榮發茶餐廳 上水
地址: 上水龍琛路38號地下
最後更新:
榮發茶餐廳推介
早點放拳，早點食飯，早點訓覺，我都有點睏喇。幾小時的劇烈運動過後，回到上水已晚上十一點左右咯，全力以赴減減磅，體能操爆，五肢無力，由頭散到落腳趾。費事返屋企煮咯，是但食飽歸家休息，黎招獨毒打冷啦！榮發茶餐廳滷水鵝豬紅同樣超掂超得，出乎意粒之外，難怪就算價錢略高一兩點，依舊客似雲來！我的榮發心燒食堂，深宵食堂，終於晚飯了。爆場座無虛席，嘈過街市，頭都痛埋！好采有帶headphone，可以塞住耳仔聽歌乍。最討厭榮發卡位設計，前後座連埋又無避震，後面條粉腸同條女十足屎忽痕一樣，左擰右擰，郁身郁勢，震那住晒，頂佢地咩！每位叔叔嬸嬸都好親切，笑容滿臉招乎周到，食得開心舒服。侍應哥哥傳來噩耗，潮州打冷將永久取消，老師傅榮休，我會好掛住豬紅同滷水鵝架，陰功豬。忍痛地擺脫戇豆的魔掌，依家鍾意幾時獨樂就獨樂，可樂就可樂！鍾意茶記就茶記，鍾意魚蛋粉就魚蛋粉！魔豆茶餐廳唔食、潮州粉麵唔食、大排檔唔食、快餐店唔食、西餐唔食、越南菜唔食、印尼菜唔食、等等等等﹗點解可以偏食到只食莖唔食葉，只食通菜、芥蘭及菜芯，西蘭花都只食莖唔食葉。唐生菜唔食、西生菜唔食、白菜唔食、菠菜唔食、西洋菜唔食、油麥菜唔食、豆苗唔食、黃帝菜唔食、韮菜唔食！天煞的揀飲擇食。四寶雞紮，不到兩分鐘火速就到，明顯不是即蒸啊，幸好仍然熱騰騰。蒸得有點過火，腐皮程半溶狀態咯，濕淋淋過腍了味道清爽可口，不是魚肚雞紮，失望 ﹗不過沒有我討厭的芋頭，真好﹗豬肚不澀又爽脆，火腿條彈彈散發咸香。咬落有骨既？一開二的雞中翼，廿十成熟非常實淨乾鞋，味道尚算甜美。有骨所以被迫要拆散四寶食，雞紮如果不是原條咬，就不是雞紮啦。食漢堡包會不會拆開芝士、生菜、蕃茄、牛肉分開食呢？或者食片皮鴨，會否先食薄餅，其後青瓜、鴨肉分開食呢？蒜香蒸排骨，暖暖地沒有煙，失望！熱辣辣既時候最好食，放涼變得油膩。半肥瘦無肥膏，肉多骨少啖啖肉，還黏著少量脆卜卜軟骨，落味甜美陣陣蒜香過得去。豉汁蒸鳳爪，幾乎每次點心都冰涼絕對零度，依碟豉汁鳳爪居然熱到噴煙，燙親我櫻桃小嘴喇。豉汁吸引，淡淡香甜不嗆不濁，薄薄依附在鳳爪之上，無話杰撻撻，無話一舊舊。炆得剛好，外皮爽脆，一啜骨肉分離，細味皮肉筋骨夾雜豉汁，回味無窮。燒賣，只食到乾乾免治豬肉球，質地鬆散，食到一粒粒的感覺，味道一般，油油微溫唔夠熱。蝦餃，味道陰沉欠鮮味，微暖唔熱麻麻地，有點公仔即食點心的影子。如果用真正鮮蝦餃的話，只售 $20 蚊點食得到喎。外購即食點心蒸完已放段長時間，餃皮乾硬趙唔到，只能全部吐掉只食餡。山竹牛肉，兩粒肉球夠晒數，加埋喼汁酸酸甜甜味道不錯，滑滑彈彈微微牛肉味，無蔥味無芫茜味無檸檬葉味，基本清淡可口。鮮竹卷，壓扁到十足十腐皮卷一樣，見到芡汁凝固到啫喱狀十分驚嚇，只食到濃濁蠔油味，餡料較少實在太少，食到肉碎食到厚厚腐皮，但感覺不到菜蔬。鵪鶉蛋燒賣，稍為乾了一點點，夠熱出煙端上，肉球滑彈結實不散，輕輕肉汁併上甘香鵪鶉蛋黃，味道甜美可口食得過。滷水鵝，瘦瘦鵝仔肉較少，驚喜的鵝皮黏滑包著緊緻嫩滑鵝肉，每啖滲著肉汁跟清爽滷水，吸引味美不濁不嗆，可口讚嘆，滾上酸醋開心醒胃，掛上辣油暢快醒神。滷水鵝片配大豆芽，滷水鵝片質地腍劈劈，不彈沒咬口，略鞋帶少少渣，強差人意。滷水味道清爽，不咸不嗆不濁，滿意。淨豬紅，好結實欠彈性的豬紅，血磚被普通滷水汁浸著，難得完全滲透入味，汁液口內爆發，不敢相信的好味道 ﹗不過最色香味美始終係大圍生昌獨門香辣沙茶汁。紅腸墨魚大豆芽，薄切墨魚好刀功喎，細細片薄薄，腍腍的超不到什麼口感來，點少少滷滷有著陣陣咸香，非常悶的表現。