Casa Lisboa Gastronomia Portuguesa 中環

Casa Lisboa Gastronomia Portuguesa 評價 相片

每次到「Casa Lisboa」都有驚喜，今次和朋友又去了Casa Lisboa除了我的至愛「薯絲炒馬介休」外，今次又試了幾款地道的葡萄牙菜。

首先出場是麵包，熱辣辣的送到枱上，已聞到麵包的香氣，吃時加上牛油或橄欖油已好好味了。

前菜的「葡萄牙式菠菜蓉配香煎帶子、煙肉及檸檬汁」香煎帶子的面層有京蔥絲、煙肉絲和檸檬皮絲，相信檸檬皮絲應該用糖煮過，所以甜甜酸酸又幾惹味；底層的忌廉菠菜蓉醬汁，個人覺得更襯托出帶子軟稔的口感，仲提升了鮮甜度。

「伊比利亞豬扒包」就是一般的豬扒包升級及改良版，用了葡萄牙的伊比利亞豬，所以口感寧舍不同。

入口獨特的香濃味道，肉質仲好嫩滑，旁邊的醬汁帶有輕微的酸香，與豬扒包味道好夾呀!「薯絲炒馬介休」是這裡的招牌菜，差不多每一枱都會點選，也是我的最愛，炸得香脆的薯絲下，是馬介休的薯仔絲，真是「薯」味無窮。

充滿濃厚葡萄牙風味的「香煎鱸魚配葡萄牙式蜆肉煎餅」，入口就嘗到外皮金黃香脆，內裡的蜆肉更是充滿蜆汁，好好味的煎餅，而鱸魚煎香至恰到好處，肉質都好嫩，不論香煎鱸魚或是蜆肉煎餅，同樣滋味，真是搞不清誰是主角。

在葡萄牙料理中，鍋物都是當地人的家常菜，這道「慢煮伊比利亞豬頸肉布冧栗子鍋」，吃得到是用了伊比利亞豬的豬頸肉，鍋物內仲有蕃茄、蜜桃、栗子、月桂葉；肉質軟熟的伊比利亞豬頸肉，吸收了濃郁的醬汁，熱辣辣的好味到，令我至今好難忘。

雖然我不是好愛甜品，但這個傳統「葡萄牙香橙蛋捲配mascarpone芝士及muscatel橙汁」不算甜，而附上小膠管仔，可自己將混入蜜糖、肉桂和橙汁煮成香甜的醬汁，唧入蛋糕卷裡，好有心思又好味。

Casa Lisboa Gastronomia Portuguesa:地址: 中環雲咸街63號巴力大廈2樓訂座電話: 2905 1168營業時間：星期一至五12:00 15:00，18:00 23:00；星期六至日11:30 15:30，18:00 23:00

【瘋癲試食】｜葡萄牙菜 🇵🇹無得去旅行 又想有旅行嘅感覺🇵🇹 於是去食啲平時無咩食過嘅菜式🤩 假日去完中環街市打卡後就開始搵有咩特別野好食 搜尋下發現中環有間葡國菜好似唔錯咁😋😋 餐廳位於大館附近 位置都算好容易就搵得到 但餐廳格局就唔算太闊落 檯與檯之間都幾貼下🧐🧐 Sapateira🦀🦀頭盤嚟左個凍蟹肉多士 蟹肉伴上少少洋蔥 鮮味同份量都十足嘅蟹肉❤️ 再將蟹肉鋪滿上多士上 一啖一口🤩🤩Red Prawn 🦐 & Avocado 🥑 呢個Tartare大廚整到好靚呀❤️❤️紅蝦肉配上好多好多牛油果😋食落非常Fresh嘅感覺🥰Caldo Verde呢個睇完個名都唔會知係咩嚟🤣原來係葡文係解薯蓉湯❤️Staff亦都強烈推薦我地叫嚟試吓😋呢個係葡國菜非常有名嘅菜式 用左薯仔再加上幾款香腸煮成 林小姐大讚非常好飲😋Mussels 呢個青口亦係Staff極力推介我地去🤩🤩青口上伴上洋蔥 紅青椒 再塗上一層甜甜嘅醬油 如果食得辣仲可以伴埋旁邊嘅秘制醬汁 食落非常惹味 但我就覺得非常辣😂😂🌶Suckling Pig 🐷 去到食葡國菜又點可以少得主角呢😂😂🐷 葡式焗乳豬 乳豬烤到皮脆肉嫩 食落口仍然係卜卜脆 🐷🐷肉汁亦好多肥瘦均勻 不過叫多個人嚟Share就會好啲 兩個人食哂都幾膩吓🤣 📍 Casa Lisboa Gastronomia Portuguesa (中環)中環雲咸街63號巴力大廈2樓

