Burger Joys 中環

Burger Joys 評價 相片

是日中午和友人到中環逛街，突然想吃漢堡，於是找到了這間人氣漢堡店。

一進店內就看見牆上掛滿了名人進吃的相，一看就知很受歡迎。

小店並不太小，內裏也有好幾排座椅，但有些位置位於大排檔旁邊，油煙比較大。

時值抗疫期間，枱上還放了消毒酒精和濕紙巾，進內的客人都要量度體溫。

我們點了一些食物，決定外帶，找個地方chill下。

兩個人點了一個漢堡，一份薯寶，一份沙律加雞排，再加一罐coke zero。

吃漢堡當然要配可樂，不過可樂糖分高，coke zero就是最好的選擇。

先吃人氣漢堡，我們點了芝士牛肉堡，牛肉非常大塊，吃落juicy。

吃得出是自己手打的味道，平時我吃漢堡都不喜歡吃上下層的麵包。

但今次這個漢堡連麵包都很好吃，十分香口又有咬口。

自己一個女仔吃一個漢堡真的份量比較多，兩個人share就剛好。

餐廳有combo可以點，一個漢堡配一份薯條和一罐汽水，比散叫抵吃。

我們還可以不用補錢把薯條轉做薯寶呢。

薯寶肥厚香脆，非常好吃。

吃了這麼多邪惡的東西，當然要吃一些沙律中和一下，我們點了house salad，因為用醋比caesar salad的沙律醬健康哦。

另外還可以加一塊雞扒，不過雞扒就比較硬身，當然還是人氣漢堡更吸引啦。

自從Burger Joys攞咗Big 7 Travel「全球50間最佳漢堡店」第32名後都冇食過，加上中環分店開咗咁耐都未嚟過，今日要嚟幫襯吓！揀咗窗口位坐，喺外面影入去，喺陽光襯托下，特別靚！Chicken burger ($89)叫咗2款burger share嚟食，落單時可以叫店員安排切一半，非常貼心嘅服務！雞肉非常厚身，炸完之後都仲好juicyCheese burger ($109)呢個recipe價值過百萬，喺2009年被資深食評人Alan Richman喺美國GQ雜誌評為年度最佳漢堡。

麵包用法式Brioche Bun，又香又軟又富彈性，用手揸住佢影相之後啲手指痕會彈返上嚟㗎！而牛肉就用咗美國1881 Omaha Hereford黑安格斯冰鮮牛肩胛肉，肥瘦比例係20:80，食落非常彈牙Southern fried chicken nuggets ($59)炸得酥脆，雖然辣粉唔多而且落咗芝士醬，但唔食得辣嘅我完全食唔到，交俾朋友食喇！Black truffle fries ($59)好有心嘅薯條，份量既慷慨，而且黑松露醬夠多，多到連底嘅薯條都沾滿，非常有誠意！

記得以前當Burger Joys只得灣仔一間小店時已經是位常客，久別重逢原來不知不覺已經開了兩間分店，而其中之一就是這次到訪的中環店。

早前不時在網上看到Burger Joys在全球多個漢堡店排行中都榜上有名，例如在全球網民票選50間最佳漢堡店當中排行第32名，為全港唯一一間入圍代表。

受疫情影響選擇外帶享用，不過餐廳都相當注重衛生更提供酒精搓手液供客人消毒雙手。

漢堡款式貴精不貴多，選擇不多亦不花巧，主要只有牛肉漢堡、芝士漢堡、雙層芝士牛肉漢堡、雞肉漢堡、魚柳漢堡及雜菌蘑菇芝士漢堡，不過就有其他配料可以追加，另外奶昔及薯條等小食同樣向來深得我心。

