苗苗餐廳 上環

苗苗餐廳 評價 相片

我寫完英文我覺得唔夠, 因為去親其實係香港人。

先講吓啲嘢食, 我之前嚟過幾次, 每次我都好後悔。

實質上就唔係好記得, 因為好耐之前。

大慨係啲碟頭飯啲汁好難食, 啲湯粉餐我就好清楚記得好‘惊水’, 因為又冇味, 份量又少得可憐。

最慘佢收費一啲都唔平! 附近都有啲唔係太好食嘅茶餐廳, 但收費亦較平, 所以覺得合理。

我老公最近‘發現’咗呢間嘢有蒸魚之後就差唔多日日嚟, 我都好少陪佢, 因為覺得太難食。

其實我每日都經過呢間嘢, 每日我都會心裡面問點解佢仲係度? 係唔係我自己唔識嗌所以次次都咁難食? 好坦白講, 我覺得近兩次去係進步咗少少, 起碼冇難食嘅感覺(唔知係咪因為零期望), 但都係貴 我老公每次消費一個人都過$100 (佢會嗌一條蒸魚, 一/兩碗白飯, 一杯熱檸茶)。

個收錢同另一男仕(老闆?)真係好有問題。

噚日(8月23號星期五)同我老公俾佢地搞到要報警!! 我老公一個人入咗先, 叫咗一條蒸魚, 一碗白飯, 一杯熱檸茶 (唔係餐, 因為冇), 我之後要個豬扒飽餐跟熱呵力(horlicks, 約＄23). 個呵力冇嚟咁我咪諗住算啦, 當我老公杯熱檸茶係啦(我覺得呢個係好正常嘅事). 我同個收錢講佢即好串咁話唔可以咁夾, 我話吓, 其他茶餐廳都得喎, 佢就開始一輪嘴咁話我自己唔叫嘢飲, 我都費事講咁多, 咪話‘得啦得啦, 你找錢啦‘。

佢仲要鬧我’你有冇聽人講架! 我話我今次唔收你呀!! 下次冇啦!' 我已經好慶, 佢又唔找錢, 但又不停地鬧。

個男人行過嚟問咩事, 話完俾佢知之後佢仲要堅持佢啱, 係冇得夾, 我話咁我杯嘢冇嚟喎, 佢仲要勁惡話冇人知我嗌過,我問佢咁係咪我錯先? 之後又賴我做咩唔跟。

佢兩個一路鬧一路鬧, 又唔找錢, 咁我點走？我已經好嬲又無奈 到𠴱個位根本我只係企係度俾佢兩個人不停鬧, 我拍住我張500蚊話‘得啦!! 找錢未呀?!!' 個男人癲咗咁指住我鬧(大慨)’咩呀？俾錢大哂呀！唔好收佢錢, 送俾佢啦, 狗嚟架, 搞事搞非!' 我問佢我會唔會為14蚊去搞事呀? 我決定報警。

個女收銀收咗我$110(呢樣又唔見佢聽個男人話唔收我錢? 哈哈)我等到咁上下先發現佢冇俾單我。

我返入去攞佢淨係肯俾冇多杯嘢飲𠴱張我, 都算, 但個男人沖埋嚟鬧我叫我地走, 噴哂飯落我度又行到好埋咁兇我! 到我地落返去公眾行人路佢仲叫我地走, 我超嬲話呢度係公眾地方你點解要我走?! 佢就吠我!!!到警察嚟到竟然同我講話冇嘢可以做, 叫我以後唔好去! 有冇搞錯!(題外話)大家真係唔好去呢間嘢, 啲嘢一啲都唔好食! 係我老公超鍾意食蒸魚(連腥都殺𠴱隻), 又唔知附近邊度有得食先去。

講真, 就算真係我錯我覺得都冇可能用咁嘅態度囉 梗何況我都話照俾錢, 都要俾人真係鬧到隻狗咁(!!), 真係一頭霧水, 十分無奈。

今朝8點幾同男友去食早餐,去到等位等左好耐, 跟住坐低左好耐都無人理,忍唔住叫人執執枱, 話前面枱人走左啦跟住個阿姐黑面執枱, 後面水吧有個男人竟然叫出黎話叫我地走!我地當然二話不說起身走人去德x記簡直不知所謂, 以後blacklist左呢間野!一間餐廳有幾好食既食品都無用,皆因只要有一個不禮貌既伙計, 就已經令客人唔想再去 !!更何況佢地啲野食係完全無特別, 食過幾次早餐牛扒又無味, 多士又凍o既, 附近大把好食過佢, 各位千祈唔好去.

This restaurant really has bad service... sat there for over 5 minutes and no one served me.The waiters are rude and slow... sound so impatient when I asked him to repeat the order.The food is slow too... not to mention the portion is small and does not really taste good.The service is totally not acceptableWell... really not recommended when you have any other choice

前身是大磨菇, 但似乎連收銀機都完全接收晒 (見圖)得知十二點半前落單會平o的, 就試一試個咖哩牛脷飯炒得都幾夠火候而乾身, 咖哩味分布均衡唔偏鹹或辣。

牛脷都幾爽口, 份量可以。

值得試o既款式熱奶茶一般般啦, 唔特別香濃。

但要其他好立克華田要加錢就太奇怪

以前前身為大磨茹時也幫襯過，但因為感覺上不太好吃而且價錢偏貴，所以甚少幫襯。

更期聽同事說這家在12:30前會平幾蚊，所以就去了試。

格局係好窄好窄既茶餐廳，根本放不落咁多櫈，都夾硬要人坐。

搞到佢出餐出飲品成日都成日要我地個頭左閃右避.衛生一般,俾杯水都無服務都幾不濟....出餐耐,而且落單幾晦氣,我地得罪咗佢咁款.兩種汁的飯或意粉都唔好食.茄汁過酸,白汁過淡.主要係靠個汁嚟食,而送就唔駛諗,全部都好淡同無味.我個肉片意粉應該全部烚熟.....茶蜜,好立克,華田要加$1.....但又唔講聲.有兩個同事飲完先知.$30算係平既沒,但咁既款同咁既服務真係差啲.會少啲去

苗苗餐廳餐單提供港式, 茶餐廳, 冰室等推介美食位於上環區，餐廳座位數未知人均消費約$0，結賬可以用現金。

您對於上環餐廳「苗苗餐廳」有何 comment？

苗苗餐廳餐廳詳細資料：

• 苗苗餐廳地址:
  上環禧利街27號富輝商業中心地下A及B舖
  Miu Miu Cafe Restaurant, Shop A& B, G/ F, Fu Fai Commercial Centre,27 Hiller Street, Sheung Wan
• 苗苗餐廳電話:  
• 苗苗餐廳價錢: $0
• 分類: 港式, 茶餐廳, 冰室
• 座位: 未知
• 付款: 現金
• FB專頁: 苗苗餐廳 Facebook

更多苗苗餐廳相關資料:

• 苗苗餐廳分店
• Youtube
• Facebook
• Twitter
• Google