上海小廚 上水

上海小廚 評價 相片

嚟上水探完朋友, 上左嚟街市熟食檔食個便飯, 揀左呢檔標榜即叫即炒嘅上海嘢嘢食未到先黎個例湯。

我對湯嘅要求比較高, 呢個...係大排檔典型例湯嘅質素, 大家明啦試下味就算啦好!!!focus返落D食物度啦鱔糊炒麵果然係即叫即炒, 嚟到熱辣辣, 個麵底仲煎到脆卜卜, 賣相極為吸引 原諒我🙈忍唔住即刻開餐, 食到一半先補影返相俾大家睇😅個炒麵相當足料, 黃鱔食極都重有芡汁就略嫌多咗啲, 有點咸。

雖然我平時都唔太鐘意食濃味野, 但呢個炒麵相當惹味, 好受落

晏就唔知食咩同屋企人去街市搵野食發現間好抵食既上海菜講真街市唔可以expect衛生好好但勝在真係好抵食3040蚊有個小炒仲配埋飯想點嗌左個梅菜蒸鯇魚配菜飯 ($35)鯇魚好滑好嫩 下面仲搭多幾條菜個飯好大一碗 男人都食得飽仲嗌左個菠蘿生炒骨配白飯($33)酸酸甜甜好開胃d豬扒好淋好好味 老人家食都完全無問題舊舊都雖然細細舊咁 不過都好似有成78舊晏就黎講真係算好足料！btw 一坐低姐姐仲即刻比碗湯你係平民食飽之選！

呢排lunch都跟同事出去食~石湖墟街市入面唯一一間嘅上海野同事好中意食，而我呢就中意酸辣湯同菜飯是日餐單有茄子魚腩，好魚嘅我揀了它熱檸水跟酸辣湯先上酸辣湯好足料 香菇絲 豆腐絲 木耳絲 雞肉絲 5太辣 幾酸 5算重味精熱檸水夠新鮮 不澀至於菜飯及茄子魚腩，茄子煮得好淋好入味，炆得好香啲炸魚腩主要大骨細骨較少，方便食用，又夠滑幾鮮，打埋個汁，炸粉5係好多，脆脆地再加埋個醬，入味到不得了！菜飯反而有點失望，同事笑言說菜貴了，所以飯比菜多 菜粒可以再碎啲，多啲菜就好

已經到了一個不知廉恥的地步2014年5月25日，今天下午我和女友因為懶得出大埔，所以在上水石湖墟巿政大廈的熟食中心找東西吃，最後女友在這家上海小廚叫了一個生炒骨飯。

那些生炒骨又死甜又無肉又是罐頭菠蘿，食了幾口已無胃口再食，但這些都不要緊，可以算數，最多以後唔黎，但最有問題的是那碗餐湯，菜乾豬骨湯，飲到一半就聞到有一股濃烈的酸餿味明顯是酸餿變壞的味道。

於是我就拿起湯向店家理論，好心提醒他們，說他們的餐湯變壞了，怎料阿姐死口唔認，話"我唔會聞架，我地加左蘿蔔，係有股酸味架喇。

"當然她絕對說服不了我們，飲了幾十年菜乾湯，你真是當我們傻的嗎？只有祈求自己好彩唔會肚痛。

點知回到家幾小時後我們就雙雙肚痛腹瀉……當然我地以後永遠唔會再幫襯，亦提醒大家小心此店，免得重蹈我們的不幸……我們已向食環署及衛生署作出正式投訴。

如不是平日在這邊上班，都不會特意來到這邊，更莫說會在這邊吃飯了﹗不過，可能本人心內存着一些懷舊的情懷，而且又特別愛好上海菜，故此特意邀請友人到此共進晚餐 可能因為平日都只會於午市時光顧，所以並沒有留意到原來這小店竟然是有兩層的，而今天被編排坐在閣樓內，反而感受到一份寧靜感。

基本上，我和友人一坐下便二話不說地拿着餐牌商討所叫菜式，最後選出銀絲卷、雞絲粉皮及上海炒年糕。

銀絲卷味道不俗，新鮮炸起，入口不會過份油膩雞絲粉皮，無本人預期中好，雞的切法非絲狀，青瓜亦切得不夠幼細，而且青瓜中過多的水份未被弄走就加入雞絲，以至醬汁過稀，美咪程度大大減退，連我這個平日最愛食雞絲粉皮的人都卻步了上海炒年糕，味道一般，年糕的質感不一致，有些熟透度不足，以致入口較粉，而且有些年糕與年糕之間黏結在一起，醬汁味能均勻分佈於每件人糕上，亦較為令人感到失望。

可能因為太多人光顧的原故，所以質素較午飯時段稍有參差，以後都是光顧午市好了﹗

上海小廚餐單提供滬菜, 上海, 大牌檔等推介美食位於上水區，餐廳座位數未知人均消費約$50以下，結賬可以用現金，Booking訂位可以電話致電 26399112 查詢。

您對於上水餐廳「上海小廚」有何 comment？

上海小廚餐廳詳細資料：

• 上海小廚地址:
  上水石湖墟市政大廈2樓
  上海小廚, 2/ F, Shek Wu Hui Municipal Services Building, Sheung Shui
• 上海小廚電話: 26399112
• 上海小廚價錢: $50以下
• 分類: 滬菜, 上海, 大牌檔
• 座位: 未知
• 付款: 現金
• FB專頁: 上海小廚 Facebook

更多上海小廚相關資料:

• 上海小廚分店
• Youtube
• Facebook
• Twitter
• Google