和 and (非門市)

和 and 評價 相片

搬到香港仔兩年，一直不知道有這間 Cafe，無意間在 openrice 搵食呢間 Cafe，今日剛剛要到該大廈做野，決定抱著一試既心態，因本人很喜歡飲茶。

到達的時候已經是下午茶時間，客人不多只有一枱客人，餐廳的裝潢是以中式為主，給人一種舒適感，不過座位非常有限。

因為比較肚餓，所以沒有叫下午茶，而叫了一個午餐$117，包括了前菜，主菜，甜品及餐飲。

完餐後，個人覺得性價比不俗，下次還想再去，而且完餐後有滿足感。

上星期見得閒約朋友食下Tea之前bookmark左呢間隱世cafe朋友住附近佢話識路太好啦叫左佢帶路之前看過openrice見環境幾正野食又唔算好貴之前一直都好想搵呢d cafe可以飲下中式茶同食下小點終於都有機會來試下午茶$328兩位（每人包一杯$58飲品，過$58補差額就ok，冷熱皆可。

）下午茶由上層先食由熱食開始之後到甜點和牛漢寶牛肉好juicy好好食三文魚牛角包牛角超脆芝麻好香入面d salad dressing係「神來之筆」好清新帶出三文魚鮮味整體野食整得好出色有五星酒店級數蟹肉多士蟹肉鮮甜酥皮腸仔茶香焦糖燉蛋好滑啖啖茶香蕉糖味道剛好厚度都適中夠薄脆烏龍桂花果凍用潮州烏龍茶整的桂花果凍清甜無花果配羊奶芝士好match馬卡龍唔太甜茶香脆卷九重櫻白茶特級熟普洱職員非常之有禮貌服務超好主動幫我地影相同埋教我地點沖茶呢度環境細細地唔多人好好坐我地hae左差唔多三個鐘好relax咁過左一個下午飲啖茶看看書食下野同傾下計非常寫意呢度有好多種茶飲下次會再來試下

又到午飯嘅放飯時間，今日同事介紹咗一間喺工廠大廈入邊嘅小店，所以我哋就去試一試。

呢個小店嘅位置偏遠，所以佢哋都有做外賣，但因為我哋喺附近食lunch，就親身上門試一試。

入到去餐廳發現裝修唔錯，幾有格調。

員工服務都好親切，好有禮貌食物方面，我就order左佢當日lunch menu嘅慢煮雞胸肉配香料飯。

呢次其實係我第一次食慢煮嘅嘢，我覺得好正！首先個雞肉真係好嫩好嫩滑，其次入口嘅調味都好好，第一次食雞胸係咁嫩滑。

而個香料飯都調味調得好好，食落好香仲同雞胸好配搭沙律就無乜特別，只係餐前開胃小食總括，食物好好食，但價錢都去到100蚊，所以都算貴，大家budget多d就去試下啦

大家都知最近星期六日都好難去外面行街搵食，但係唔緊要，總會有地方去吓行吓既！好耐無寫食評既我，因為呢間食店重出post 文。

係數碼港睇完戲，個頭眾所皆知無野食，咁最近就係落香港仔搵食。

朋友仔鐘意食西野，上網search 左呢間食店，咁就膽粗粗兩個女仔去試吓。

入到去大概20個位左右，裝修清雅。

前菜/小食：雙色多士，㨂左黑松露蛋白及巴馬火腿。

即叫即整，多士香脆，黑松露味同蛋白味比例均衡，巴馬火腿底下配忌廉芝士，味道香濃，故建議先食蛋白多士先主菜：藍帶雞胸。

雞胸不鞋口，外面麵包糠外層烤烘香口，切開裡面有芝士火腿，芝士不算漏蜜糖烤豬手：呢個一定要推，如果你只叫一個主菜，我會推介你叫呢個。

佢個皮係我食咁多烤豬手黎講最有驚喜，其他咩德國豬手無得同佢比。

佢個外皮酥脆既口感令人驚喜，入口易化又脆但不會過乾，加返蜜糖既甜中和肉既鹹味，皮食落一d都唔覺肥，至於豬肉有肉汁同入哂味，真係無得輸👏🏼👏🏼👏🏼*主菜如無註明配菜，則配有沙律菜🥗飲品：海鹽芝士奶蓋白茶💕：我見其他食評都盛讚佢個芝士奶蓋，果然名不虛傳。