紅腸咸咸濕濕，正常彈彈，平凡過渡。腍劈劈瘦猛猛的大豆芽，不爽甜不飽滿，乾爭爭水份貧脊，是否浸得太耐啊？豉油皇炒肥鵝腸，依位師傅非常鍾意加韮黃喎，就連炒芽菜都唔放過，韮黃都唔平架麻，早前炒韮菜花都加韮黃炒，有點畫蛇添足了，我唔食架。幸好鵝腸還鵝腸炒，墊底的韮黃芽菜還韮黃芽菜炒。我淨食爽脆半腍肥鵝腸，熱騰騰豉油清香均勻，陪襯的比主角還要多成倍，兩大注即時被我消滅。肥膏完全去掉那會是肥鵝腸呢，沒有甘香無比的鵝油點綴，變成普通的豉油皇鵝腸。紅燒乳鴿，好有霸氣一開四，姿勢俱俱如生，識飛一樣。紿終都係大埔鹿嗚居乳鴿出品最好食，皮脆肉嫩香口爆汁熱辣辣。榮發較平庸唔難食，合格無特別，油皮肉乾略咸，配醋食較可口醒胃，可降低油膩感。椒鹽魷魚鬚，新鮮出爐脆卜卜的炸漿，魷魚味濃，先爽彈後嚥韌。師傅落味重手有點過咸，使我有想放棄的念頭，但不想浪費食物，唯有浸上大量喼汁酸咪咪快快手掉晒落口吞落肚啦。鹽水雞腳，操完拳操完腳，點知晚飯要加操條脷呢，我真的有點攰咯 ﹗失晒預算要損足一個鐘才完全消滅，啜到嘴仔都硬晒，條脷轉到麻痺。雞腳有修甲非常好，抵讚 ﹗雞皮爽爽的，鹽香突出濃厚但不過份，只係有兩三隻散發隔夜異味，其他都合格。竟要 $62 蚊，即是約 $10 蚊隻，會否有點貴呢？以為鹽水雞腳即叫即有無需等，誰知比碟炒蟹更耐，諗住隻蟹要劏要走油再炒，製作需時功夫多，所以才叫碟雞腳損消磨下時間。薑蔥炒蟹，只收 $200 蚊那麼經濟嗎？原來三隻蟹仔來的。嬸嬸話基本兩隻炒，可能太細隻唔夠秤所以比三隻，其實我十分討厭食蟹仔架，無肉食又剝餐懵，慘慘豬。所以求其咬碎食到幾多肉就幾多肉喇，懶得落手慢慢搣。即叫即劏必定新鮮，蟹肉甜彈仲有少量甘香蟹膏點綴，上檯鑊氣迫人，薑蔥香氣來襲。我食咩都要走蔥架，因為那股青味會使我反胃，但實在太過香噴噴，膽粗粗試試。爆得香甜非常，有薑味有蔥味，完全無嗅青味，所有綠蔥食晒，白蔥怕怕唔敢試。白灼游水活海中蝦，生猛跳跳紮，好猛呀﹗例牌十兩，堅大隻啊。師傅功力到加，烚到剛剛熟，火喉到位。滑彈無比，頂級鮮爽攞滿分，剝開蝦殼肉汁四射，活的一般捉都捉唔實，不停跣手呢 ﹗甜到天上去，心心眼展現，停不了一二三四五六七，迅速消滅殆盡。撕開蝦頸，蝦膏噴射，一檯都係喇，幸好無射到臉射到衫乍。忘記要先將嘴仔對準才落手，太耐無食新鮮度極高的海蝦，蝦膏甜如甘露，可口無敵。街市買都要七十到八十蚊斤，依家索價$120 非常合理。突想到有次西貢食海鮮見到特價灼海蝦，好奇試試嚇鬼死，乾鞋並重，死實無生氣，我以後都唔敢喇。油鹽水浸活蜆，點止油鹽水那麼簡單，明顯係魚湯底啦﹗加入黑椒芹菜大頭菜絲，濃濃黏黏的湯汁，微辣黑椒香純，厚厚蜆味湯汁，一滴不漏全部飲晒。蜆都幾大隻喎，肥美彈滑原味鮮甜少少砂，蒜子紅椒粉絲大頭菜無一幸免地消滅，實在太美味啊。清蒸游水包公魚，手掌大索價 $90 蚊都好合理，從來未食過，見嬸嬸大力推介，試試都好。肉滑結實，肉甜鮮味，鮮魚味濃郁無得頂 ﹗師傅是否專登輕打鱗呢？聽講可以保存更多肉汁，而且肉質能更滑添喎。不過搞到我經常要吐鱗比較麻煩，還是連鱗一齊食架？豉汁蒸鯇魚，豉汁蒸死魚？魚腩毫無鮮魚味道，鞋鞋乾乾沒有靈魂，應該都雪左段日子。豉汁求其成篤撻係上面，完全沒有塗沫的意思，師傅給點誠意好喎。豉汁味道調得蠻芳香而不濁，好野黎架喎，不過魚腩新鮮度強差人意。果皮蒸泥鯭，嬸嬸話沒什麼蒸魚提供，不如食泥鯭，我無所謂。油浸一樣，油到盡頭。少骨啖啖肉夠滿足，味道單調，硬覺得少了一點東西，欠鮮味？此道菜鹿鳴居出色百倍。豆腐魚雲白菜湯，好想好想飲湯啊，滾湯都照殺，不過不失都全部飲晒，湯渣都無剩，完全消滅！