吞餃旺 上水

吞餃旺 評價 相片

星期日呢條街間間午市都無位,唯獨呢間。

諗住求期一餐半餐算。

所有食物加熱飲都要加$5叫咩又無咩。

價錢又唔值咁貴,本身一個普通油菜飯已經$48,如果加杯熱奶茶已經$53。

味道又唔好食

上水依個美食沙漠終於有一間係可以比我稱為飯堂❤本身自己係好鐘意食水餃，食到依間嘅水餃的確係好有心機，好健康嘅，尤其係佢嘅湯底有得揀魚湯同鷄湯，魚湯個感覺似屋企煲嘅老火湯，帶甜味而飲哂都唔會口渴上海面口感有韌度，唔係一夾就斷，非常好食雪菜豬肉同韮菜都推介雖然後者同出面其他鋪嘅係有分別一咬開成個餡都係綠色而且唔見到有韮菜嘅老闆話因為想經過攪拌成菜碎後菜汁可以帶入餃內而不會浪費掉很好的心思而且感覺菜比較多食完自我感覺良好今次介紹嘅係我成日食嘅肉燥拌陳村粉(sorry太肚餓食到一半先記得影相)肉燥好食，味道一d都唔味精，似自己做嘅屋企味道陳村粉本來就唔多地方有得食，即使係有，都通常會整到勁油，成件事好膩見到有食評話依度陳村粉一舊舊唔好食，但係依度就係因為冇乜油，而令拌陳村粉做到唔膩，配埋肉燥一流小籠包唔錯，皮唔會太薄而一夾就穿會一直幫襯

首先我唔係個d打開美食既kol，但係睇到個食評我覺得需要為呢間小店平反，呢間小店由佢開頭試業個時我已經食，初頭我係因為夜晚收工返到上水，而呢間野係我屋企附近，加上我好鍾意食餃子咁開正我嗰瓣，再加上我覺得係上水其實係冇咩野好食，見新開咁試下啦，認真第一次食可能因為係試業關係，d野食係偏淡味既，但係佢令到我再返轉頭既原因，係因為我飲到碗餃子個湯，係真係同屋企阿媽煲個粉葛鯪魚湯一樣味(我記得我係叫魚湯個餃子叫左咩就真係唔記得)， 因為咁之後第二個禮拜我就再去食，我自己係比較鍾意食d厚身既餃子皮同雲吞皮，而我鄉下仔亦都未食過，一塊薄既雲吞皮可以裝到個餡又裝埋d湯而粒雲吞係唔穿唔散既，可能係有人食開灌湯餃當雲吞啦，咁其實個粒係餃而唔係雲吞，而我不懂，算喇講返d野食，雲吞係既塊皮比出面d雲吞皮厚既，但係我覺得唔影響個味道囉，呢間鋪餐牌入面既野，雞湯魚湯藥膳，雲吞餃子有8成我食過，咖哩，肉燥，陳村粉，近排仲多左個狗仔粉，仲有佢地食湯餃/雲吞會跟一小碟菜脯，碟菜脯次次我都清哂，食有湯既野我一定飲哂碗湯，我想講陳村粉唔係好多地方有得食，一碗餃子加麵收你四十幾蚊你話貴，請問你係唔係平時食開廿蚊碗，可唔可以介紹下?我明白唔係所有人都同我口味一樣(比起出面食到既，係偏淡，但係我覺得係清d，但其實冇問題，而唔係冇味囉)，我敢講佢算係上水既清泉之一，一間咁用心去做食物既小店，如果因為d咁既食評kol而令到佢冇左，咁香港人跟肥媽返大灣區食鯇魚生魚片吧啦利申:我個個星期都會去食，希望多d人可以支持呢野鋪

我當日入上水做啲野，見樓面呢間都唔錯。

咁入去試下，好耐冇食過狗仔粉🤭狗仔粉幾好味，同啲料都幾足，感覺都幾老實🤭🤭餃子個皮幾好味，比較重面粉味，記得細細個呀媽包果啲都係咁樣😆平時出面食餃子好重味，我覺得呢個味淡淡地都幾ok總括，有下次！。

工作時 路過食個快飯見人少少唔迫就試下茶仔一間本來無期望但揀麵餐見到湯底可選魚湯 或鯊魚骨雞湯 又好似有啲料到主打上海菜，北方雲吞 及水餃於是點了個豬扒韮菜餃上海麵一試 正喎個湯好鮮味 唔肥膩 食到尾畀我飲埋餃子 堅多菜 餡料綠油油 食到忘了影豬扒有調味 入味 大大塊厚切唔包嘢飲44元 價錢ok侍應nice 似住附近街坊婦女食客問路又詳細教我要食藥又畀暖水如果開喺屋企附近 一定成日幫襯

吞餃旺餐單提供滬菜, 上海, 京川滬, 雲吞, 餃子, 中菜館等推介美食位於上水區，餐廳座位數未知人均消費約$50以下，結賬可以用現金，Booking訂位可以電話致電 23666841 查詢。

您對於上水餐廳「吞餃旺」有何 comment？

吞餃旺餐廳詳細資料：

• 吞餃旺地址:
  上水馬會道176號地舖
  吞餃旺, G/ F,176 Jockey Club Road, Sheung Shui
• 吞餃旺電話: 23666841
• 吞餃旺價錢: $50以下
• 分類: 滬菜, 上海, 京川滬, 雲吞, 餃子, 中菜館
• 座位: 未知
• 付款: 現金
• FB專頁: 吞餃旺 Facebook

更多吞餃旺相關資料:

• 吞餃旺分店
• Youtube
• Facebook
• Twitter
• Google