荼香 上環

荼香 評價 相片

《歐陸式古典西餐🍾》———————————————#LeGalet 🥂上環有不少古董店，早排陪朋友嚟尋寶，偶然發現呢間以古董為主題嘅法式餐廳，充滿藝術感，放滿鋼琴、掛曆、油畫、雕塑等擺設，非常特別🖼️ 我哋各自揀咗個午市套餐，包有前菜、主菜、飲品，亦可以加購甜品🍮🇫🇷 法式鵝肝醬松露味道突出，法式奶油多士口感香脆，配搭柚子蘋果啫喱透出點點清新嘅香氣😚🦀 自家製蟹肉餅蟹肉餅炸得幾香脆，內餡足料，食得出啖啖鮮味，點埋蒜蓉蛋黃醬簡直係絕配🤣🌽 粟米湯自家製作粟米湯使用新鮮粟米，味道香濃，上面仲有啲香甜爆米花泡沫，質地更幼滑😍🎃 南瓜意大利飯配香煎帶子賣相吸引，煎帶子非常之香，risotto 嘅軟硬度適中，撈埋南瓜蓉一齊食好唔錯😆🎣 香煎鱸魚香煎海鱸魚皮脆肉嫩，蜆肉忌廉汁味道濃郁，伴碟仲有蘆筍作配菜，層次豐富🤤另外食咗個甜品，當日嘅精選甜品係巴斯克芝士蛋糕，質地滑溜，芝士香突出，甜而不膩😌⭐ 參考價錢︰（另收加一）南瓜意大利飯配香煎帶子lunch set：$258香煎鱸魚lunch set： $288🍌 抵deal 指數：7/10

之前經過上環樂古道，見到🌠Lé Galet 荼．香，已經被她古色古香的19世紀環境布置吸引。

😍店名來自法文的GALET，有歲月打磨鵝卵石的意思，🖼️🎨藝術細節滲透入，開始享受片刻寧靜的古樸之感。

💞餐廳有好多歐洲古董家具保置，好有情調。

😋我地品嚐了每位 $880的tasting menu 。

🍽️🍴🥖牛油麵包配煙燻牛油，紫菜牛油及海鹽牛油🧈麵包香脆，2款牛油味道有特色，令味道層次豐富。

😍🌠前菜：油泡北海道帶子配法國魚子醬，三文魚籽, 薑汁蘋果啫喱🍏帶子汁帶子十分嫩滑，法國魚子醬增添鹹香，帶出鮮味，好鍾意蘋果啫喱香甜清新❤️😋🦞🥣法式龍蝦湯，香氣撲鼻，龍蝦鮮味非常突出。

😋海鮮：白酒忌廉主馬拉蜆Menu係青口，但係馬拉蜆我覺得仲正😍隻隻都好大隻同肥美，勁多肉汁，配白酒忌廉汁好香。

🍴主菜：🐔有慢煮法國春雞胸及雞肉慕絲菠菜卷，油封春雞腿配蘆筍蛋黃醬，紅酒汁，煙燻雞泡及荷蘭醬。

雞肉慕絲菠菜卷非常精緻， 雞肉製作嘅慕絲好滑溜，仲有啲雞味嘅泡沫，好有創意👍🐃燴和牛面頰配芹菜頭蓉，牛頰肉醬千層酥，黑松露波特酒汁🍾🍷和牛面頰肉質嫩滑，牛頰肉醬千層酥第一次食，外層酥脆。

❤️🍌☕甜品焗香蕉配咖啡芭菲, 焦糖咖啡汁,甜味淡忌廉及薄脆。

甜品超水準，一試愛上❤️💞，咖啡芭菲入口柔滑，充滿咖啡香味😍💯☕飲品： Lemongrass🌿 and earl grey 

餐廳：荼香 (上環)地址：上環樂古道25號華秦國際大廈地舖香港有無數間主題餐廳，而今次就比我喺上環搵到呢間以古董為主題嘅法式餐廳🇫🇷——荼香 Le Galet @legalet_hk 。

英文店名喺法文解作卵石，老闆希望餐廳嘅食物同古董都好似卵石咁，愈經歷得耐天然嘅衝擊同洗涮，打磨出嚟嘅卵石就會愈靚愈精細原來老闆本身喺糖街有一間專賣古董嘅店鋪——Galet Antique🕰，作為鍾意藝術嘅佢，喺歐洲唔同國家搜羅咗多件遠至十八世紀嘅古董作品帶到返嚟餐廳，希望成為餐廳嘅一部分之餘，亦可以比更多人認識古董之美⏳經過白色樸實嘅水泥外牆，打開由法國運返嚟嘅古董琺瑯藍色木門🚪，古董瞬間隨處可見：鋼琴、掛曆、油畫名作🖼、雕塑、梳妝檯、打字機……荼香無一個角落唔充滿住歲月嘅痕跡同歷史嘅記號，或者呢份就喺古董藝術所帶比人嘅美麗✨餐廳無A La Carte Menu，得一個指定嘅Set Lunch/Set Dinner，午市同晚市都需要訂位，而每隔一段時間就會轉一個Menu，希望帶到多啲驚喜同新菜式比食客🍽。