湯最夠要夠熱，剛好燙嘴最美妙，趁熱不停輸送，濃郁香甜陣陣魚味豆腐香白菜甜。時菜咸蛋肉片豆腐湯，白菜帶澀味少少苦，不鮮不爽不甜。使我突然掛住大埔常相聚個木桶白菜豬骨湯，白菜鮮甜可口充滿水份啊。時菜咸蛋肉片豆腐湯，肉片鬆軟瀨瀨滑潺潺，肉味怪怪的，不喜歡。原來不是新鮮咸蛋，難怪無鮮味無黃油，湯汁似普通加鹽味道。大口大口連飲三四碗湯，熱辣辣味道都不錯，白菜味為主，有點肉味加咸味。 蒜蓉炒菜芯，鑊氣迫人，感受到師傅功力高深莫測，企係側邊都恐怕震傷。大大碌菜莖爽甜脆身爆汁鮮嫩，沒有無點渣，輕輕菜甜味散發蒜香。菜葉有點粗糙，整體調味重手，十分多油。雞柳炒韮菜花，師傅竟然撈埋芹菜、韮黃、芽菜一齊炒，我全部都唔食架，要花時間續條續條挑出黎呢 ﹗韮菜花都不是那麼貴吧？份量太少，配菜比她還要多。油淋淋到不得了，反光立立令，食完不用搽潤脣膏喇。雞柳乸到腍劈劈滑潺潺無味道，起初還以為炒錯肉片添！韮菜花質素低於水平，偏削無水份，趙落口感粗糙帶點渣，只嚐到一絲微弱的菜甜味。椒絲腐乳炒通菜牛肉，無黃帝菜、無芥蘭，求其又係椒絲腐乳通菜牛。調味重重，師傅落味不留手，腐乳味道濃烈霸道，配白飯應該非常平衡恰到好處。牛肉鬆鬆腍腍軟軟，走過油十分加倍香口，醃味濃郁。通菜爽脆中有點硬朗，水份能夠多一點更好。啫啫雞煲，超值 $75 蚊足料滿瀉，落豬膶完全無手軟，多到七八塊喎，啫到極惹味香噴噴。兩大舊冬菇切件彈滑可口，仲有幾粒火腿片吊吊味，蒜頭未熟透不夠香甜粉口，現爽脆略帶辛辣。雞髀雞翼雞胸樣樣有，夠平均無偷功減料，唔似得大埔常相聚只得雞骨雞翼雞背脊，諗起都扯火 ﹗雞髀肉嫩嫩彈滑，雞胸硬硬乾鞋，香噴噴使人食慾全開﹗醃味不錯，調味濃郁，淨食有點重味，送飯一流。辣雞煲半隻，無辣度選擇，我還幻想會好似麻辣雞煲成鍋上檯，原來只不過係煲仔菜。氣味芬芳，香到不得了。乾辣椒、薑片、紅蔥頭、芹菜、香葉、花椒、青紅椒，其實又不是什麼獨特配方喎。吱吱喳喳熱騰騰送到，忍不住立即開動。何解食左幾舊都係雞胸雞背脊架？唔會收埋我隻雞髀咁無恥架！食到底終於都發現雞髀肉雞翼件，雞髀肉當然彈滑嫩嫩，不過斬得太碎喇，雖然易熟易入味。我由細到大都食不到青椒有的草青味，師傅居然可以烹調到甜美可口多汁，爽脆鮮嫩全熟熱燙燙，紅椒都好食，青椒更加好食，好食過隻雞喎！硬係覺得味道好似啫啫雞煲，只係少左豬膶味，多左麻辣味。雖然好多雞油好多辣油，不過就係所有精華所在，正如水煮菜色一樣，我還要專登浸浸油入口，微麻微辣香料香菜味道豐富惹味，香味來自雞油，無油點得呀！茄子牛仔骨煲，蒜頭炆得不夠爽脆，甜帶辛辣。茄子烚得腍腍軟軟綿綿滑滑，吸盡牛汁芡汁，熱到燙嘴，美味絕倫。牛仔骨走過油使得外層微脆香口，肉質鬆軟彈彈滑潺潺，還保有原始牛肉味道及質地，可以添食。涼瓜炆斑頭腩，不是活鮮魚都是預計之內，鮮甜味欠奉，不過肉質結實，外層炸得香口，脆皮索汁有肉食。涼瓜略爽水潤甘甜，整體味濃超多油，送飯比較美味，合格。勝瓜雲耳炒肉片，竟然會有草菇既？濕霉味非常嚴重。新鮮出爐鑊氣迫人，雲耳甘筍連霉味草菇全部食晒無得留低，爆過的肉片十分香甜，鬆過的滑滑腍腍還可接受，醃味濃郁不嗆不咸，夾埋清淡爽口勝瓜恰到好處，勝瓜爽爽的包著嫩肉，好好食呀 ﹗ 薑蔥生蠔煲，鬼殺咁嘈咋咋聲殺到，薑蔥爆炒到芬芳飄飄，食慾暴走失控，險些兒想將大量香蔥放入口，忘記左我唔食蔥架！無粉清爽滑溜原汁原味，有粉香口嚥韌薑蔥汁強。我喜歡前者，而且完全估不到會落粉呢 ﹗煲底全是油，非常油淋淋。生蠔有粉香口就夠香口，超級索油好飽肚。味道質感美國桶蠔是也，蠔爽微彈，蠔汁香甜，good﹗薑蔥田雞煲，跟薑蔥生蠔煲調味 100% 一模一樣，濃厚薑蔥味香噴噴，滾熱辣出場，冒晒煙勁有氣氛。