Cafe memoria 上水

Cafe memoria 評價 相片

天氣熱，求期入左間cafe坐下點一杯咖啡休息下都係例牌，coffee latte 冇乜人，唔知點解等好耐大約10分鐘先上台個拉花真係唔靚，係波、心定花？我個人分唔到試下個味先好淡，好似飲緊奶，重要係暖奶，個人認為打奶既溫度控制得唔係咁好，可以熱多少少咖啡味不足可能係豆既選擇問題，重有，我個鼻聞唔到咖啡香味成杯咖啡我冇一樣野有好感其實可能係個人主觀或者口味問題，請繼續努力

之前睇openrice, 比佢嘅拉花咖啡吸引左黎呢度，一場來到上水，就入黎嘆杯咖啡。

點左杯flat white, 另外加左件士多啤梨蛋糕，因為下午茶時間，話tea set 收$50，無留意flat whitew原價幾錢，但蛋糕就話要$30， 感覺tea set 真係好扺。

另外，見餐牌上有個凱撒沙律（亦係唯一一個沙律），才$30，外面餐廳平平地都要六七十蚊，雖然小店，但也不至成本價賣，所以估都唔會大碟。

第一點碟到嘅居然係蛋糕，無諗過我點左沙律，佢都會上蛋糕先。

我都思考過要唔要食蛋糕先，或者叫雪返先。

但到最後我無叫佢雪返，只係留待我食完沙律再食佢。

呢啲細心位無做都算，原諒佢係小店，同埋個侍應該係後生女，唔識呢啲野。

第二樣黎嘅係沙律，但一上枱就超級勁失望，凱撒沙律居然係用普通生菜，仲要無煙肉同芝士粉。

啲生菜仲要有少少黑，簡直大失所望。

沙律醬一食就知係極普通嘅沙律醬，而麵包粒仲要有油益味。

極不甘心咁向侍應確認沙律醬係普通沙律醬以及係普通生菜，雖然侍應完全唔了解凱撒沙律同普通沙律嘅分別，四周圍問同事，到最後要問到個“廚”先知，個沙律醬係普通沙律醬加左黑椒黎撈喎，同埋個生菜係用“日本生菜”喎。

我話咁即係唔係凱撒沙律啦，但佢仲唔明錯在那裡囉。

講到個咖啡，拉花叫做有人，只係再度令人失望囉，只有咖啡味，沒有咖啡香，收得原價三十幾蚊，居然有“如此這般”水準，大叫人失望。

到最後係個蛋糕，賣相簡單，味道一般，應該一般餅店，$10都買到追黎賣，佢有賺啦。

簡單黎講，唔洗指意再幫襯

上水連鎖店越開越多， 好難得先有一間半間本地小店開業， 我見呢間cafe 都開左一段時間， 諗住支持一下小店。

點知中伏。

晚餐有餐湯+多士+意粉/飯+飲品 $78餐湯同多士先上， 今晚係忌廉粟米湯。

湯比較淡同稀，多士係淋既。

之後香蒜蜆肉意粉來到， 無乜香蒜味，同埋咸左少少。

意粉表面灑左少少黑椒，我覺得佢應該問下客人要唔要黑椒先落，我覺得落太多搶晒啲味去。

最後，我叫左杯熱朱古力， 黎到係凍架！ 一啲都唔熱，真係唔知佢用咩水沖。

今次經驗真係唔係幾好。

希望小店多聽意見再作改善。

今天放早，專誠走到石湖墟cafe memoria品嚐下午茶Set。

當中的蜜糖法蘭克福腸非常美味，而且蜜糖味也重，薯條也非常脆口。

今次轉飲咖啡沙冰，雖然較為細杯，但咖啡味非常濃郁，好飲到不得了！必會再光顧！

本來唔係好想再來呢間cafe，因為d後生侍應好無禮貌，杯野飲沖到嘔吐物咁，仲要隔離台嘈到拆天，所以唔想再黎。

今次有人想黎，所以再來下。

叫左兩份晚餐套餐，有餐湯、主菜、熱飲，加$15有埋甜品。

點左野食之後，好快有餐湯（蔬菜忌廉湯）、蒜蓉多士，味道不過不失，多士就係半塊方包。

至於飲野，叫左杯latte同榛子抹茶牛奶，latte有拉下花，幾靚，不過多左d朱古力粉；抹茶牛奶既榛子味好重，抹茶份量都多，整體好甜。

而食物方面，嗌左「茄汁粟米龍利柳意粉」及「茄汁流心蛋漢堡飯」。

最滿意既係碟茄汁粟米龍利柳意粉，佢有香草、黑椒碎、芝士粉、蕃茄，好似七味粉咁，而食落都ok既！至於「茄汁流心蛋漢堡飯」以茄汁調味，青豆、粟米、蘿蔔粒作伴菜，再加上太陽蛋及漢堡扒，全都現成野無話唔好食既，個汁唔會太濃，亦唔太酸。

小結，佢既食物真係無咩特別，而飲野一般，水準超級飄忽。

Cafe memoria餐單提供西式, 咖啡店等推介美食位於上水區，餐廳座位數30人均消費約$50以下，結賬可以用現金。

您對於上水餐廳「Cafe memoria」有何 comment？

Cafe memoria餐廳詳細資料：

• Cafe memoria地址:
  上水新成路109號地下
  Cafe memoria, G/ F.,109 San Shing Avenue, Sheung Shui
• Cafe memoria電話:  
• Cafe memoria價錢: $50以下
• 分類: 西式, 咖啡店
• 座位: 30
• 付款: 現金
• FB專頁: Cafe memoria Facebook

更多Cafe memoria相關資料:

• Cafe memoria分店
• Youtube
• Facebook
• Twitter
• Google