滿記甜品 銅鑼灣

滿記甜品 評價 相片

病左好一排,待到復活節,終於好番好多~松鼠公為慶祝我"復活"了,尋晚飯後,帶了我去滿記食我的最愛甜品!!雖然因為假期,等位等得耐d,但今次黎有驚喜wor!!唔知係咪做緊復活節推廣定有新品推出!依家買杏仁蛋白或富貴蛋白,送雞蛋布甸!!個雞蛋布甸賣相勁可愛,有埋原隻雞蛋殼盛釁載布甸的!!復活節緊係食復活蛋啦!!! 哈哈哈哈~~所以即刻order左個杏仁蛋白連雞蛋布甸~個布甸味道雖然唔算特別,但勝在夠滑同埋唔會太甜太漏~都ok好味~個杏仁蛋白反而值得一讚!蛋白滑溜,淡侵奶香,配上香濃的杏仁茶,簡化係"極致絕配"呢~~!!

喺隔離食完壽司,行左陣,就去左食甜品~~天氣突然間熱左咁多,要食返啲凍野中和番~~首先要叫個芒果班戟食下先~~好鐘意食呢種甜品,因為有大大舊芒果做餡之外,佢啲cream 又唔會好甜,食完唔會有heavy感覺!!之後又叫左榴槤班戟,,哈哈~~又係班戟~~不過真係好食,不愧係招牌食品,榴槤餡好足料,好香濃!!食之前都有啲抗拒,唔敢食,但食左後就會再想食第二件!!最後就order 左楊枝金露~~一貫嘅好食,因為好香芒果味~兩個人order三份甜品,好飽,但係好滿足~~今日真係好開心,因為食到好多野同好好食~~

今次都唔係第一次食滿記次次同fd諗唔到食咩甜品個陣總有一間滿記係附近不過呢間就係第一次黎食d座位都算舒適我同個fd都係榴槤愛好者...一坐低望住個menu就focus左係榴槤既野食度...跟住叫左個榴槤芭菲同埋個咩白雪榴槤叫完好快就有得食...一見即影低未食前個靚樣食落兩樣都幾重榴槤味好正不過個芭菲就屬於係creamy d個種...咬落去啖啖都係榴槤味share一人一件都已經覺得夠我個人就鐘意另外個個多d..因為除左榴槤仲有綠茶雪榚同埋西米露食下...無咁重口味同埋層次感覺都多d...而且唔會話食落太滯不過整體黎講兩個都ok既~~如果想食榴槤, 滿記絕對係我同我個fd頭三名既選擇

11月2日, 食完細份量嘅一風堂, 當然唔夠飽, 周圍又要搵甜品食~ 剛好身上有張滿記嘅coupon, 就嚟到世貿嘅滿記. 只係8點幾, 所以都未係好多人~::: 雪山紅豆涼粉 ::: $25大堆頭嘅甜品~ 雪山即係雲呢拿雪糕, 下面係紅豆沙加涼粉. 雪糕夠凍, 就咁食好味, 等佢慢慢溶化撈入紅豆沙入面又係令一種味道~ 紅豆沙甜度適中, 微微起沙, 溝少少雪糕又帶番d奶味~ 兩樣野味道好夾! 涼粉就夠爽口, 同紅豆沙一齊食口感又更豐富~::: 糖不甩 ::: 我地張coupon係送糖不甩, 平時好似食糖不甩感覺唔係太抵, 但係呀比實在都幾鐘意食, 所以呢個免費嘅都幾合我地意~ 有6粒, 味道夠晒甜, 咬落好煙韌, 加埋d花生粒, 好有咬口, 唔錯~ 只係碗底油都唔少, 如果乾爽番少少就好喇~滿記嘅甜品種類好似冇其他連鎖甜品店咁多, 不外乎都只係傳統中式甜品比較好食,不過呢個雪山都算唔錯~ 另外佢嘅地方夠大, 坐得幾舒服, 唔係太多人可以慢慢食~

朋友將要去歐遊兩個月，臨行前陪佢買野食，買到夜晚10點幾，為左慰勞我要請我食糖水hooohoooo!!!!我上次係西貢食過唔記得榴槤咩多咩，大愛ar!!!今次再encore榴槤，不過係食榴槤pancake。

。

想不到呢到gei pancke cream不太甜、榴槤味濃郁、綠色的外表很特別好好好好好好好好味arrrr....畢竟過左夏天，好耐都未食過榴槤..e+真係回味無窮朋友又叫左楊枝甘露，由於本人對酸酸的柚子不太有興趣，食左一兩啖就無食luu..但朋友話佢每次黎都係食呢個，對佢黎講呢碗有10個讚我都叫左紅豆沙食，無咩特別，一般紅豆沙的味道有一個似係新黎gei員工好好ar....同我地講食滿50蚊去拎coupon可以有糖不甩送。

。

但係我同我個fd實在係太飽喇，所以無要到....下次多d人去一定要記住有呢個優惠！

滿記甜品餐單提供港式, 甜品, 糖水, 中式糖水等推介美食位於銅鑼灣區，餐廳座位數未知人均消費約$50以下，結賬可以用現金。

您對於銅鑼灣餐廳「滿記甜品」有何 comment？

滿記甜品餐廳詳細資料：

• 滿記甜品地址:
  銅鑼灣告士打道280號世貿中心3樓P303號舖
  Honeymoon Dessert, Shop P303, Podium3, World Trade Centre,280 Gloucester Road, Causeway Bay
• 滿記甜品電話:  
• 滿記甜品價錢: $50以下
• 分類: 港式, 甜品, 糖水, 中式糖水
• 座位: 未知
• 付款: 現金
• FB專頁: 滿記甜品 Facebook

更多滿記甜品相關資料:

• 滿記甜品分店
• Youtube
• Facebook
• Twitter
• Google