田雞美腿白滑細嫩，結實彈彈，身肉同樣滿意，啜得興奮愉快。沙嗲金菇粉絲肥牛煲，我都話必須走蔥走洋蔥走芽菜咯，最後師傅一於好少理。要我花時間續條續條挑出，挑到我手仔軟，有成碟芽菜咁多，好浪費！我曾經努力嘗試過兩啖，但實在受不了那種草青腥味道，有點反胃。濃甜化不開，甜味非常重，我愛香辣沙嗲如上水街市強記一般。肥牛廿成熟韌到嚇死我，用多點力趙吧 ﹗牛味淡淡的還散發微羶，早前食過辣雞煲青椒全熟熱騰騰爽甜無比，但依煲太生微暖有點青味，略為差少少喎。紅椒好食，金菇太少，粉絲碎濕濕不高興，捲埋爽甜金菇勁韌肥牛重甜沙嗲粉絲都還可以既。招牌滑雞雞腎粥走蔥，真的招牌嗎？添加無味大頭菜那麼奇怪，用菜脯或榨菜會更好。粥底有水準，綿滑幼細甜美可口。多事地加入胡椒粉豉油，搞到味道怪怪的，原味更好味道。咸雞腎硬帶脆，鞋雞四件，其中兩件隔夜異味強烈，雞中翼一開二滑嘟嘟，麻油味強勁。方魚肉碎蠔仔粥全走，質素不過不失，足料無欺場，蠔仔免免強強，洗到破爛以至大量肉汁流失，鮮蠔味甘甜味都不足，湯底不香偏淡，胡椒粉打救。柱侯牛腩麵走蔥，味道完全跟柱侯背道而馳，五香味超特級強烈，根本就是五香牛腩。炆得既軟腍而入味，直頭是台灣牛肉麵的演釋，台灣影子十分濃厚。淋下辣椒油點綴點綴，淡如水的油味，微弱的香、隱約的辣，添點顏色罷了 ﹗ 薑蔥撈麵，何解要剪到幼麵斷晒碎濕濕呀？散筲筲點食啫，怕細路仔哽親唔識咬斷咩？我極度討厭，食到疾住疾住要續小啖續小啖夾起，食到黑面。薑蔥油香口不腥，辣椒油微辣惹味，潻點豉油加點咸鮮更加稱心滿意。
上水榮發茶餐廳
| 餐廳分店 | 榮發茶餐廳 |
|---|---|
| 地區 | 上水 |
| 電話訂位 | 26703636 |
| 餐單 Menu | 港式, 茶餐廳, 冰室 |
| 人氣指數 | 838 |
| 價錢幾錢 | $50以下 |
榮發茶餐廳訂位位於上水區，詳細地址是上水龍琛路38號地下，餐廳寬敞座位數目共有未知幾多個。榮發茶餐廳幾錢？價錢優惠後人均消費大約$50以下埋單，早餐午餐晚餐榮發茶餐廳餐單包括有港式, 茶餐廳, 冰室等美食，付款方式有現金付款，Booking網上訂位可以電話致電 26703636 查詢訂座。
榮發茶餐廳優惠
榮發茶餐廳 評價 相片
早點放拳，早點食飯，早點訓覺，我都有點睏喇。
幾小時的劇烈運動過後，回到上水已晚上十一點左右咯，全力以赴減減磅，體能操爆，五肢無力，由頭散到落腳趾。
費事返屋企煮咯，是但食飽歸家休息，黎招獨毒打冷啦！榮發茶餐廳滷水鵝豬紅同樣超掂超得，出乎意粒之外，難怪就算價錢略高一兩點，依舊客似雲來！我的榮發心燒食堂，深宵食堂，終於晚飯了。
爆場座無虛席，嘈過街市，頭都痛埋！好采有帶headphone，可以塞住耳仔聽歌乍。
最討厭榮發卡位設計，前後座連埋又無避震，後面條粉腸同條女十足屎忽痕一樣，左擰右擰，郁身郁勢，震那住晒，頂佢地咩！每位叔叔嬸嬸都好親切，笑容滿臉招乎周到，食得開心舒服。
侍應哥哥傳來噩耗，潮州打冷將永久取消，老師傅榮休，我會好掛住豬紅同滷水鵝架，陰功豬。
忍痛地擺脫戇豆的魔掌，依家鍾意幾時獨樂就獨樂，可樂就可樂！鍾意茶記就茶記，鍾意魚蛋粉就魚蛋粉！魔豆茶餐廳唔食、潮州粉麵唔食、大排檔唔食、快餐店唔食、西餐唔食、越南菜唔食、印尼菜唔食、等等等等﹗點解可以偏食到只食莖唔食葉，只食通菜、芥蘭及菜芯，西蘭花都只食莖唔食葉。
唐生菜唔食、西生菜唔食、白菜唔食、菠菜唔食、西洋菜唔食、油麥菜唔食、豆苗唔食、黃帝菜唔食、韮菜唔食！天煞的揀飲擇食。
四寶雞紮，不到兩分鐘火速就到，明顯不是即蒸啊，幸好仍然熱騰騰。
