龍記燒味茶餐廳 上環

龍記燒味茶餐廳 評價 相片

中上環呢頭，想食個lunch真係選擇繁多🤩🤩，屈指一算，淨係茶餐廳都超過30間。

呢間位於德輔道中，電車路嘅龍記燒味茶餐廳，喺西港城附近，地點易搵。

今日我就同friend一試佢個下午茶燒鵝瀨粉～呢個下午茶做緊特價只係31蚊，已經有大大碗燒鵝瀨加飲品，而佢冇因為特價而偷工減料，見到幅圖都知份量豐富，瀨粉亦煮得啱啱好，唔會太淋👍湯底明顯係用咗茶記通用嘅雞湯黎煮，我就略嫌鹹咗DD，凍奶茶啲冰太多，下次要記得叫佢少冰！西多+茶走～西多士中間有花生醬，好香，好明顯係啱啱炸出嚟嘅，蛋味香濃，外脆內軟，茶走即係紅茶加煉奶，今次明顯奶嘅比例太多，如果下次叫佢分開上，自己diy，我諗應該會好啲🔆食物水準和性價比來講，呢間真係唔錯，總括嚟講餐廳嘅食物比較偏鹹，如果注意埋呢一點就Perfect👍

今日繼續小妹嘅茶餐廳靚評，點解我咁鍾意品評茶餐廳，因為夠貼地吖嘛😊😆呢間位於上環德輔道中，近西營盤位置嘅地舖，喺電車路，地點非常之容易搵，據我所知，佢應該只係開咗四五年， 所以裝修方面都係比較新淨！今日食佢個常餐，中午11點後就有🌟沙嗲牛肉麵～麵質略嫌佢硬左少少，但係沙嗲牛肉真係好正，牛肉夠嫩，沙嗲味香濃🌟跟餐係配奄列＋牛油多士～牛油多士十分香脆，奄列材料有洋蔥、香腸、火腿，十分嫩滑，煎得啱啱好👍🌟另外推介跟餐加$6嘅特飲～菠蘿蘆薈冰除咗啲冰太多之外，杯野真係冇乜缺點，蘆薈同埋菠蘿嘅份量亦都好多，令我好回味，下次一定要再叫😁

暫時喺我人生黎到呢刻，我食過最難食嘅燒排骨就係佢呢間野！諗住求求其其食個燒味飯算啦～$59 連埋柸凍檸茶，唔貴亦唔係特別平！首先我喺d 外賣apps 1:38pm 落單，話1:49 ready for pick up; 最後佢2:05 先比到我！ 因為佢係喺我追嘅情況之下先發現冇處理我個order~! 今日勁熱，雖然門口有野擋擋太陽，但都係好鬼熱囉，等呢15分鐘我已經出哂汗，我感受到呀姐見到我等咁耐都覺得唔好意思，我都答返佢：「算啦，都唔關你事」返到office 打開盒飯即刻食，啲燻蹄係OK 唔錯嘅，只係肥左小小，但個燒排骨呢，真係乾到不得了！ 嘩～ 真係唔知佢要overcook 左幾耐先做到呢個效果！好彩佢柸凍檸茶又幾好飲！

未有疫情時的龍記lunch hour 經常無位所以已經好耐沒有去了,今日唔知食乜好之際路過望入去見到唔多人,同事話如果唔需要搭枱就入去食啦,於是問一問店員可唔可以唔搭㭘~店員說可以便安排我們坐了個卡位,午餐都有好幾款另外還有幾款常餐選擇,同事點了瓜粒雜錦魚湯泡飯我就點了個常餐瑞士雞翼撈麵跟花旗奄列多士,同事話佢個魚湯泡飯真的唔多好食,至於我個瑞士雞翼都可以夠入味奄列有好多料~有洋蔥火腿腸仔,如果喜歡食洋蔥應該都係1個唔錯嘅選擇

因為係附近就腳，貪方便係果度食過幾次野，唔食由自可，一食就把幾十火。

講真啊，相比起一般大集團果D食物質素同杯野飲黎講，龍記早餐都係普通一般預左交行貨架啦。

但每次食早餐果陣都會遇到同一個問題，就係一間餐廳最重要既服務態度，佢地某D伙記一朝早就趕頭趕命係咁催催催，特別係早上既時間，（由其是見到個著黑色衫既，睇佢叫人做野同個格，估計應該係經理黎）真係唔願做咁，由一入門口開始，到叫佢埋單都係無表情催催催好似趕客咁，唉，食餐飯姐，唔開心可以唔好放上面度咁對D客既。

經過幾次不愉快既經歷之後，仲想我再幫襯龍記都幾難！一定唔會再去，亦會叫屋企人同同事唔好幫襯

龍記燒味茶餐廳餐單提供粵菜, 廣東, 港式, 燒臘, 茶餐廳, 冰室等推介美食位於上環區，餐廳座位數未知人均消費約$101-200，結賬可以用Visa,Master,AlipayHK,支付寶,現金,八達通,銀聯,微信支付，Booking訂位可以電話致電 25222278 查詢。

您對於上環餐廳「龍記燒味茶餐廳」有何 comment？

龍記燒味茶餐廳餐廳詳細資料：

• 龍記燒味茶餐廳地址:
  上環德輔道中300號華傑商業中心地舖
  Lung Kee Restaurant, G/ F, Wah Kit Commercial Centre,300 Des Voeux Road Central, Sheung Wan
• 龍記燒味茶餐廳電話: 25222278
• 龍記燒味茶餐廳價錢: $101-200
• 分類: 粵菜, 廣東, 港式, 燒臘, 茶餐廳, 冰室
• 座位: 未知
• 付款: Visa,Master,AlipayHK,支付寶,現金,八達通,銀聯,微信支付
• FB專頁: 龍記燒味茶餐廳 Facebook

更多龍記燒味茶餐廳相關資料:

• 龍記燒味茶餐廳分店
• Youtube
• Facebook
• Twitter
• Google