小店果然用心，係飲之前佢會教你點飲。

佢個芝士奶蓋香濃夾滑，鐘意芝士既朋友不能不試玫瑰荔枝伯爵茶：玫瑰荔枝香味四溢，可惜就係蓋過左伯爵茶味，如果能夠平衡返會好d雖然價錢唔算平，我地兩個👭咁樣就食左$420，但係感覺良好，店家用心製作，會翻兜。

下次會試佢個牛，因為見好多人都推薦。

同埋試佢個茶凍甜品。

睇其他食評話佢主理人其中之一是茶藝師，希望天氣涼d,我想飲佢既熱茶。

此終我個人認為一杯好既咖啡同茶係要飲熱既。

週末隨友人造訪了一間隱秘工廈西菜「和 and」。

餐廳位於香港仔一幢工廈內，沒有特別的招牌推廣，十分隱秘。

推開大門，餐廳內部格局一目了然，約有三十個座位。

牆上的掛飾擺設大都與茶品有關，很容易令人聯想到餐廳亦是一間茶店。

翻看餐牌，其中一本全是茶品，中西款式皆有。

小編要了一杯「亞熱帶水果拼盤鳳凰」，以烏龍茶作底，並配上多款水果。

茶品冰涼清新，清熱消膩，很適合炎熱的夏季飲用。

「牛油蒜蓉包」及「雙色多士 (黑松露炒蛋 & 軟芝士醬火腿)」是最先送上的小品。

個人覺得蒜蓉包製作略為硬身；軟芝士醬火腿多士則軟硬並重，鹹香可口。

「煎安格斯肩胛牛小排伴炒雜菇 • 燒新薯」所用上的肩胛牛小排約煎煮至五成熟，切面呈酒紅色，肉味濃香，並帶少量肉汁。

牛小排油脂含量均勻，有助顯現出一份鬆軟的口感。

大盤「燒烤汁燒豬肋骨」出品鬆軟入味。

相比坊間同款美食醬汁味道不會過濃過搶，讚！炸品「法國藍帶雞扒 (車打芝士) 伴沙律」雖然外觀上火，但真實食感又沒有如預期般邪惡。

放刀切開雞扒，能清晰望見流心芝士溢出，實為芝士控所愛。

雞扒金衣薄中帶脆。

雞肉雖談不上很嫩，但以炸點而言算是做得不錯。

「蜜糖烤豬手伴沙律」同屬香口之作，豬皮卜卜脆，與面上蜜糖的味道十分配合。

吃這道菜一定要趁熱吃，否則豬皮失脆失分效果差很遠。

「雙重芝士芝心漢堡配薯條」為小朋友而設，淺嚐了一小件未予人驚喜，評價持平。

主食前後三款，奈何小編胃納有限，只品嚐了其中一款。

「香草茄醬大蝦意大利麵」用上一只巨型大蝦，蝦肉緊實味鮮。

所用上的香草茄醬比一般同款菜式為酸，並帶一點辣勁，為味蕾帶來一定刺激。

香港仔的西菜餐廳選擇不多，這間「和 and」在各分面包括食品、環境、服務等細項皆予小編不俗印象，有機會會再來品茶品味。

和 and餐單提供多國菜, 樓上cafe, 茶館等推介美食位於(非門市)區，餐廳座位數未知人均消費約$51-100，結賬可以用現金，Booking訂位可以電話致電 35945768 查詢。

您對於(非門市)餐廳「和 and」有何 comment？

和 and餐廳詳細資料：

• 和 and地址:
  (非門市)
  和 and,  
• 和 and電話: 35945768
• 和 and價錢: $51-100
• 分類: 多國菜, 樓上cafe, 茶館
• 座位: 未知
• 付款: 現金
• FB專頁: 和 and Facebook

更多和 and相關資料:

• 和 and分店
• Youtube
• Facebook
• Twitter
• Google