蒸得有點過火，腐皮程半溶狀態咯，濕淋淋過腍了味道清爽可口，不是魚肚雞紮，失望 ﹗不過沒有我討厭的芋頭，真好﹗豬肚不澀又爽脆，火腿條彈彈散發咸香。
咬落有骨既？一開二的雞中翼，廿十成熟非常實淨乾鞋，味道尚算甜美。
有骨所以被迫要拆散四寶食，雞紮如果不是原條咬，就不是雞紮啦。
食漢堡包會不會拆開芝士、生菜、蕃茄、牛肉分開食呢？或者食片皮鴨，會否先食薄餅，其後青瓜、鴨肉分開食呢？蒜香蒸排骨，暖暖地沒有煙，失望！熱辣辣既時候最好食，放涼變得油膩。
半肥瘦無肥膏，肉多骨少啖啖肉，還黏著少量脆卜卜軟骨，落味甜美陣陣蒜香過得去。
豉汁蒸鳳爪，幾乎每次點心都冰涼絕對零度，依碟豉汁鳳爪居然熱到噴煙，燙親我櫻桃小嘴喇。
豉汁吸引，淡淡香甜不嗆不濁，薄薄依附在鳳爪之上，無話杰撻撻，無話一舊舊。
炆得剛好，外皮爽脆，一啜骨肉分離，細味皮肉筋骨夾雜豉汁，回味無窮。
燒賣，只食到乾乾免治豬肉球，質地鬆散，食到一粒粒的感覺，味道一般，油油微溫唔夠熱。
蝦餃，味道陰沉欠鮮味，微暖唔熱麻麻地，有點公仔即食點心的影子。
如果用真正鮮蝦餃的話，只售 $20 蚊點食得到喎。
外購即食點心蒸完已放段長時間，餃皮乾硬趙唔到，只能全部吐掉只食餡。
山竹牛肉，兩粒肉球夠晒數，加埋喼汁酸酸甜甜味道不錯，滑滑彈彈微微牛肉味，無蔥味無芫茜味無檸檬葉味，基本清淡可口。
鮮竹卷，壓扁到十足十腐皮卷一樣，見到芡汁凝固到啫喱狀十分驚嚇，只食到濃濁蠔油味，餡料較少實在太少，食到肉碎食到厚厚腐皮，但感覺不到菜蔬。
鵪鶉蛋燒賣，稍為乾了一點點，夠熱出煙端上，肉球滑彈結實不散，輕輕肉汁併上甘香鵪鶉蛋黃，味道甜美可口食得過。
滷水鵝，瘦瘦鵝仔肉較少，驚喜的鵝皮黏滑包著緊緻嫩滑鵝肉，每啖滲著肉汁跟清爽滷水，吸引味美不濁不嗆，可口讚嘆，滾上酸醋開心醒胃，掛上辣油暢快醒神。
滷水鵝片配大豆芽，滷水鵝片質地腍劈劈，不彈沒咬口，略鞋帶少少渣，強差人意。
滷水味道清爽，不咸不嗆不濁，滿意。
淨豬紅，好結實欠彈性的豬紅，血磚被普通滷水汁浸著，難得完全滲透入味，汁液口內爆發，不敢相信的好味道 ﹗不過最色香味美始終係大圍生昌獨門香辣沙茶汁。
紅腸墨魚大豆芽，薄切墨魚好刀功喎，細細片薄薄，腍腍的超不到什麼口感來，點少少滷滷有著陣陣咸香，非常悶的表現。
紅腸咸咸濕濕，正常彈彈，平凡過渡。
腍劈劈瘦猛猛的大豆芽，不爽甜不飽滿，乾爭爭水份貧脊，是否浸得太耐啊？豉油皇炒肥鵝腸，依位師傅非常鍾意加韮黃喎，就連炒芽菜都唔放過，韮黃都唔平架麻，早前炒韮菜花都加韮黃炒，有點畫蛇添足了，我唔食架。
幸好鵝腸還鵝腸炒，墊底的韮黃芽菜還韮黃芽菜炒。
我淨食爽脆半腍肥鵝腸，熱騰騰豉油清香均勻，陪襯的比主角還要多成倍，兩大注即時被我消滅。
肥膏完全去掉那會是肥鵝腸呢，沒有甘香無比的鵝油點綴，變成普通的豉油皇鵝腸。
紅燒乳鴿，好有霸氣一開四，姿勢俱俱如生，識飛一樣。
紿終都係大埔鹿嗚居乳鴿出品最好食，皮脆肉嫩香口爆汁熱辣辣。
榮發較平庸唔難食，合格無特別，油皮肉乾略咸，配醋食較可口醒胃，可降低油膩感。
椒鹽魷魚鬚，新鮮出爐脆卜卜的炸漿，魷魚味濃，先爽彈後嚥韌。
師傅落味重手有點過咸，使我有想放棄的念頭，但不想浪費食物，唯有浸上大量喼汁酸咪咪快快手掉晒落口吞落肚啦。
鹽水雞腳，操完拳操完腳，點知晚飯要加操條脷呢，我真的有點攰咯 ﹗失晒預算要損足一個鐘才完全消滅，啜到嘴仔都硬晒，條脷轉到麻痺。
雞腳有修甲非常好，抵讚 ﹗雞皮爽爽的，鹽香突出濃厚但不過份，只係有兩三隻散發隔夜異味，其他都合格。
竟要 $62 蚊，即是約 $10 蚊隻，會否有點貴呢？以為鹽水雞腳即叫即有無需等，誰知比碟炒蟹更耐，諗住隻蟹要劏要走油再炒，製作需時功夫多，所以才叫碟雞腳損消磨下時間。