讚1.嘢食仍然有水準，頭盤既八爪魚有好香既蒜味，葡萄牙乳豬一如以往的皮脆肉香；點左鴨肉飯，煮得好入味，表層有少少脆，但入面就好香；整體上食物完全無問題2.任飲好貨真價實，杯到杯乾，水果調酒好有果香；青酒（唔係清，係青）入口係幾清爽既果香彈1.環境係有啲逼，同埋上菜係有啲慢，都要適應下既

有葡萄牙總廚 網上有唔少推介作為異國菜fans好開心又解鎖咗一個新國家😄應該由前三個restaurant week開始留意到佢今次終於決定試下𝗥𝗲𝘀𝘁𝗮𝘂𝗿𝗮𝗻𝘁 𝗪𝗲𝗲𝗸 𝗦𝗲𝘁 𝗗𝗶𝗻𝗻𝗲𝗿($𝟯𝟵𝟴)🤍𝗧𝘂𝗻𝗮 𝗮𝗻𝗱 𝗕𝗹𝗮𝗰𝗸𝗲𝘆𝗲𝗱 𝗣𝗲𝗮𝘀 𝗖𝗼𝗹𝗱 𝗦𝗮𝗹𝗮𝗱 | 𝗥𝗮𝘁𝗶𝗻𝗴: 𝟳/𝟭𝟬香料味較重 啲豆煮到好稔 好食🤍𝗖𝗵𝗶𝗰𝗸𝗲𝗻 𝗮𝗻𝗱 𝗧𝗿𝘂𝗳𝗳𝗹𝗲 𝗛𝗼𝗺𝗲𝗺𝗮𝗱𝗲 𝗣𝗮𝘁𝗲 | 𝗥𝗮𝘁𝗶𝗻𝗴: 𝟳.𝟱/𝟭𝟬雞肉整成蓉狀 撈咗黑松露醬好香!搽麵包正🤍𝗛𝗼𝘂𝘀𝗲𝗺𝗮𝗿𝗶𝗻𝗮𝘁𝗲𝗱 𝗠𝗶𝘅𝗲𝗱 𝗢𝗹𝗶v𝗲𝘀陣味太怪…咬咗一啖就lur咗🥲唔識比分了🤍𝗥𝘂𝘀𝘁𝗶𝗰 𝗕𝗿𝗲𝗮𝗱🤍𝗔𝗹𝗴𝗮𝗿v𝗶𝗮 𝗦𝗮𝗹𝗮𝗱 | 𝗥𝗮𝘁𝗶𝗻𝗴: 𝟲/𝟭𝟬唔好意思真係唔鍾意食紅菜頭🤥如果佢撈多啲其他配料應該會較易接受🤍𝗖𝗹𝗮𝗺𝘀 𝗖𝗮𝘀𝗮 𝗟𝗶𝘀𝗯𝗼𝗮 | 𝗥𝗮𝘁𝗶𝗻𝗴: 𝟴/𝟭𝟬超級濃郁嘅龍蝦汁煮蜆蜆肉肥美冇沙 覺得似沙白多啲幾特別嘅做法 成兜嘢係極鮮味🤍𝗖𝗼𝗱𝗳𝗶𝘀𝗵 𝗖𝗮𝗸𝗲𝘀 | 𝗥𝗮𝘁𝗶𝗻𝗴: 𝟴/𝟭𝟬喺澳門好出名嘅船屋葡國餐廳食過一次 今次係第二次！個人覺得呢個仲好食啲 食到一絲絲魚肉嘅口感多於薯蓉 所以成粒會更鮮味 加上炸到超香脆🥰🤍𝗜𝗯𝗲𝗿𝗶𝗰𝗼 𝗣𝗼𝗿𝗸 𝗖𝗵𝗲𝗲𝗸 | 𝗥𝗮𝘁𝗶𝗻𝗴: 𝟳/𝟭𝟬賣相十分唔討好💩但味道係可以的豬臉頰肉軟稔 個黑椒汁幾少辣解膩 差鹹咗少少🤍 𝗟𝗲𝗶𝘁ã𝗼 à 𝗕𝗮𝗶𝗿𝗿𝗮𝗱𝗮 | 𝗥𝗮𝘁𝗶𝗻𝗴: 𝟴.𝟱/𝟭𝟬見好多人recommend呢到嘅乳豬 冇理由唔嗌係燒到皮脆肉嫩 脂肪唔會太多 入口wow咗聲 必試！就咁食都已經好夠味 點個肉汁會少油膩 反而試下切少少橙肉一齊放入口會減低油膩感睇佢得around3件到 但因為好厚肉 23個女仔share都夠🤍𝗣𝗼𝗿𝘁𝘂𝗴𝘂𝗲𝘀𝗲 𝗢𝗰𝘁𝗼𝗽𝘂𝘀 | 𝗥𝗮𝘁𝗶𝗻𝗴: 𝟴/𝟭𝟬以類似hummus做底 有八爪魚粒 小椰菜球 甘荀等八爪魚粒口感不錯唔會太靭 表面微焦香口豆泥好重蒜味 口感綿密 但都係偏鹹咗少少🤍𝗣𝗲𝗿𝗮 𝗕𝗲𝗯𝗲𝗱𝗮 | 𝗥𝗮𝘁𝗶𝗻𝗴: 𝟳/𝟭𝟬葡萄牙具代表性嘅一款甜品將梨放入肉桂 紅酒 葡萄牙砵酒 砂糖和檸檬皮整成嘅汁到煮到軟稔甫放入口係重肉桂味酒味 但咬耐少少就會食翻梨本身嘅清香🤍𝗦𝗲𝗿𝗿𝗮𝗱𝘂𝗿𝗮 𝗦𝗮𝘄 𝗗𝘂𝘀𝘁 𝗣𝘂𝗱𝗱𝗶𝗻𝗴 | 𝗥𝗮𝘁𝗶𝗻𝗴: 𝟳.𝟱/𝟭𝟬其實啫係普通嘅木糠布甸😂但高質! 分層厚度適中 夠凍所以cream食起會有啲似雪糕 放喺玻璃樽到覺得佢又再好食啲😂