我今次晚上食嘅Tasting Menu承惠$880一位，包括有麵包、前菜、湯、海鮮、主菜、甜品同飲品共7樣嘢，唔好以為法國餐喺貴夾唔飽，其實食完都真喺捧住個肚走🤣，加上有咁多古董陪伴左右，就好似一邊食法國菜一邊欣賞住古董展覽咁🪞✝️法式奶油麵包配煙燻牛油·紫菜牛油·海鹽自家製嘅麵包同牛油🧈，Brioche充滿香濃嘅雞蛋香同牛油香，外層香脆內層鬆軟，我特別鍾意配埋夠獨特又有煙燻香嘅牛油一齊食✝️油泡北海道帶子配法國魚子醬·三文魚籽·薑汁蘋果啫喱 ·帶子汁喺油浸過嘅北海道帶子上面分別加上魚子醬同三文魚籽，另外仲有帶有酸甜蘋果香同輕輕薑辣香嘅啫喱，再自家調製用帶子整嘅白汁同薄脆片，一啖放入口鮮味十足👍，口感層次相當豐富✝️法式龍蝦湯有啲餐廳會選擇加入蟹肉同蝦肉，令龍蝦湯嘅鮮甜香味更加突出，但荼香就堅持全用波士頓龍蝦去熬製出濃湯🦞，飲落每啖都喺濃烈嘅龍蝦香味，加埋忌廉湯嘅質感飲落就更加濃厚😋✝️白酒忌廉煮法國藍青口可以話喺我食過最出色嘅白酒忌廉煮青口👏，一人有一碗接近10隻嘅法國藍青口，Size有大有細，最重要隻隻飽滿又厚肉，咬落鮮甜極多汁💦，加埋白酒忌廉汁就增加咗Creamy嘅感覺同提升咗鮮香，真心好食✝️慢煮法國春雞胸及雞肉燕絲菠菜卷·油封春雞腿·蘆筍蛋黄醬配紅酒汁、煙燻雞泡及荷蘭醬慢煮過嘅法國春雞髀肉嫩夠腍🍗，油封做法令雞髀更鎖汁，我更鍾意旁邊用菠菜卷包住雞胸同雞肉整成嘅肉卷，上面仲有煙燻雞泡，雞肉味香濃而且有份子料理嘅特色😎✝️燴和牛面頰配芹菜頭蓉、牛頰肉醬千層酥，黑松露波特酒汁 (+$188)一邊喺入味嘅燴和牛面頰，肉質厚得嚟煮得好軟腍，當中加入咗自家製芹菜頭蓉同黑松露紅酒汁🥩；另一邊喺牛頰肉醬同其他牛膠質Mix埋一齊嘅千層酥，感覺有啲似食緊和牛他他，擺碟同味道都好特別🤓✝️焗香蕉配咖啡芭菲·焦糖咖啡汁·甜味淡忌廉及薄脆有咖啡濃香又似雪糕質感嘅芭菲，配埋焗過嘅香蕉粒🍌，連埋焦糖汁、淡忌廉同薄脆，帶嚟更多重嘅甜香同香脆口感，喺出面無食過嘅甜品✝️燴菠蘿·椰子雪糕燴菠蘿蓉🍍，加上菠蘿餅乾，配合用椰子打成嘅foam同椰子雪糕🥥，兩種唔同嘅甜香互相補足，好易令人聯想起沿海地區嘅東南亞國家，同時享受著菠椰菠蘿蜜同陽光與海灘🌊飲品最後叫咗壺紅茶同Latte☕️，可以喺食完嘢之後一邊飲住嘢，一邊慢慢嘆住動人時光同優雅環境，可以話喺一大享受🥰

