸了，這個我吃完了飯還有餸，滿足😊

MX (中華總商會大廈)餐單提供港式, 快餐店等推介美食位於中環區，餐廳座位數未知人均消費約$50以下，結賬可以用Visa,Master,AlipayHK,支付寶,現金,八達通,AE,銀聯,JCB,Apple,Pay,Google,Pay,微信支付，Booking訂位可以電話致電 21406689 查詢。

您對於中環餐廳「MX (中華總商會大廈)」有何 comment？

MX (中華總商會大廈)餐廳詳細資料：

• MX (中華總商會大廈)地址:
  中環干諾道中24號中華總商會大廈地下及1樓
  MX (中華總商會大廈), G/ F&1/ F, Chinese General Chamber Of Commerce Building,24-25 Connaught Road Central, Central
• MX (中華總商會大廈)電話: 21406689
• MX (中華總商會大廈)價錢: $50以下
• 分類: 港式, 快餐店
• 座位: 未知
• 付款: Visa,Master,AlipayHK,支付寶,現金,八達通,AE,銀聯,JCB,Apple,Pay,Google,Pay,微信支付
• FB專頁: MX (中華總商會大廈) Facebook

更多MX (中華總商會大廈)相關資料:

• MX (中華總商會大廈)分店
• Youtube
• Facebook
• Twitter
• Google