囍宴大酒樓 上水

囍宴大酒樓 評價 相片

上一次和家人食團連飯..點完菜冇10分鍾 d菜全部上齊 d菜什至攞到冇位 仲要將d菜整埋一齊!!!!最重要既就係d菜係棟既!!!!!!!(冇一樣係熱既!!!!!!!) 整到冇曬胃口,"d服務態度又惡劣!!!!!!!

尋晚朋友請客同我慶祝, 我地兩個人去咗上水囍宴打邊邊, $98 /位任飲任食2.5hrs. 大約6.30pm 去到, 得小貓三兩隻. 完全唔洗等位. 因為我地得兩個人,中間位置全部都係410人枱, 所以安排坐响最埋邊既二人枱. 叫咗最普通既皮旦香茜湯底 (其實佢仲有其他特別湯底既, 咩醉雞窩之類, 不過我地驚太熱氣所以冇叫), 汽水橙汁五花茶自助任飲, 醬料bar都係, 有大路的生蒜熟蒜辣椒蔥花, 仲有腐乳花生醬XO醬呢d, 都好夠架喇 可能因為客仲係少啦, 招呼同上菜都快. 第一輪冇諗咁多, 就咁tick咗:肥牛, 黎到見到, 勁surprise! 成個碟得兩小片! 心諗…唔係呀嘛…雖然味道係好既, 半肥瘦.金菇, 鮮蝦水餃, 呢個好食! 滾好耐都唔會散,仲有蝦味又好咬口.芝士丸, 街巿凍肉有得賣嗰d, 我都好like脆肉鯇, 真係好脆!不過可能我地滾得太耐所以有少少鞋.豬頸肉, 呢個要推介! 好味好爽脆, 滾好耐都唔會鞋! 好味! 冬菇, 油麥菜, 鯪魚球, 普通, 不過我一向都鍾意食炸魚皮, 呢個都正! 就算唔滾吓佢都一樣咁香咁脆咁好食.豬潤, 我個人就唔係咁鍾意食, 不過我frd話好味咁少當然未夠喉啦, 尤其個肥牛… 到叫第二輪時, 我地把心一橫, 今次唔tick喇, 一嘢填”10”落去! 睇吓佢畀唔畀先. 心諗就算佢真係畀10碟我地, 都係得20小片啫, 我地兩個人要KO 佢一定冇問題啦. 呢個時候有個好好笑容既部長走過黎招呼幫我地入單. 佢轉身後一睇, 可能見到我地寫咗”10”, 回頭望吓我地兩個女仔, 然後見到佢响單上面改野! 吓?! 唔係吖嘛, 佢究竟想點? D野送到黎, 我地就知發生咩事喇: 肥牛, 最後黎咗6碟, 但同第一次唔同, 今次每碟有4大片! 開始有d想多謝阿部長, 如果係10碟我估我地實食唔晒. 哈哈! 半肥瘦好夠牛味, 正!黑豚肉, 有3小片,有d鞋 黑椒牛丸, 手打既, 好香陳皮味 魷魚鬚, 唔好以為係炸好既熟食, 佢係生既, 仲要d鬚係一抽咁, 冇切開架, 好搞笑! 不過味道就好一般水魷魚片, 好普通, 唔推介滑雞, 呢個朋友like, 每次同佢打邊邊佢必叫既, 不過我就唔多like魚頭, 呢個好香好滑, 膠原 呀!哈哈 海鮮丸, 都係凍肉舖嗰D魚腐, 唔知係畀錯咗定咩, 完全唔覺得似魚腐, 似炸魚旦多D...唔好意思, 前半段唔記得影相, 呢d係第二輪食緊時先記得影咗幾張.好豐富既一餐, 咁啱尋晚又開始轉涼, 真係打邊爐一流呀! 多識晒朋友請客, 我下次會再幫襯!P.S. 值得一讚既, 係有專人隨時走黎加湯, 完全唔洗叫,自動波,仲要我地坐既位置都好入吓, 都完全冇搵唔到人理既感覺. 抵讚!

個日係海港酒樓等左成2個鐘都仲未有位，念住去樓下囍宴試下啦！點知一試就激死自己！一去到就有張大台比我地(一行14人、3個細路)，叫餸個陣我地都係念住要8碟，咁個部長行埋黎比左D餐單(有套餐、散叫餸)我地睇，我地睇左之後就想散叫餸，個部長已經表現得唔多滿意，我地見酒樓有條大青班2斤重都係$198咁咪要啦！個部長就話你地咁多人唔夠食架要條34斤重都係$438咋！我地話唔駛咁大條唔係個個人都食魚，佢係都話唔夠食唔夠食，我舅父見佢咁煩就話"是蛋"啦！再叫1斤蒜蓉開邊蝦，佢又話你地咁多人1斤唔夠食，未得我地決定就寫左斤半啦！咁又有得佢啦！點知叫碟例牌西芹象拔蚌同西蘭花帶子，佢又話例牌好細碟架加大啦！再要1隻燒鵝1隻雞、1碟椒鹽豆腐、1碟炒白菜，個陣我地住台人都已經好唔滿意呢個部長啦！唯有激住氣等食啦！到上菜先上左1隻燒鵝同1隻雞，點知清左好耐都仲未有菜上，隔離台仲快過我地，咁岩另一個部長行過就叫佢睇啦，佢見到張單就鬧：「張單寫住等條魚起先起菜喎！點解會咁寫架？」我地第一反應就出聲話無咁要求過，咁呢個部長就即刻上啦！真係未試過食得咁急架！到最後埋單要成$2,020，真係唔知係咪呢間酒樓無乜人幫襯，一有人黎食晚飯就係咁叫你加大加大呀！佢地真係"好日唔發市"呀！最後我地既結論就係唔會再幫襯呀！唔怪得人地海港酒樓真係咁多人幫襯呀！