Hello 大家好，又係我地Hkfunlife小編分享好餐廳既時間啦 話說突然想食葡國菜，今日特登搭車嚟食呢間位於中環雲咸街63號巴力大廈2樓既葡國餐廳，叫做Casa Lisboa Gastronomia Portuguesa。

我地到達餐廳後，確認訂座及量度體溫就入座嚕。

坐低之後，店員提供餐牌，我地唔洗幾分鐘已經諗好要嗌咩。

另外呢間餐廳二至四人嘅座位好大，埋到枱見到枱面清潔、沒有任何污漬/破損，衛生情況令人滿意。

食葡國菜必叫既當然係葡國乳豬，所以我地就點左個慢烤葡國乳豬試下。

乳豬外皮烤得好脆，裡面好JUICY，配埋個又香又軟綿綿既炒飯，好好味。

Casa Lisboa Gastronomia Portuguesa餐單提供葡國菜, 酒吧, 咪嘥嘢食店等推介美食位於中環區，餐廳座位數50人均消費約$401-800，結賬可以用Visa,Master,AlipayHK,支付寶,現金,AE,銀聯，Booking訂位可以電話致電 29051168 查詢。

您對於中環餐廳「Casa Lisboa Gastronomia Portuguesa」有何 comment？

Casa Lisboa Gastronomia Portuguesa餐廳詳細資料：

• Casa Lisboa Gastronomia Portuguesa地址:
  中環雲咸街63號巴力大廈2樓
  Casa Lisboa Gastronomia Portuguesa, 2/ F, Parekh House,63 Wyndham Street, Central
• Casa Lisboa Gastronomia Portuguesa電話: 29051168
• Casa Lisboa Gastronomia Portuguesa價錢: $401-800
• 分類: 葡國菜, 酒吧, 咪嘥嘢食店
• 座位: 50
• 付款: Visa,Master,AlipayHK,支付寶,現金,AE,銀聯
• FB專頁: Casa Lisboa Gastronomia Portuguesa Facebook

更多Casa Lisboa Gastronomia Portuguesa相關資料:

• Casa Lisboa Gastronomia Portuguesa分店
• Youtube
• Facebook
• Twitter
• Google