薑蔥炒蟹，只收 $200 蚊那麼經濟嗎？原來三隻蟹仔來的。
嬸嬸話基本兩隻炒，可能太細隻唔夠秤所以比三隻，其實我十分討厭食蟹仔架，無肉食又剝餐懵，慘慘豬。
所以求其咬碎食到幾多肉就幾多肉喇，懶得落手慢慢搣。
即叫即劏必定新鮮，蟹肉甜彈仲有少量甘香蟹膏點綴，上檯鑊氣迫人，薑蔥香氣來襲。
我食咩都要走蔥架，因為那股青味會使我反胃，但實在太過香噴噴，膽粗粗試試。
爆得香甜非常，有薑味有蔥味，完全無嗅青味，所有綠蔥食晒，白蔥怕怕唔敢試。
白灼游水活海中蝦，生猛跳跳紮，好猛呀﹗例牌十兩，堅大隻啊。
師傅功力到加，烚到剛剛熟，火喉到位。
滑彈無比，頂級鮮爽攞滿分，剝開蝦殼肉汁四射，活的一般捉都捉唔實，不停跣手呢 ﹗甜到天上去，心心眼展現，停不了一二三四五六七，迅速消滅殆盡。
撕開蝦頸，蝦膏噴射，一檯都係喇，幸好無射到臉射到衫乍。
忘記要先將嘴仔對準才落手，太耐無食新鮮度極高的海蝦，蝦膏甜如甘露，可口無敵。
街市買都要七十到八十蚊斤，依家索價$120 非常合理。
突想到有次西貢食海鮮見到特價灼海蝦，好奇試試嚇鬼死，乾鞋並重，死實無生氣，我以後都唔敢喇。
油鹽水浸活蜆，點止油鹽水那麼簡單，明顯係魚湯底啦﹗加入黑椒芹菜大頭菜絲，濃濃黏黏的湯汁，微辣黑椒香純，厚厚蜆味湯汁，一滴不漏全部飲晒。
蜆都幾大隻喎，肥美彈滑原味鮮甜少少砂，蒜子紅椒粉絲大頭菜無一幸免地消滅，實在太美味啊。
清蒸游水包公魚，手掌大索價 $90 蚊都好合理，從來未食過，見嬸嬸大力推介，試試都好。
肉滑結實，肉甜鮮味，鮮魚味濃郁無得頂 ﹗師傅是否專登輕打鱗呢？聽講可以保存更多肉汁，而且肉質能更滑添喎。
不過搞到我經常要吐鱗比較麻煩，還是連鱗一齊食架？豉汁蒸鯇魚，豉汁蒸死魚？魚腩毫無鮮魚味道，鞋鞋乾乾沒有靈魂，應該都雪左段日子。
豉汁求其成篤撻係上面，完全沒有塗沫的意思，師傅給點誠意好喎。
豉汁味道調得蠻芳香而不濁，好野黎架喎，不過魚腩新鮮度強差人意。
果皮蒸泥鯭，嬸嬸話沒什麼蒸魚提供，不如食泥鯭，我無所謂。
油浸一樣，油到盡頭。
少骨啖啖肉夠滿足，味道單調，硬覺得少了一點東西，欠鮮味？此道菜鹿鳴居出色百倍。
豆腐魚雲白菜湯，好想好想飲湯啊，滾湯都照殺，不過不失都全部飲晒，湯渣都無剩，完全消滅！湯最夠要夠熱，剛好燙嘴最美妙，趁熱不停輸送，濃郁香甜陣陣魚味豆腐香白菜甜。
時菜咸蛋肉片豆腐湯，白菜帶澀味少少苦，不鮮不爽不甜。
使我突然掛住大埔常相聚個木桶白菜豬骨湯，白菜鮮甜可口充滿水份啊。
時菜咸蛋肉片豆腐湯，肉片鬆軟瀨瀨滑潺潺，肉味怪怪的，不喜歡。
原來不是新鮮咸蛋，難怪無鮮味無黃油，湯汁似普通加鹽味道。
大口大口連飲三四碗湯，熱辣辣味道都不錯，白菜味為主，有點肉味加咸味。
蒜蓉炒菜芯，鑊氣迫人，感受到師傅功力高深莫測，企係側邊都恐怕震傷。
大大碌菜莖爽甜脆身爆汁鮮嫩，沒有無點渣，輕輕菜甜味散發蒜香。
菜葉有點粗糙，整體調味重手，十分多油。
雞柳炒韮菜花，師傅竟然撈埋芹菜、韮黃、芽菜一齊炒，我全部都唔食架，要花時間續條續條挑出黎呢 ﹗韮菜花都不是那麼貴吧？份量太少，配菜比她還要多。
油淋淋到不得了，反光立立令，食完不用搽潤脣膏喇。
雞柳乸到腍劈劈滑潺潺無味道，起初還以為炒錯肉片添！韮菜花質素低於水平，偏削無水份，趙落口感粗糙帶點渣，只嚐到一絲微弱的菜甜味。
椒絲腐乳炒通菜牛肉，無黃帝菜、無芥蘭，求其又係椒絲腐乳通菜牛。
調味重重，師傅落味不留手，腐乳味道濃烈霸道，配白飯應該非常平衡恰到好處。
牛肉鬆鬆腍腍軟軟，走過油十分加倍香口，醃味濃郁。
通菜爽脆中有點硬朗，水份能夠多一點更好。