一來這裡就被門口的白藍裝潢吸引，餐廳從內到外都充滿歐洲風格，這也是餐廳的原意，希望打造一個讓食客可以慢活的空間，好好感受悠閒時光。

午餐時段來的話有午市套餐選擇，主食選擇有不同的肉類，如果你喜歡湯品的話前菜一定要選擇粟米湯，他們的都是新鮮打造，粟米味好濃郁，還會吃到粟米蓉☺前菜🔹法式鵝肝醬．自家製柚子蘋果啫喱．松露法式奶油多士賣相精美的鵝肝醬入口很creamy和實在，單吃鵝肝的話會比較膩，上面一層酸酸甜甜的柚子蘋果啫喱剛好可以中和，一口吃下去很滿足🤤🔹自家製蟹肉餅，蒜蓉蛋黄醬 •雜菜沙律另一款前菜蟹肉餅則做到外脆內嫩，完全沒有油膩感，裏面的蟹肉很夠味又新鮮，不沾醬吃都很夠味。

主菜🔹香煎鱸魚 •蘆筍 •蜆肉忌廉汁 $288性價比來說這是很高性價比，鱸魚超級大條，入口肉質嫩滑，外皮煎脆很夠鹹味，蜆肉忌廉汁讓魚肉不會太單調，旁邊的蘆筍很腍很好咬～馬鈴薯也很香～🔹伊比利亞豬鞍架配芥籽醬：松露雜菜卷 $328很難得豬肉可以做到有咬口但不韌，一邊咬會嚐到伊比利亞豬自帶的橡子香，它沒有多餘油脂所以更能吃到肉味，旁邊的雜菜卷非常優秀，爽口但不會有草青味，整體味道恰到好處。

🔹是日甜品這天的甜品是充滿夏日風情的菠蘿乳酪crumble，天然的菠蘿帶出的酸甜味很清新，一次過可以吃到菠蘿乾和新鮮菠蘿肉，剛好可以讓味蕾平靜下來，份量兩個人吃剛剛好，脆脆有很香牛油味，有驚喜！

去到中上環同朋友食lunch，想搵一間比較恬靜嘅餐廳享受吓週末嘅休閒，點知就俾我哋搵到呢間設計風格非常特別嘅西餐廳。

🤪餐廳嘅每一個角落都充滿藝術細節，店主用手落返嚟嘅古董佈置餐廳，所以食嘢之前都有細心留意每一個打卡位，仲可以一路望住廚師煮嘢食，欣賞佢哋對煮食嘅細心同認真。

😍〈法式鵝肝醬•柚子蘋果啫喱•松露法式奶油多士〉🥯前菜嘅份量雖然唔多，比較的骰，但絕對係比足心機製作，奶油多士上面充滿濃郁嘅鵝肝醬，同時亦都有柚子蘋果啫喱可以解膩。

〈自家製蟹肉餅•蒜蓉蛋黄醬 •雜菜沙律〉🍘蟹餅入邊嘅蟹肉非常足料，每一啖都係一絲絲嘅真蟹肉，在沾埋濃郁嘅蒜蓉蛋黃醬，非常惹味。

〈粟米湯 •香甜爆米花泡沫〉🫕超讚嘅粟米湯，絕對係真材實料，人手打成嘅粟米湯，非常之鮮甜，同時亦都有爆香咗嘅爆谷香氣，好特別！〈南瓜意大利飯配香煎帶子 •榛子汁 •烤榛子 •帶子泡〉🍛好欣賞餐廳所有食物都用心製作，令食客唔會覺得有曾經喺其他餐廳食過嘅感覺。

帶子輕輕煎過，意大利飯比較Creamy，整體配搭非常夾。

〈香煎鱸魚 •蘆筍 • 蜆肉忌廉汁〉🐠鱸魚非常口肉，亦都冇骨，魚油嘅香氣充斥着口腔入面，蘆筍爽口新鮮，蜆肉忌廉汁比較少見，但係同鱸魚卻係異常地夾。

荼香餐單提供意大利菜, 法國菜等推介美食位於上環區，餐廳座位數30人均消費約$201-400，結賬可以用Visa,Master,AlipayHK,現金,八達通,Apple,Pay,Google,Pay,微信支付，Booking訂位可以電話致電 98661464(Whatsapp) 查詢。

您對於上環餐廳「荼香」有何 comment？

荼香餐廳詳細資料：

• 荼香地址:
  上環樂古道25號華秦國際大廈地舖
  Le Galet, G/ F, Hua Qin International Building,25 Lok Ku Road, Sheung Wan
• 荼香電話: 98661464(Whatsapp)
• 荼香價錢: $201-400
• 分類: 意大利菜, 法國菜
• 座位: 30
• 付款: Visa,Master,AlipayHK,現金,八達通,Apple,Pay,Google,Pay,微信支付
• FB專頁: 荼香 Facebook

更多荼香相關資料:

• 荼香分店
• Youtube
• Facebook
• Twitter
• Google