VONA Bar 上環

VONA Bar 評價 相片

星期六, 一早要出上環, 辦好事都十二點, 但還未感到肚仔餓...便一心諗等到食 tea, 周圍行吓兼望吓有咩食.終於路經呢間Bar & Restaurant, 係被佢哋個 lunch menu 吸引咗, 至到三點之餘, 價錢又唔貴兼有嘢啱食! 雖然當時內裡一個客都無, 但望落佢都好舒服, 我倆又喜歡靜, 一於入去! 因始終都未好餓, 所以㨂咗一個沙律加一個意大利飯. 首先係餐湯, 不錯, 夠熱, 包也是暖的, 真好! 因有些餐廳真的不會整熱給客人. 跟住沙律到, 估不到都好夠份量, 除了有一隻蝦好似唔多新鮮, 一切都很滿意, 講緊係58蚊一個餐, 有湯, 有嘢飲!飯到嘞, 好香! 亦好好味, 有哂意大利飯個種香味, 但若果用埋意大利米就更正, 所以都係俾三粒星.最後餐茶食食吓都有兩三枱, 環境都寧靜舒服, 午市仲要唔加一! 底!

午餐時間，經過呢間酒吧， 發覺客人不是太多，而且環境清靜， 於是入去試試。

侍應安排我坐在吧檯，吧檯比較高身， 坐得不太舒適。

這裡的午餐大約$60 70, 而且不用加一， 在這區算是化算。

我點了帶子意大利飯， 餐還包括餐湯，餐包及飲品。

餐包是又凍又硬， 餐湯是磨菇湯，但只裝了半碗， 但味道唔錯。

這餐廳的上菜時間比較慢，原因這裡只有一個好細的廚房，只有一位廚師。

等了差不多25分鐘， 意大利飯來了。

帶子有鮮味算是合格， 但意大利飯雞湯很濃，但比較鹹。

總括來說，這裡的食物味道一般， 但繁忙時間在這餐廳有位， 而且環境清優， 對於要求不高的我，算是一個不錯的選擇。

平安夜沒有特別安排節目,也沒有預期食聖誕大餐. 但始終佳節在前, 都會希望與平日生活有些不同. 因此我和先生出外逛逛希望能感受一下平安夜氣氛, 並試看看在家附近會否有特別餐廳可以試試. 結果逛至西營盤一間酒吧, 酒吧外表和一段酒吧相似,走型格路線, 人流亦不多. 而當晚酒吧亦設有晚餐,因此大家抱著膽粗粗的心態去嘗試. 結果平安夜真有驚喜....餐牌上有幾款不同主菜, 例如: 海虎蝦意粉; 三文魚沙律; 肉眼扒等. 我選了海虎蝦意粉, 果然無失望. 海虎蝦都可算大隻, 最驚喜反而係意粉. 意粉用蒜,楜椒, 辣椒...等等炒真不錯. 軟硬適中,味道香口, 蝦汁流入意粉...正! 竟然在酒吧能有如此味道, 實在令人驚喜. 而不太理想的竟然是肉眼扒, 估計因為煎時間過長, 扒自然過熟. 重有帶子做前菜, 賣相都不錯!

上星期六，我走到西環食 lunch，食飽後，沿皇后大道西行返上環，經過時見到一間門面奪目的型格酒吧西餐廳 VONA Bar！我完全被這裡的裝潢吸引視線， 方型四四正正的內櫳，樓底高約兩層，桃紅色軟墊的木椅子配上灰色的磚牆，形成強烈對比！加上今日經過見到餐牌上的美食，款式幾特別，部份更是以酒入饌， 價錢大眾化，幾十元有交易很親民！我也忍不住衝入去！在 Openrice 見到餐廳相片，發現有一個演奏角落， 細心觀察位置正是酒吧內的閣樓，毫無遮擋圍欄，頗為危險！ 相信這裡在晚上很有氣氛！酒吧裡，牆上掛上的水彩畫除了增添藝術氣息之外，亦可賣畫，一舉兩得！ 水彩畫在指定日期展出！由於，位於熙來讓往的街道，人車絡繹不絕，隨時會聽到風馳電掣的電單車聲，很嘈吵！侍應安排我入座後，隨即放下餐牌及一杯水，好讓我在炎炎夏日之下，解渴及清一清味蕾，來得正好！衛生方面，光潔的餐具帶點水漬還可以接受！ 洗手間設於閣樓位置，衛生程度尚可。

 午餐包括：餐湯、沙律、主菜及飲品幾十元有交易，價錢合理！況且，明碼實價！不設加一服務費！香蒜椰菜花湯以椰菜花打碎，入口有一粒粒的口感，卻不太細滑， 質感稀薄適中，清淡得來剛剛夠味！ 灑上表面的炸蒜粒帶出嚼勁，而且，增添不少香氣！是加分的一環！華多夫沙律第一口食落就知是X夫奇妙醬的味道，其酸味獨特醒胃，一試便知道！食材包括：紅蘋果、青蘋果、西芹及提子乾！自從食慣沙律配黑醋之後，總覺得其他沙律醬不健康！ 廚師也幾慷慨，沙律醬的確幾重手，把原先清新健康的蔬果也拖垮嘞！起初，我點了白酒焗荷蘭巨菇配黑松露薯蓉，可是，侍應轉頭走過來告訴我，薯蓉已售罄，真可惜！  只好另作他選吧！龍利柳菠菜卷伴香檳忌廉汁 $68錯失了前者，意想不到菠菜卷也配有黑松露薯蓉，實在太好嘞！香檳忌廉汁混入牛油，香氣撲鼻，烹調後的香檳仍帶輕微酒香，酒味已揮發！黑松露薯蓉薯蓉混合黑松露，帶出菌香，完全提升味道！ 口感軟熟卻未至於軟滑！最驚喜的是煎至金黃色的龍利柳魚捲住翠綠的菠菜，菠菜中間是軟心芝士，賣相得體又容易入口！四件菠菜卷份量剛好適合胃納細的食客，對我來說份量剛好！剛剛夠飽！把整件放進口中，讓味蕾感受箇中融和的味道吧！外層軟身的魚柳，芝士的鹹味，恰到好處！我完全感受到廚師的悉心烹調！熱檸檬茶食飽還是飲杯熱檸檬茶解膩， 紅茶味濃帶苦澀！ 兩片檸檬浸在其中，酸苦並存，並不好喝！ 加入一包白糖，才可中和味道！週末花上幾十元嘆一份驚喜又有水準的午餐！認真抵食！

VONA Bar餐單提供西式, 酒等推介美食位於上環區，餐廳座位數未知人均消費約$101-200，結賬可以用現金。

您對於上環餐廳「VONA Bar」有何 comment？

VONA Bar餐廳詳細資料：

• VONA Bar地址:
  上環皇后大道西111號地下
  VONA Bar, G/ F,111 Queen's Road West, Sheung Wan
• VONA Bar電話:  
• VONA Bar價錢: $101-200
• 分類: 西式, 酒
• 座位: 未知
• 付款: 現金
• FB專頁: VONA Bar Facebook

更多VONA Bar相關資料:

• VONA Bar分店
• Youtube
• Facebook
• Twitter
• Google