牛奶冰室 銅鑼灣

牛奶冰室 評價 相片

5/7 經牛奶冰室個網訂餐，信用卡俾錢，留左電話號碼，俾完錢只顯示「此訂單的付款已經收妥」，然後乜都冇，冇單no.冇sms落鋪同返職員A講返個情況職員A就搵左B黎我：上網訂左餐，冇收到訂單號碼，我應該點做職員B指住佢部機：呢到冇單出姐係冇，姐係個交易唔成功我：但又顯示收左錢？B：我呢到冇就冇我：下？B就停左一兩秒見我冇反應就服侍其他客人我就入個我銀行apps見到我張卡都有過到數我再搵返B:我張卡都收左錢B就問廚房：第一句有冇呢張單，第二句快啲出返個餐然後佢冇再同我講野就走左隔左陣我拎到我要既野仲發現上面有張單開頭心諗真係有效率，冇收到單都出返張單俾我咁岩我online訂野見到凍檸有得揀多檸我再睇返張單，上面有寫晒我要既野心諗：姐係本身有單啦，開頭check都唔check指住部機話冇就諗住耍走我你忙你有生意唔爭在我幾廿蚊

都算係佢嘅常客，去過四、五次，當然有嘢好有嘢唔好，但係睇到佢係用心做，加油！今次要出聲：點解早餐反蛋：要落豉油，同勁多油？🤨生煎豬扒湯伊麵，今日啲湯同豬扒喊都食唔落☹️（上個月食好好味）服務人員雖然超忙 但有耐心，算有禮貌👍🏻初開張，自助滾水有浸水喉味，現已改善👍🏻早期開張，食咗 咖喱牛肋條飯，送到嚟係凍嘅，相信係人手唔夠，但係個味係好味 😐奶茶、咖啡可以再做好啲 💪🏻出爐麵包，有特色，好味 😋茶記冇乜影相，唔好意思。

剩係得張 好味滑蛋包 相

一個月前覺得不得了一個月以來都一直幫襯，但食物份量，質素都急降，人手不足，基本上每次都漏單，您覺得我阻您位時，我都等您隻蛋。

所有食物根本同一個月之前分別太大了。

。

失望。

。

都話越多分店就越伏。

。

最後都只有一個結局

叫咗個鐵板牛扒，真係熱辣辣上，牛扒都好厚，$100多D食到咁嘅質素牛扒都算好抵👍加上煎香左嘅薯仔，全部都好香好好味，跟餐有兩片蒜蓉包，加一碗忌廉蘑菇湯，蒜蓉包真係即時焗過，好香脆，仲要有兩片，所以要新鮮熱辣辣食，如果放得來就會冇咁脆，忌廉蘑菇湯就普普通通啦～我自己加D胡椒粉嚟調香，餐飲我哋叫咗個牛奶紅豆冰真係唔錯，唔似一般茶餐廳好似用牛奶水做，又好甜，佢呢杯牛奶都好香正常甜度，餐廳環境都唔錯，唔會好迫，清潔都好乾淨，餐廳可以用手機落單好方便，我哋叫咗個咖喱牛腩飯，食完唔記得影相，咖喱有少少辣唔錯👍牛腩粒份量都唔少，再加咗幾嚿薯仔，咖喱汁香辣好好味，但係太少唔夠撈飯哈哈

見佢新開，今朝諗住嚟食返個早餐，點知就出事。

點完餐阿姐喺對面執枱跣手，畀佢d湯彈到我一褲一腳都係。

d樓面就淨係識畀紙我抹同我道歉。

如果係醒目既，應該即刻請我坐開第二個位，一來容易清理現場，二來我又可以減少尷尬。

而家咁早，褲又買唔到，黐粒粒又一陣味，好嬲呀

牛奶冰室餐單提供港式, 茶餐廳, 冰室等推介美食位於銅鑼灣區，餐廳座位數未知人均消費約$51-100，結賬可以用AlipayHK,支付寶,現金,八達通，Booking訂位可以電話致電 26312347 查詢。

您對於銅鑼灣餐廳「牛奶冰室」有何 comment？

牛奶冰室餐廳詳細資料：

• 牛奶冰室地址:
  銅鑼灣駱克道463-483號銅鑼灣廣場二期地下G04號舖
  Milk Cafe, Shop G04, G/ F, Causeway Bay Plaza2,463-483 Lockhart Road, Causeway Bay
• 牛奶冰室電話: 26312347
• 牛奶冰室價錢: $51-100
• 分類: 港式, 茶餐廳, 冰室
• 座位: 未知
• 付款: AlipayHK,支付寶,現金,八達通
• FB專頁: 牛奶冰室 Facebook

更多牛奶冰室相關資料:

• 牛奶冰室分店
• Youtube
• Facebook
• Twitter
• Google