"咁做生意簡宜不知所謂"真係未見到有一間食市可以差得咁"離譜"，真係可以用"唔係做生意"黎形容呀！我地一大班成14個人(細路3個，大人11個)就叫餸，預左叫8個餸啦！個部長就比個餐單我地$1,480.00，因為我地前晚去海港酒樓食晚飯(人數仲要多3個人)，散叫菜都係食左$1,024咋！咁咪念住都係散叫啦，個餐牌既份量全部都係寫例牌，我地就想叫條魚先，選左條大青班2斤重($198.00)，個部長就話：「你地咁多人2斤唔夠架啦，不如叫34斤重啦$438.00！」咁我接住同佢講唔係個個食魚，佢就企係度係咁講唔夠食唔夠食，之後舅父就決定聽佢講啦！再點左1隻燒鵝加1隻雞、1碟椒鹽豆腐、1碟炒白菜、1碟帶子西蘭花、1碟象拔蚌炒西芹、1斤蒜蓉開邊蝦，咁個部長又黎料話：「D蝦1斤太小你地唔夠食起碼要斤半啦，帶子西蘭花同象拔蚌例牌太細份啦，你地唔夠食架，幫你地加大啦！」因為我地係第一次去食飯所以唔知佢地例牌有幾大份，所以就又得佢先，但我就要求D蝦要1斤得啦，點知佢理到唔理你就咁入張啦！個陣我已經好唔滿意架啦！跟住佢問我地要唔要等齊人先，因為細老已經行緊過黎酒樓，我就叫佢唔好等即起啦！當中我出聲問佢：「如果我地就呢D餸會唔會貴過你地個款$1,480餐架？」佢就話：「你點咪都差唔多架！」起菜黎左隻燒鵝同隻雞，食左好耐都無餸到，仲要隔離台上菜仲快過我地，咁岩有另一個部長行過就問佢啦！佢睇一睇單就鬧：「呢度寫D餸等條魚黎左先起喎！點解咁架？」我地就話：「我地無咁要求過，已經話左唔駛等即起。

」個部長就即安排全部餸即起，攪到我地食得好趕，頭個部長直頭係無幫我地跟過單同上菜，因為個個份量已經比頭個個部長加大左，所以結果我地食剩成3碟餸咁多，仲有D餸唔係太好食咋，加上埋單要成$2,020，真係好貴好貴！呢D咁既部長完全唔理客人要求係咁加大，佢地見到我地有大人有細路應該係比D主業意見提供足夠食用份量，但點知佢就淨係叫你加大加大份量等收多D錢，完全誤導我地浪費食物呀！最後我坐係度望住食剩既野覺得好後悔點解要聽呢個部長點呢？太浪費食物又浪費金錢啦！所以我地都決定只會幫襯呢一次，真係無下次啦！所以請各位念住幫襯"上水囍宴酒樓"之前真係念念先啦！唔好好似我咁食後後悔啦！

我地成班學生去dinner,點知d 經理同埋waiters好似唔休冇生意做咁(其實全場得5位台左右=,=)..對我地成班學生都好冇禮貌!!!我地想要room...佢好串咁話最低消費要$2300 wor~fine,咁我地係大廳坐...我地要2張table,想拍埋d又唔比,又話埋呢度唔係餐廳wor...仲要我地坐左一張台先,佢竟然係我地傾野期間搬細另一張台,完全唔問我地,我地問佢仲話"你地都夠坐ga啦!"...咩事呀佢?!我地玩killer又話唔比,仲話咩都唔比話ga wor..會比經理話wor...咩rules?!ridiculous!!!佢地d態度真係令人好嬲,我地成班人都好唔憤氣決定唔食走人...咩都冇食過茶都冇飲過就埋單走人一碟小食仲收成十幾蚊...擺明搶$$$!..total 加埋茶位百幾元算..好過對住d咁既人dinner..食都唔開胃個唔知咩經理仲要問我地咩學校...而且中埋個學生度望下校徽...勁無品!!!我地自問態度好過你地幾百倍.....真係好黑仔...第一次上去食野就咁激氣咪洗旨意我地會去...狗眼看人低!!!反而新街市樓人d staff的服務比你地好好多...反省下啦人地服務好,食物味道好,價錢又一定比你地合理今時今日,我都係第一次見到d差成咁既九流(酒樓)!!

囍宴大酒樓餐單提供港式, 火鍋, 點心, 酒樓等推介美食位於上水區，餐廳座位數600人均消費約$51-100，結賬可以用Visa,Master,現金。

您對於上水餐廳「囍宴大酒樓」有何 comment？

囍宴大酒樓餐廳詳細資料：

• 囍宴大酒樓地址:
  上水龍琛路33號龍豐花園商場1樓
  囍宴大酒樓,  
• 囍宴大酒樓電話:  
• 囍宴大酒樓價錢: $51-100
• 分類: 港式, 火鍋, 點心, 酒樓
• 座位: 600
• 付款: Visa,Master,現金
• FB專頁: 囍宴大酒樓 Facebook

更多囍宴大酒樓相關資料:

• 囍宴大酒樓分店
• Youtube
• Facebook
• Twitter
• Google