Peek-A-Poke 銅鑼灣

Peek-A-Poke 評價 相片

由於我好鍾意行銅鑼灣食希雲街既美食, 今次話說與朋同行, 行行下念緊想食乜, 之後朋友就話不如食呢間, 我第一次入呢類店, 感覺好舒服好特別, 但因為太多野都想食, 最後念左好耐點左⬇▼▼▼▼▼▼▼▼▼▼▼【夏威夷風味$(88) + 牛油果$(10) = $(98)】（刺身吞拿魚 新鮮海帶芽．紫洋蔥．蟹子．鰹魚醬油）新鮮的海帶芽本身就帶有濃厚的鮮味與海味, 紫洋蔥能起到降脂、降膽固醇、降低血粘稠度，對心血管好處多多, 做涼拌係不錯選釋, 鰹魚醬油拎去配飯, 美味更上一層樓👍🏻▼▼▼▼▼▼▼▼▼▼▼【吖嘻先生 + 蟹柳$(10) = $(98)】（刺身吞拿魚 枝豆．香菇．青蔥．山葵乳酪醬）其實有好多扮工嘅朋友仔唔想飯氣攻心恰眼訓, 午餐索性食少少飯就算, 咁不如試下呢款一半沙律, 一半醋飯, 再加上枝豆、香菇、青蔥同山葵乳酪醬, 感覺就更加輕盈健康！吞拿魚瘦得黎嫰滑, 枝豆同香菇新鮮又爽脆, 至於山葵乳酪醬, 微酸中帶少少刺激感, 同魚生同配料味道都好夾！▼▼▼▼▼▼▼▼▼▼▼【炸蕃薯條 $(28)】即叫即炸嘅蕃薯條, 第一啖食落帶少少鹹味同紫菜香, 再咬落去就食到軟熟兼帶天然甜味嘅蕃薯肉, 加埋咁有份量嘅厚切, 口感一流！👍▼▼▼▼▼▼▼▼▼▼▼ P.S. 無加一服務費,環境好舒適✨材料新鮮☺絕對會再返黎食！

平安夜前夕約了友人到銅記食飯，未諗到食咩，上網睇下自己bookmark過的餐廳先，搵到一間有特色的店子，主打夏威夷蓋飯(poke)，自選材料及配料的刺身飯，自由之丼，一於試下。

