串 上水

串 評價 相片

之前係屯門食過呢間野係好OK的,不過屯門那間已結業,今晚係上水見到呢間唔須要等位,店內環境都OK,店舖入面又無咩人,決定坐低食下,點知一坐低,茶都無一杯,要同服務員講左2次佢先比你,成間店只見到2位店員做野,來左頭一轉野食之後,等左半個鐘以上都再無野食,當然我有向店員投訴等左好耐都未有食物,當晚只有4桌的客人,但係真係唔明白點解要等咁耐,呢餐飯跟本就係得一個等字,每位$188加10%服務費,(限時2個鐘),等的時間多過食,收左加一服務費,但係服務去左邊呢?整體食物一般,不過真的等得太耐.

放左學, 同媽媽2人出街食佢想食日本野, 串燒之類, 所以去左試呢間(之前已經試過汁邊個間金水) 唉, 媽媽入左去坐先, 我入到去已經覺得中伏!原來間野係放题...... 點會少人到咁嫁 計埋我都係得3台, 有種好極都好限既感覺員工;;好似有2至3人, 我覺得已經多到不得了, 我相信我一個人已經可以做曬入客, 收碟, 落單, 出餐, 埋單既工作如果入滿曬所有客, 2個人做野都好夠服務;;好特別, 好似經理(? 入客同埋單果個人係門口玩CANDY CRUSH收碟同 出餐既姨姨態度好好, 笑容滿面。

不過唔明白, 都係得3台, 都可以落錯台!!!得3台都可以落錯order, er..... 都幾勁...食物;;刺身;;細細件, 係正常既大小一開三。

不過都算新鮮, 唯有叫多幾件。

see! 好細件!壽司;;唔特別, 可以唔叫tim啊! 竟然有魚生飯叫囉! 放題wo _沙律有4款..和食;; 一品料理既鍋都算大, 2人叫1個鍋好夠..豬軟骨幾好味, 夠淋同好濃味炸物;;炸帶子係一般既急凍帶子, 無口感無味(正常)炸蠔, 哈哈哈, 普普通通`, 不過本人最鐘意食, 好彩舊蠔無縮水!!!蕃薯同日本南瓜天婦羅都好好食!!! 不得不試*****炸粉份量岩岩好, 唔會太厚而飽, 不過天婦羅汁比得少, 叫一盤又係得一碟仔, 叫一件又係黎一碟, 應該要因應份量俾嘛!鐵板燒;;因為飽飽地, 所以叫唔多...炒野菜, 好正常既多油帆立貝, 我覺得ok啦~ 不過媽咪話唔新鮮`串燒;; 間野主打串燒, 果然串燒算係最好味既!雞骨腸, 真係好好食, 不過嫌佢咸(好濃味)左d雞腎, "un"玉子燒, 係最好味既!!!! 好甜~ 我超鐘意食, 濃味都唔怕茄子翠玉瓜 < 推薦仲有蕃茄燒得岩岩好, 好多汁仲要濃縮左, 唔酸, 甜甜地甜品;;只可以一人一杯雀巢雪糕ps. 不過真係唔抵, 食左最貴時段, 好似$168加一, 食旺角放題好過......

當日同男友去完街,6點到了這間北區放題在門外看見了收費很有兩個不同既收費入到去見到得4張放題既落單紙而食物款式太少,點了魚生,燒物....魚生入口個感覺像剛剛從冰箱拿出來當中最離譜是芝士三文魚塊芝士根本就未溶,而三文魚就沒有味道所有的燒物都係得燒汁味,玉子真係好難食,吐了出來整體來說從來未食過咁難食既放題.己中伏了,情願去旺角食還好,覺得只有這次再沒有下次

因為今日去左上水行街見呢間野開左都有一段時間,21:00後又有特價咪試下囉點知一試就瀨野啦入位後,又冇人(針)茶,要叫侍應要茶,佢先俾你,雖然我知佢地係人手不足,但你地有收加一服務費家d服務去左邊呢?d三文魚刺身味道一般,但我地落10件,佢出3件,仲要細到係一開二囉=.=真係細到,手指尾都長過佢 個碟就好大啦仲要有一件係黑黑地,好似變壞左咁之後食左幾件天婦羅,味道一般鐵板多春魚,好硬就一直等,冇野再上囉,坐左40分鐘先有第二round野食上檯,但呢間得20張檯,全場都係得十檯客,有咩理由耐成咁呀其他檯好多都係冇野食,又或者得少少野食,齊齊等,呢間野真係dum波鐘,不過冇人好似我地咁要等成40分鐘囉我男朋友話真係會放題都食唔飽囉第二round我地落刺身就唔黎落壽司佢係會俾你,d魷魚真係韌到咬唔開 搞到要吐番出黎=.=不過當我食左一件先知,原來係呢碟壽司係隔離檯o既因為呢碟先係我地o既但好多三文魚壽司o既三文魚都係勁細囉去爭x買外賣d三文魚都大d囉冇味的燒栗米好明顯是烚熟d栗米,再塗d牛油上去=.=勁韌的鐵板牛粒,韌到似橡筋,咬唔開,仲要好多都係未熟,有血水last call佢問我地仲有冇野未黎,好多張檯d人都話,好多野都未黎囉經過今次之後,我永遠都唔會再幫襯呢間野比起松x,五月x,仲要差真係沒有最差,只有更差甚少打食評,但呢間真係唔打唔得希望少d人中招啦

和媽媽到石湖墟街市二樓買牛仔褲及大褸後，便去吃飯。

因為我們昨日和三姨、三姨丈及叔叔已做了節，所以，我們母女便自己做冬去。

剛剛我的六千元已來到，便決定吃日本放題，我們想起這間有日式放題，放是便試試。

我們叫了好多東西：三文魚及吞拿魚刺身－細細塊，好好味牛肉粒鐵板燒－好好味，半生熟，不錯！地獄海鮮烏冬－好正．但辣些就更好味！蝦串燒－好好味，大隻更好！煙肉車厘茄卷、燒脆瓜及洋蔥串燒－不錯！而煙肉夾車厘茄，好新鮮！好得意薄燒牛肉－好好味，好多蒜片及蔥粒，好香！凡納貝及魚鐵板燒，不錯，好好味！清酒煮蜆－好好味，好新鮮！大蝦天婦羅－好正呀！最後媽媽再次叫三文魚及吞拿魚刺身！不過，我唔記得叫溫泉蛋！服務不錯呀，不像其他人話得這麼差！

串餐單提供日本菜, 壽司, 刺身, 串燒, 串燒店等推介美食位於上水區，餐廳座位數未知人均消費約$101-200，結賬可以用現金。

您對於上水餐廳「串」有何 comment？

串餐廳詳細資料：

• 串地址:
  上水上水中心2077D-H
  Kushi,  
• 串電話:  
• 串價錢: $101-200
• 分類: 日本菜, 壽司, 刺身, 串燒, 串燒店
• 座位: 未知
• 付款: 現金
• FB專頁: 串 Facebook

更多串相關資料:

• 串分店
• Youtube
• Facebook
• Twitter
• Google