櫻木 觀塘

櫻木 評價 相片

餐廳：櫻木 (觀塘)地址：觀塘駿業里6號富利工業大廈1樓C號舖觀塘富利工業大廈1樓呢間櫻木主打日式家常便飯crossover美式漢堡套餐🍔，套餐價錢無論午市定夜晚都一樣，由$68$108不等，日式料理有6款選擇，而漢堡就有3款，雖然選擇唔太多，但係連埋返飯、冷盤、小食等嘅配搭都算五花八門🤪餐廳以木系裝修為主，幾有住家感覺🏡，聽老闆講原來佢哋以前喺開漢堡包店，一年前先轉型crossover日式料理同漢堡，希望可以迎合更多人嘅喜好😌同老豆叫咗兩個日式料理share嚟食🍱，午市送湯同埋漬物，晚市加$15就有湯、漬物同埋飲品☕️，佢哋嘅麵豉湯完全唔濃味，加咗椰菜落去感覺更加健康🤓，難怪話主打家的味道啦🥰；米飯方面用咗黏性水份較強、米香味比較重嘅日本越光米，仲可以比$8加醬油蛋、明太子或者醬油金菇🍄；冷盤就揀咗厚燒玉子同山葵八爪魚粒🐙，厚燒玉子都真喺幾厚仲好有蛋香🥚，用咗wasabi漬嘅生八瓜魚粒更加有驚喜😍慢煮安格斯封門柳 $88封門柳出咗名珍貴，皆因一隻牛只有一細條，而油花少、肉質腍、牛味濃嘅特色仲吸引咗唔少鍾意食牛嘅朋友仔😎，加上慢煮方法去整，粉嫩嘅封門柳睇見都好想一啖咬落去🤩蒲燒鰻魚 $108嚟到見到成大條鰻魚我同老竇都「嘩」咗一聲😂，因為份量真喺好誇張，鰻魚汁唔會好濃搶過鰻魚原先嘅鮮香味，加上芝麻食落就更加香口，不過底底嘅皮就有啲多，食落有啲黏口，同埋我嫌燒得唔夠香脆，我諗燒多5至8分鐘口感同味道上應該會再昇華去另一個層次😙晚市可以加配小食，今次試咗個吉列炸蝦($18)同埋雞腎串($28)，炸蝦有兩件🍤，都炸得幾酥脆，仲唔會好厚粉或者好油膩👍，我爸話蘸埋個蛋黃沙律醬更加好食，不過我個人就鍾意原汁原味喇🤪；雞腎有兩串，切開細細粒再用竹籤串起，食落香口惹味，爽口得嚟又唔會太韌加$18可以配埋雪糕🍨，我要咗朱古力味，老豆就揀咗雲呢拿味，夏天熱辣辣食真喺好爽皮🥳

由觀塘人氣小店Burger Fratelli 轉營，成為櫻木日系家常定食人氣急升小店，紮根富利工廈1樓上電梯開門轉右進內別有一個天地，裝修以日式木系簡約風格讓你置身家鄉嘅感覺，卡位雅座，亦有包廂梳化房用膳，Menu 簡單易明，選料理米飯冷盤成為自家套餐，建議+$15升級套餐完美組合日旅嘅定食回憶。

=̶蒲燒鰻魚= $108̶ 推介:⭐️⭐️⭐️⭐️⭐️推介要食返日本嘅感覺，小編就豪食左最貴價的蒲燒鰻魚，原條鰻魚長度足有兩個大碗之闊身，食落有驚喜，調味及蒲燒上見其用心，可以媲美尖沙咀食過的鰻魚專門店。

=̶醬油蛋越光米=̶推介:⭐️⭐️⭐️⭐️⭐️吸睛又開胃，飯量唔算好多，岩哂lady剛好，聽到旁邊男士話唔夠飯，店員亦提醒下次order可以特別寫多飯，越光米入口香軟，日系家的感覺嘅重心點。

=̶山葵八爪魚粒=̶推介:⭐️⭐️⭐️⭐️冷盤做得唔錯，如果之後加埋壽司款，套餐有更加多好選擇，附近打工仔有福了。

=̶芝麻手羽=̶$28推介:⭐️⭐️⭐️⭐️回想兩年前名古屋吃過人氣的手羽，真係令人懷念到極點，兩隻雞翼幾飽滿香口，值得一嗜。

=̶桂花烏龍茶=̶推介:⭐️⭐️⭐️⭐️⭐️餐飲如果唔太必要選凍飲的話，建議選兩款熱茶飲，茶包沖泡上檯茶味已完整滲出，入口甘香解渴，亦可以refill.=̶朱古力雪糕球=̶$18推介:⭐️⭐️⭐️⭐️優質大品牌雪糕，原本想食海鹽比較清新，而朱古力球在整餐咸食上為句號中加一點甜美，整餐無論服務環境味道上都十分滿意😋👍如果想試Burger現有三款選擇，兩個人食就可以來個日美Fusion share嘆下啦。

👅美味: 8️⃣ 😮驚喜: 8️⃣✨環境: 8️⃣ 💆‍♂️服務: 9️⃣💡性價: 8️⃣ 🐽飽肚: 9️⃣💫回頭: 8️⃣ 👍推薦: 9️⃣

櫻木餐單提供日本菜等推介美食位於觀塘區，餐廳座位數未知人均消費約$51-100，結賬可以用現金，Booking訂位可以電話致電 34604172 查詢。

您對於觀塘餐廳「櫻木」有何 comment？

櫻木餐廳詳細資料：

• 櫻木地址:
  觀塘駿業里6號富利工業大廈1樓C號舖
  Sakuragi, Shop C,1/ F, Fully Industrial Building,6 Tsun Yip Lane, Kwun Tong
• 櫻木電話: 34604172
• 櫻木價錢: $51-100
• 分類: 日本菜
• 座位: 未知
• 付款: 現金
• FB專頁: 櫻木 Facebook

更多櫻木相關資料:

• 櫻木分店
• Youtube
• Facebook
• Twitter
• Google