贏麵 上環

贏麵 評價 相片

呢間一早知，反工都響果頭，但次次都無無入去試，難得今次同事都話想去試下，加上經過中午又唔多人，所以就同同事入左去試，等就唔係等左好耐，坐底無耐就開始點野，舉手點野，待應面口好吾太友善，態度差勁地幫我地落單，咁都無諗咁多啦，我叫左個口水雞麵，由佢從廚房拎出黎果下，已經覺得伏伏地，條菜可以"拿西"到跌左1/3出黎貼住個碗邊，放響台面見到賣相已經好唔得，好"拿渣"，試落口仲大獲，真係好一般，湯就得個油同咸字，冰鮮雞味真係一放落口都已經試得出，好唔新鮮，又唔滑，都吾知食到咩味…期望越大失望就越大，無服務可言都算，食物水準好小小都仲有得講…所以一定無下次了

早幾日經過，見到個門面幾吸引，自已本身又鐘意食川味野，所以就入左去食啦，一入去感覺都已經唔係咁好，對住個水吧位亂到好似搬緊屋咁，之後就叫野食啦，員工就得一個，我去果時又已經無其他客，佢又真係愛理不理咁，叫左幾次先幫我落單，之後就入左去煮面啦…無一陣就已經拎左碗野出黎，我叫左個肥腸面，成碗都係油，D腸肥到好似無洗過咁，咬一啖已經唔想食，個湯以為好濃啦，點知淡到唔知點講…總之完完全全係唔知自已食緊咩…都唔會再去了…

次次經過呢間野都見到有位，又係食我最中意既川味野，趁呢日中午入去試試佢。

我地12點入到去包場入座小妹叫左個口水雞配酸辣粉。

雞既份量都幾多，但係D雞好似係翻熱過咁，感覺唔太新鮮同唔夠滑。

有D似係屋企隔夜叮返熱D雞再加D辣汁咁既質感。

好在個辣汁係合格既，淋落雞度幫D雞加返唔少分。

酸辣粉份量都多，湯底酸辣適中，不過不失。

加分既係附帶幾條生菜，索晒D辣湯，惹味~總括黎講，$51蚊唔包野飲雞又唔夠滑，有D失望，個雞可以再好D..

本身唔係好鐘意食辣既人，四川麻辣就直頭怕怕，但有內地朋友帶過我黎食一次之後，上左癮大部分幫襯既都係內地人，佢樓面講野口音都聽落係內地人（我唔知係咪四川ＸＤ），但咁受內地人歡迎，似乎都應該好正宗佢既熱乾麵($38)其實有D似撈麵，可以再加配魚蛋、雞翼、菜等 ($68)。

其實有Ｄ似撈麵，佢既芝麻、花生、芝麻醬、花生醬、香草等，全部都好香口，我食過唔辣同小辣，由於佢Ｄ配料好夠味，唔辣都好野味，我次次食完都lam lam 脷　不過黎食要有心理準備，佢地鋪好細，坐得唔係好舒服，而且唔算太乾淨，檯凳筷子都油油地．．．地下都成日有水，但你抱住食大排檔既心態黎食係絕對ｏｋ既！

之前係經過呢間店咁啱想食酸辣粉所以第一次試，自個次之後都食過好幾次，每次都食到好飽好滿足 ^^ 但因為店入面人手唔夠，所以上餐速度有時會比較慢，趕時間嘅人就可以再考慮下會唔會下次得閒d再試~無咩影到好多佢嘅食物相因為從來無諗過寫過食評，但呢個酸辣粉加豬紅係我每次黎都會叫嘅！個湯好過癮因為好香，我食唔到太辣所以會叫微辣或者小辣！一齊黎嘅朋友叫過皇牌大贏麵、四川小麵同埋其他小菜，都幾幾鍾意隻味~呢間店都可以叫外賣！我都會食完買外賣比屋企人試試呢間上環嘅酸辣粉嘅滋味

贏麵餐單提供川菜, 四川, 粉麵, 米線等推介美食位於上環區，餐廳座位數未知人均消費約$51-100，結賬可以用現金，Booking訂位可以電話致電 68751037 查詢。

您對於上環餐廳「贏麵」有何 comment？

贏麵餐廳詳細資料：

• 贏麵地址:
  上環蘇杭街10號啟豐大廈地下4號舖
  贏麵, Shop4, G/ F, Kai Fung Mansion,10 Jervois Street, Sheung Wan
• 贏麵電話: 68751037
• 贏麵價錢: $51-100
• 分類: 川菜, 四川, 粉麵, 米線
• 座位: 未知
• 付款: 現金
• FB專頁: 贏麵 Facebook

更多贏麵相關資料:

• 贏麵分店
• Youtube
• Facebook
• Twitter
• Google