特色雙層芝士漢堡 ($139)自家製牛油麵包一如既往特別鬆軟而富彈性，微微帶甜之餘牛油香氣四溢。

USDA安格斯牛肉漢堡扒本身較薄但肉汁充沛，雙層漢堡令肉味更加濃厚。

值得再三讚揚的是其盒裝設計方便食用，避免令配料凋零散落沾污雙手。

芝士薯條 ($49)薯條新鮮炸起金黃香脆，貼心地將芝士醬另外盛載避免令薯條變得濕軟，芝士味鹹香濃厚。

曲奇奶昔 ($69)奶昔口感幼滑稠密不帶粗大冰粒，奶香醇厚。

網上買咗個真空煲，約咗賣家去中環港鐵站交收，下午同老公一齊去拎貨，交收完諗起附近有間入咗全球Top50，近期大熱嘅Burger Joys,就同老公去買招牌牛肉漢堡，返屋企食先🤣餐廳位置係士丹利街，位置單邊，客人可以坐向街外嘅高腳枱，感覺更Free😄店內都有唔少顧客，而店員都好有禮貌問我地堂食定外賣，落單快手👍首先，梗係要點個Burger啦，牛肉漢堡，仲點多幾款小食，等咗十分鐘左右，就包好俾我地拎走👍返到屋企，拎出嚟個牛肉漢堡仲暖嘅，切開share食，個飽鬆軟厚身，係甜包嚟，牛肉漢堡用安格斯牛肉造，肉質juicy,牛肉味濃，同一般嘅漢堡牛扒完全唔同，加埋酸瓜、蕃茄、生菜同紫洋蔥，好好食呀🤩,我諗現場食就更加好味😅蒜香雞翼，雖然隔咗一陣先食，但雞翼都外皮仲脆脆地，夾雜蒜香，肉質嫩滑，雞翼面搽咗泰式辣醬，更能提升食慾😋美式炸雞配祕制辣醬，炸雞肉香脆乾身，唔鞋口，配埋佢用芝士做嘅辣醬，夠特色😋蒜蓉薯條幼身，鋪滿粒粒蒜蓉，惹味😋佢地嘅牛肉漢堡真係冇得輸，唔怪得可以拎到全球Top50之一嘅榮譽，食咗都回味無窮🤭

📍Burger Joys (中環)🔍中環士丹利街82號地舖前一排見到外國旅遊網站Big 7 Travel推介左全球top 50 Burgers，而其中香港排名最高🏆嘅就係呢間B仔未食過嘅Burger店（世界排名No.32），講到咁勁，搞到我迫不及待琴晚就去咗試下🤪。

開揚嘅窗戶型座位、一整片嘅木紋照片牆，配搭上美風紅色高椅，再加埋一首首熟悉嘅美國流行曲作背景音樂，有一秒鐘......我真心以為自己去咗美國西岸旅行😌。

（😂應該係太耐無旅行有思覺失調）🍔Single burger 牛肉漢堡 （$99）一開始見到個包有少少紅色，感到非常疑惑😦，細問之下店員話我知佢地嘅牛肉漢堡係用左USDA美國優質黑安格斯牛肉加紅酒🍷同牛油烹製而成，所以我見到包上沾有少許紅色，其實就係紅酒黎。

而所謂嘅USDA就係美國農業部嘅簡稱，品質上會有一定嘅保證（我都係Google先知炸🤗）。

講究嘅用料同做法令牛肉漢堡扒非常粉嫩且有牛香，牛味亦濃郁，雖然紅酒味就唔多覺，但確實令肉汁經煎封後依然頗為豐盛，肉面帶微脆嘅同時，內裡又唔會「乾爭爭」，配上生菜、番茄及紫洋蔥，整體感覺滿足得黎亦唔heavy。

🍔Fish burger 魚柳漢堡（$89）比M記魚柳包貴成幾倍💰，對佢嘅期望亦自然更高。

好在食完確係無令B仔失望，經香炸過嘅原條魚柳表面爆脆不在話下，中間嘅魚肉更係厚嫩無比，同M記嗰啲少魚肉多炸粉嘅正方形魚柳簡直就係兩碼子嘅事，果然一分錢係一分貨的，雖然係奢侈啲，但食落自己個肚嘅我都係寧願儲下錢食好啲😝。

另外，除左魚柳同牛肉都出色之外，我覺得呢間Burger店之所以排名甚高，佢嘅法式牛油Bun亦絕對功不可沒。

超厚身嘅牛油Bun鬆軟又挺身，且經輕煎過，食落帶陣陣蛋香，令整個Burger加分不少。

🥗House salad招牌沙律（$59）材料好簡單，有番茄🍅、沙律菜、青瓜🥒同意式香草醬，佢地嘅意式香草醬味道非常酸，記住千祈唔好成個醬倒落沙律度，要慢慢蘸點黎食。

整體老實說其實就係普普通通嘅美式沙律，叫一份配搭黎解解膩都ok。

不過講明係食Burger嘅店，沙律明顯唔係主打，始終醉翁之意不在此，所以呢款就可試可不試啦。

😆👶🏻B仔整體評價：8.3/10個👍🏻👶🏻B仔抵食程度：7/10個👍🏻👶🏻B仔環境評分：8/10個👍🏻 👶🏻B仔味道評分：9/10個👍🏻(Burger有驚喜）👶🏻B仔回頭機會：9/10個👍🏻#swallowhongkong跟住我一齊吞食香港啦！🤤#swallowcentral

Burger Joys餐單提供美國菜, 漢堡包等推介美食位於中環區，餐廳座位數未知人均消費約$101-200，結賬可以用Visa,Master,AlipayHK,支付寶,現金,八達通,AE,銀聯,Apple,Pay,Google,Pay。

您對於中環餐廳「Burger Joys」有何 comment？

Burger Joys餐廳詳細資料：

• Burger Joys地址:
  中環士丹利街82號地舖
  Burger Joys, G/ F,82 Stanley Street, Central
• Burger Joys電話:  
• Burger Joys價錢: $101-200
• 分類: 美國菜, 漢堡包
• 座位: 未知
• 付款: Visa,Master,AlipayHK,支付寶,現金,八達通,AE,銀聯,Apple,Pay,Google,Pay
• FB專頁: Burger Joys Facebook

更多Burger Joys相關資料:

• Burger Joys分店
• Youtube
• Facebook
• Twitter
• Google