啫啫雞煲，超值 $75 蚊足料滿瀉，落豬膶完全無手軟，多到七八塊喎，啫到極惹味香噴噴。
兩大舊冬菇切件彈滑可口，仲有幾粒火腿片吊吊味，蒜頭未熟透不夠香甜粉口，現爽脆略帶辛辣。
雞髀雞翼雞胸樣樣有，夠平均無偷功減料，唔似得大埔常相聚只得雞骨雞翼雞背脊，諗起都扯火 ﹗雞髀肉嫩嫩彈滑，雞胸硬硬乾鞋，香噴噴使人食慾全開﹗醃味不錯，調味濃郁，淨食有點重味，送飯一流。
辣雞煲半隻，無辣度選擇，我還幻想會好似麻辣雞煲成鍋上檯，原來只不過係煲仔菜。
氣味芬芳，香到不得了。
乾辣椒、薑片、紅蔥頭、芹菜、香葉、花椒、青紅椒，其實又不是什麼獨特配方喎。
吱吱喳喳熱騰騰送到，忍不住立即開動。
何解食左幾舊都係雞胸雞背脊架？唔會收埋我隻雞髀咁無恥架！食到底終於都發現雞髀肉雞翼件，雞髀肉當然彈滑嫩嫩，不過斬得太碎喇，雖然易熟易入味。
我由細到大都食不到青椒有的草青味，師傅居然可以烹調到甜美可口多汁，爽脆鮮嫩全熟熱燙燙，紅椒都好食，青椒更加好食，好食過隻雞喎！硬係覺得味道好似啫啫雞煲，只係少左豬膶味，多左麻辣味。
雖然好多雞油好多辣油，不過就係所有精華所在，正如水煮菜色一樣，我還要專登浸浸油入口，微麻微辣香料香菜味道豐富惹味，香味來自雞油，無油點得呀！茄子牛仔骨煲，蒜頭炆得不夠爽脆，甜帶辛辣。
茄子烚得腍腍軟軟綿綿滑滑，吸盡牛汁芡汁，熱到燙嘴，美味絕倫。
牛仔骨走過油使得外層微脆香口，肉質鬆軟彈彈滑潺潺，還保有原始牛肉味道及質地，可以添食。
涼瓜炆斑頭腩，不是活鮮魚都是預計之內，鮮甜味欠奉，不過肉質結實，外層炸得香口，脆皮索汁有肉食。
涼瓜略爽水潤甘甜，整體味濃超多油，送飯比較美味，合格。
勝瓜雲耳炒肉片，竟然會有草菇既？濕霉味非常嚴重。
新鮮出爐鑊氣迫人，雲耳甘筍連霉味草菇全部食晒無得留低，爆過的肉片十分香甜，鬆過的滑滑腍腍還可接受，醃味濃郁不嗆不咸，夾埋清淡爽口勝瓜恰到好處，勝瓜爽爽的包著嫩肉，好好食呀 ﹗ 薑蔥生蠔煲，鬼殺咁嘈咋咋聲殺到，薑蔥爆炒到芬芳飄飄，食慾暴走失控，險些兒想將大量香蔥放入口，忘記左我唔食蔥架！無粉清爽滑溜原汁原味，有粉香口嚥韌薑蔥汁強。
我喜歡前者，而且完全估不到會落粉呢 ﹗煲底全是油，非常油淋淋。
生蠔有粉香口就夠香口，超級索油好飽肚。
味道質感美國桶蠔是也，蠔爽微彈，蠔汁香甜，good﹗薑蔥田雞煲，跟薑蔥生蠔煲調味 100% 一模一樣，濃厚薑蔥味香噴噴，滾熱辣出場，冒晒煙勁有氣氛。
田雞美腿白滑細嫩，結實彈彈，身肉同樣滿意，啜得興奮愉快。
沙嗲金菇粉絲肥牛煲，我都話必須走蔥走洋蔥走芽菜咯，最後師傅一於好少理。
要我花時間續條續條挑出，挑到我手仔軟，有成碟芽菜咁多，好浪費！我曾經努力嘗試過兩啖，但實在受不了那種草青腥味道，有點反胃。
濃甜化不開，甜味非常重，我愛香辣沙嗲如上水街市強記一般。
肥牛廿成熟韌到嚇死我，用多點力趙吧 ﹗牛味淡淡的還散發微羶，早前食過辣雞煲青椒全熟熱騰騰爽甜無比，但依煲太生微暖有點青味，略為差少少喎。
紅椒好食，金菇太少，粉絲碎濕濕不高興，捲埋爽甜金菇勁韌肥牛重甜沙嗲粉絲都還可以既。
招牌滑雞雞腎粥走蔥，真的招牌嗎？添加無味大頭菜那麼奇怪，用菜脯或榨菜會更好。
粥底有水準，綿滑幼細甜美可口。
多事地加入胡椒粉豉油，搞到味道怪怪的，原味更好味道。
咸雞腎硬帶脆，鞋雞四件，其中兩件隔夜異味強烈，雞中翼一開二滑嘟嘟，麻油味強勁。
方魚肉碎蠔仔粥全走，質素不過不失，足料無欺場，蠔仔免免強強，洗到破爛以至大量肉汁流失，鮮蠔味甘甜味都不足，湯底不香偏淡，胡椒粉打救。
柱侯牛腩麵走蔥，味道完全跟柱侯背道而馳，五香味超特級強烈，根本就是五香牛腩。
炆得既軟腍而入味，直頭是台灣牛肉麵的演釋，台灣影子十分濃厚。
