歇腳亭 銅鑼灣

歇腳亭 評價 相片

今天於下午五點半想嘗試一杯厚黑糖飲品, 飲料店員說已經售罄…… 於是叫咗香芋飲品, 售賣期間四眼女店員十分沒有禮貌掛住講電話, 等嘅期間已經大约有8至9個order已在處理, 所有客人正在門外等待, 等咗15分鐘仍未完成, 怎料店員朋友來臨,一面聊天一面order飲品,亦未見有收費~ 再等了大約八分鐘,做好的飲品竟然是店員嘅朋友而並非客人! 飲品出奇地是厚黑糖飲品！令人摸不著頭腦...…… 一杯飲品需要等待25分鐘,店員有沒有禮貌,味道又不是特別討好,發誓以後也不去這店光顧！

話說我尋日經過銅鑼灣.諗住買杯珍珠奶茶.荃灣買開18蚊.佢個menu就寫住19蚊.當我落單嘅時候佢問我要鮮奶定奶粉.我話要平時嗰隻.跟住佢話即係鮮奶.跟住佢就話27蚊.我話下普通珍珠奶茶喎.跟住佢話係呀27蚊呀.我問佢點解嘅.跟住佢就話19蚊.之後我聽到其他買嘢飲過啲人.買完之後都話點解27蚊咁貴.我真係o曬嘴.以後我都係幫襯返荃灣嗰間好過.

芝士奶蓋最近係臺式飲品店掀起一陣風潮，差不多各大型連鎖臺式飲品鋪都會買到，今日行經銅鑼灣時代廣場對面的<歇腳亭>。

天氣再凍都要飲！店鋪位於時代廣場大鐘對面，小食檔和藥房隔籬，其實嗰條路有幾逼有幾狹窄大家都好清楚，再加上鋪頭自己伸咗一個工作臺出來令條路窄上加窄，喺度等真係逼到隨時唔俾人撞死都會俾拉喼碌到腳趾講返個芝士奶蓋系列，有鐵觀音，綠茶和紅茶三種茶類，全部定價$30，定價合乎市價。

喺條咁逼咁窄嘅路等十分鐘真係好難捱，終於都捱到杯嘢到手。

雖然到而家我都唔明一樣嘢，奶蓋應該係一早整好，茶飲落應該係冇糖嘅，我都唔明點解我順口講話小糖佢又真係照打單然後少到俾我。

最唔明嘅係，點解咁簡單嘅嘢連同另外一杯正常嘅珍珠奶茶要等成十分鐘咁耐。

講返杯茶先，其實個芝士奶蓋係好味嘅，分量亦都合理，但係就久唔久會飲到一粒粒未完全攪勻嘅奶蓋粒，公平地說唔係粉粒，所以我估佢應該係由好杰好杰嘅奶蓋濃漿再加水開成。

下層的茶亦夠濃味夠甘香。

其實收銀嘅服務態度同埋要等咁耐真係令到服務分好低，幸好飲品質素挽回不少分數，屬ok水平，會有下次幫襯。

今日要去銅鑼灣返工所以我早左出門口，見仲未夠鐘就行陣街先返公司。

明明已經十二月，早幾日仲係寒風刺骨，但今日就熱到我背脊出汗。

我忍唔住走左去Sharetea歇腳亭買杯凍飲cool down下！佢地貌似剛開鋪所以冇散紙，我比一百蚊紙都話冇得找！好在我有香港人手中必備一張嘅八達通可以比錢XD我叫左大杯裝蜂蜜蘆薈冰茶（$18）但唔知點解飲落有d唔係蘆薈質感嘅物體，好奇怪！味道亦比佢新開張嘅時候淡，冇飲咁耐原來質素下滑左咁多！呢杯我飲左一半左右就掉左，唔會再飲要bad list！

五點幾想飲小小野。

見到歇腳亭就試下。

因為平時都係飲其他連鎖店既。

本來想叫仙草凍奶茶（$19 大）但當店員問完我朋友要鮮奶定其他，而我朋友話鮮奶之後，就變左$27，單上面寫既就變左「紅茶拿鐵加仙草」我無再專登問點解。

朋友就覺得應該係轉左鮮奶既關係。

朋友叫左double 全家QQ 奶。

結果原來就係有珍珠、寒天、椰果.... 乜都有咁樣。

講真，唔知係心理作用定係乜野。

轉左鮮奶後硬係覺得好甜咁樣！仙草唔算多！所以應該會試第二次囉。

歇腳亭餐單提供台灣菜, 台式飲品等推介美食位於銅鑼灣區，餐廳座位數未知人均消費約$50以下，結賬可以用現金。

您對於銅鑼灣餐廳「歇腳亭」有何 comment？

歇腳亭餐廳詳細資料：

• 歇腳亭地址:
  銅鑼灣謝斐道518號渣菲大廈地下A舖
  Sharetea, Shop A, G/ F, Jaffe Building,518 Jaffe Road, Causeway Bay
• 歇腳亭電話:  
• 歇腳亭價錢: $50以下
• 分類: 台灣菜, 台式飲品
• 座位: 未知
• 付款: 現金
• FB專頁: 歇腳亭 Facebook

更多歇腳亭相關資料:

• 歇腳亭分店
• Youtube
• Facebook
• Twitter
• Google