放工7點多時段，已經好多人等位，留名等位。

等待時候可睇下個自選menu，等了約20分鐘有位。

小小的店子，簡約風格，牆上掛有木槳，令人聯想到夏威夷的水上活動，另一面的玻璃窗及白色牆身更為觸目，良心小店，木系枱椅，暖色的燈光感覺柔和，有relax之感。

適逢聖誕有佈置。

除了蓋飯，仲有小食及飲品。

餐牌，一款主菜，三款配料，自由配搭都幾多選擇，先付款，之後埋位叫號等食。

三文魚(普通)，$88，壽司飯+沙律菜，配料:有枝豆仁、蟹子、香菇，醬汁:山葵乳酪醬，調味:紫菜絲及木魚絲，另加升級配料:鮮蟹肉，$8。

份量豐富的蓋飯，切粒的三文魚、鮮蟹肉及蟹子夠鮮味，沙律菜清爽，食落鮮甜又清新，加上多款配料，每啖都口感十足，味道不俗呢。

三文魚(普通)，$88，壽司飯+沙律菜，配料:有枝豆仁、蟹子、豆腐，醬汁:山葵乳酪醬，調味:紫菜絲、2木魚絲及果仁，另加升級配料:鮮蟹肉，$8，友人的。

黃金蟹棒，$35，香脆鮮味。

食物味道不俗，價格合理，支持良心小店。

飯後周圍行，見到呢個聖誕佈置，有替月行道之感..................。

💡咩係 𝒫𝑜𝓀𝑒❓夏威夷話裡 𝒫𝑜𝓀𝑒 係「切塊」嘅意思，早期夏威夷漁民會將小珊瑚魚切成細塊狀製作成生魚片，配搭佐料（例如海鹽、海藻）在一起生食～🔅除咗叫佢嘅 signature bowl，我地仲可以按自己口味去客製化專屬自己嘅 𝒫𝑜𝓀𝑒 𝐵𝑜𝓌𝓁 ☺️自選 𝒫𝑜𝓀𝑒 𝐵𝑜𝓌𝓁 （$98）🔸主料：三文魚🔸跟：珍珠糙飯 + 沙律菜🔸配料：豆腐、蟹籽、香菇🔸醬汁：山葵乳酪醬🔸調味料：紫菜絲、芝麻、木魚絲、果仁、辣椒碎、脆蒜片🔅佢呢個 𝒫𝑜𝓀𝑒 𝐵𝑜𝓌𝓁 真係超足料，雖然三文魚粒冇咩油香，但勝在厚切份量多～其實無論係魚生份量定係飯量都好多... 我已經選擇雙拼飯和沙律菜架啦... 但都飽到傻啊🤰🏻🔅比起軟熟嘅壽司醋飯，珍珠糙飯口感偏乾硬嚡口，但感覺健康啲嘛😝🔅配料方面香菇都唔錯，柔軟有咬口～ 豆腐軟滑但本身冇任何調味，要自己撈埋啲醬食先有味🐒🔅山葵乳酪醬味道偏甜帶 wasabi 嘅微辣但又唔會刺鼻，類似 wasabi 味嘅沙律醬🤓平時食日式魚生飯居多，其實醬伴嘅魚生都唔錯，整體口感味道豐富，可以一試😌

好鍾意去黃店但好食既黃店又好服務既真係唔多但PeekAPoke 真心好食醫護又有八折今日係行街既日子 老闆娘(?) /店員會叫你拎水，小心，咁係好窩心既。

鋪頭好黃，入到去就聽 願榮光歸香港、煲底相見，你講得出既黃歌都有。

講番食物先，叫左加州同埋自選：三文魚、木魚絲、海帶、枝豆同酸薑。

叫左糙飯同沙律底，叫左多沙律架⋯但係沙律都仲係少過飯⋯上到黎望到好似好少 但食落都好飽不過 老老實實魚生 同 沙律都 唔係極新鮮三文魚子就新鮮既埋單兩個165要滿200蚊先可以用信用卡

位於銅鑼灣希雲街既小店果然都有驚喜👍🏻由於晚市無得book 既緣故，都等左一段時間先有位當晚同朋友就試左兩款魚生飯，呢兩款都係舖頭本身推介既配搭😋刺身吞拿魚飯，配上紫洋蔥、海帶、蟹子、鰹魚醬油，刺身都幾新鮮，亦都份量十足，唯一美中不足既地方係醬油太多，食到最後比較鹹🙈呢個同樣都係刺身吞拿魚配左珍珠飯同沙律菜，亦都加左牛油果，最特別既地方係本身有枝豆同用左山葵乳酪醬，雖然本身唔太食wasabi 但係呢個醬都唔會太辣，幾易入口除左呢兩款外，仲有好多選擇例如八爪魚、魚子等等，可配不同米或者沙律菜，價錢都係大概$100 內，係抵食又好食之選👍🏻😋

Peek-A-Poke餐單提供美國菜, 多國菜, 素食, 沙律等推介美食位於銅鑼灣區，餐廳座位數未知人均消費約$101-200，結賬可以用Visa,Master,AlipayHK,支付寶，Booking訂位可以電話致電 55957729 查詢。

您對於銅鑼灣餐廳「Peek-A-Poke」有何 comment？

Peek-A-Poke餐廳詳細資料：

• Peek-A-Poke地址:
  銅鑼灣希雲街16號地舖
  Peek-A-Poke, G/ F,16 Haven Street, Causeway Bay
• Peek-A-Poke電話: 55957729
• Peek-A-Poke價錢: $101-200
• 分類: 美國菜, 多國菜, 素食, 沙律
• 座位: 未知
• 付款: Visa,Master,AlipayHK,支付寶
• FB專頁: Peek-A-Poke Facebook

更多Peek-A-Poke相關資料:

• Peek-A-Poke分店
• Youtube
• Facebook
• Twitter
• Google