淋下辣椒油點綴點綴，淡如水的油味，微弱的香、隱約的辣，添點顏色罷了 ﹗ 薑蔥撈麵，何解要剪到幼麵斷晒碎濕濕呀？散筲筲點食啫，怕細路仔哽親唔識咬斷咩？我極度討厭，食到疾住疾住要續小啖續小啖夾起，食到黑面。
薑蔥油香口不腥，辣椒油微辣惹味，潻點豉油加點咸鮮更加稱心滿意。
小編第二次黎食羊腩煲😎😎😎😎😎有驚喜🤣🤣🤣🤣🤣要分享!!!!!!!!!店員態度好好 今日羊腩煲好靚wo 要唔要試下嘩 咁推介 唔系唔試下化😂😂😂😂堅系好正 一擺上枱就知度我會食唔停口系腩位 腩位 腩位!!!!!!!😍😍😍😍😍😍重點系一d都唔鞋丫!!!!!支竹又炸得靚 唔系好乾身又深啡色個d......正!馬提.....super super 新鮮 好甜 好爽!!!!!湯底好濃好惹味😋😋😋
在附近工作原因，去了這間榮發茶餐廳，和其它茶餐廳一樣，中午有set定午餐選擇，最後選了鹽焗雞飯，雞很嫩口而鹽味適中，還有例湯，湯夠火口是黄瓜游魚，最後加柸凍奶茶，典形茶餐廳水準，夠奶味，夠甜。
今日出左去上堂，番到上水已經12點。
上水可以揀嘅消夜唔多，來來去去都係個幾間，今日心血來潮揀左間最就腳嘅食店，上水榮發。
宜間野位於上水廣場樓下，好近車站。
我好耐都幫襯，一入到去，一般舊色茶餐廳嘅裝修，環境衛生非常一般。
小弟餓到就來暈低，叫左碗牛腩雲吞河同一碟叉燒腸。
碗河一到，賣相非常唔，幾吸引。
湯夠濃，料夠多，份量都好足。
牛腩切得有d細舊，但係就好入味。
唯一係d河粉可能煮左好耐，一夾就散，好碎。
雲吞方面我就覺得唔太新鮮，但仲可以接受。
成碗野如果可以多幾條菜就更加好。
叉燒腸我就唔建議家叫。
因為一食就知擺左好耐，又凍又硬3條18蚊非常唔抵食。
可以嘅話建議叫其他野食。
成間野環境唔算乾淨，不過茶餐廳唔好要求咁多餓，侍應態度亦都唔算討好。
唯一可取嘅係佢係小數係上水24小時營業嘅餐廳。
夜番或者同朋友食老宵嘅話都可以一試嘅，不過就有小小貴咁啦。
難得約到成家人12月28號一齊食餐飯當慶祝聖誕,老豆話呢間野正,咁就特登去試下喇。
一入去,咁安排左一張大檯,5個人坐都OK,但係由於同隔黎太近,所以我地張張檯推前左少少。
其中有個待應見到已經鬧原來佢本身個地板唔平,一郁左少少張檯會唔平,跟手個待應推番張檯去原來位置)OKOK,唔推咪唔推,唔駛咁燥麻。
跟住坐落左喇,由於佢果張檯其實坐5個人都會頂住條走廊,個待應叫我媽坐過少少,當然都唔會好聲好氣喇,OK,照坐過少少,咁佢冇話左定右,我媽照坐過左其中一邊,點知個待應又黎料:我聽到燥燥地已經想走,我老豆堅持話好食要食,OK,咁叫左個羊腩煲。
之後,我地叫左幾個蒸飯,由於蒸飯通常都係排骨呀,蒸雞果D,我地打算叫排骨同蒸雞喇,點知個待應又話:講完又走左去,D態度真係…一路食果陣,都一路聽到D待應係到係咁鬧D客行路慢,行快少少喇,頂住晒咁。
最離奇係全程個老闆都係到視若無睹,真係祝你地餐廳生意興隆,咁既服務態度,都仲KEEP到。
榮發茶餐廳餐單提供港式, 茶餐廳, 冰室等推介美食位於上水區，餐廳座位數未知人均消費約$50以下，結賬可以用現金，Booking訂位可以電話致電 26703636 查詢。
您對於上水餐廳「榮發茶餐廳」有何 comment？
榮發茶餐廳餐廳詳細資料：
- 榮發茶餐廳地址: 上水龍琛路38號地下 榮發茶餐廳,
- 榮發茶餐廳電話: 26703636
- 榮發茶餐廳價錢: $50以下
- 分類: 港式, 茶餐廳, 冰室
- 座位: 未知
- 付款: 現金
- FB專頁: 榮發茶餐廳 Facebook
更多榮發茶餐廳相關資料:
香港餐廳2026推介8月