德釗記茶餐廳 上環

德釗記茶餐廳 評價 相片

我男友叫咗個常餐,嗰塊牛油麵包裡面加送咗一條毛係裡面囉!!望到直頭想反胃咁滯!!(好彩係打開塊包望一望先.,仲未食...我見到咁情況亦都唔想換個塊包,怕佢拎起條毛.,比返呢一塊包我哋.,所以走嘅時候先向個侍應反映)...最乞人憎嘅係佢嘅態度,完全當無事發生...扮睇唔到仲向d 燈下面照~扮要睇清楚,仲講咗句:啊~頭髮嚟嘅啫~{跟本一望已經望到條毛啦~仲扮睇唔到,唔好意思都無句”唔會有下次囉!!...}

呢間茶餐廳咁多年來都一直咁乾淨企理 坐得舒服又自在留意佢D糖,辣椒油D樽咁乾淨就知 台下放碗筷既櫃都好乾淨 下午茶抵食 份量不小奶茶一流 最少俾出名既蘭記個杯又黑又苦的好好多又香又滑 又夠熱 佢杯奶茶係要嘆炒粉麵好夠鑊氣 唔好以為下午茶無誠意好細 個炒飯都OK 唔會太油 飯亦炒得粒粒分明干牛河就係叫午餐既 大大碟 好夠鑊氣 肉亦不少 有個阿姐好好人 見我大肚 主動俾多杯熱水叫我洗餐具 街坊茶記都可以好Warm 提一提佢下午茶星期六2:306點都有做 值得一試

以後都唔會再黎.......... 一碗雙拼牛腩牛筋麵得一舊牛筋..... 同叫雲呑魚蛋麵得一粒魚蛋有乜分別.......同個吖姐講仲要唔理人 態度差...... 劣評😡😡😡😡😡

喺香港地食早餐A係一件平常不過嘅事，來來去去都係火腿通粉、煎蛋煎香腸配牛油方包，再加多杯凍檸茶。

呢道嘅火腿通粉湯底一向偏淡，淡口啲感覺都健康啲，但嗜味者如我，會稍為調一調味，其實，除咗落鹽之外，大家可以試吓落豉油再加少少糖再加少少胡椒粉，試吓你就知道好味道！不過我始終都係鍾意火腿係碎上，而呢度就係切成三角形有兩片。

至於煎蛋，喺食唔同嘅茶餐廳都不停咁講，今時今日啲水吧好少再用煎pan煎蛋，所以煎蛋脆邊難求！而煎香腸火喉亦唔係太夠，其實，所謂嘅煎香腸根本就係放落去油鑊炸，炸得火候夠嘅香腸因為收乾咗少少水，所以味道好香濃好好食，可能又係製作時間嘅關係，炸得夠香嘅香腸已經好少食得到。

呢兩個要求，喺我細細個住公共屋邨樓下嗰間茶餐廳，每朝都做得到，只係基本要求！！講到呢度個早餐A咁普通，點解仲要介紹呢？其實，我好欣賞呢度侍應阿姐嘅服務態度，非常殷勤有禮，當我提出想支持環保要求走飲筒，佢真係聽咗入耳，完全唔會係耳邊風，今次已經唔係第一次要求走飮筒，佢每次都能做到。

利申：就梗係要帶返個頭盔先，因為我比較晏落嚟食早餐，所以算係非繁忙時間，所以，如果要見證阿姐真正嘅實力，可能下次要試吓午餐繁忙事時！阿姐，好欣賞你對工作嘅熱誠，加油！

真係好耐冇嚟呢間食飯,原因係食晏時間真係唔想爬門口果幾級樓梯.今日見到好少人完全唔使等位,而且覺得自己腳力充足,精神飽滿,就再去食多次.今朝早起身已經決定咗要食回鍋肉,入到去二話不說即刻點左份,叫做四季回鍋肉飯.呢間比起其他茶餐廳好似貴咗少少.首先嚟咗例湯,係豬骨紅蘿蔔蜜棗湯,一開始望落去以為冇乜料,用匙羹𢳂一下先至發覺原來非常多湯渣,都算係真材實料.飲到材料既味,唔似有味精.回鍋肉好快就跟住上,叫得做四季回鍋肉,我預計應該有四季豆喇,竟然無.咁到底個"四季"係乜嘢意思呢.回鍋肉超級肥,每塊肉差唔多有一半都係肥膏,當然唔係縱橫相間嗰種,純粹係左邊肥,右邊瘦.偶爾會有瘦少少嘅肉,但係外面鋪滿油,肉質就非常乾同埋鞋.我以為回鍋肉必有嘅豆腐乾就不見蹤影.雖然我鍾意食肥膩嘢,但都覺得可以倒走一啲油先至上碟.辣椒切碎同豬肉一齊炒,但豬肉唔入味,沾到辣椒嘅肉非常辣,沾唔到嘅就完全唔辣.椰菜軟硬適中,青椒紅椒就過生,仲好脆口.可能因為坐得近門口完全感覺唔到有冷氣,食完即刻埋單走人.

德釗記茶餐廳餐單提供港式, 茶餐廳, 冰室等推介美食位於上環區，餐廳座位數30人均消費約$50以下，結賬可以用現金。

您對於上環餐廳「德釗記茶餐廳」有何 comment？

德釗記茶餐廳餐廳詳細資料：

• 德釗記茶餐廳地址:
  上環蘇杭街78號太興中心二座地下
  Tak Chiu Kee Restaurant, Jervois Street, Sheung Wan
• 德釗記茶餐廳電話:  
• 德釗記茶餐廳價錢: $50以下
• 分類: 港式, 茶餐廳, 冰室
• 座位: 30
• 付款: 現金
• FB專頁: 德釗記茶餐廳 Facebook

更多德釗記茶餐廳相關資料:

• 德釗記茶餐廳分店
• Youtube
• Facebook
• Twitter
• Google