喵喵怪廚 觀塘

喵喵怪廚 評價 相片

同事搵到呢間喺觀塘街市新開既餐廳，係用貓貓做主題😸.餐廳得大概十五/六個位左右，仲有一隻好cute既陸龜周圍行添😆🐢.✨漢堡扒蛋包飯便當✨落完單新鮮熱辣整出黎既😝蛋包飯好出色，上面既蛋仲有少少流質狀，而飯唔係白飯黎，係有味飯💛.✨漢堡扒食得出唔係來貨野，上面仲有日式燒汁🥰同蛋包飯一齊食一流～～.✨前菜既枝豆同荀都一樣用心制作，西瓜又甜，餐廳仲請我地食地芋泥地瓜球添😋😋雖然佢既價錢喺街市黎講係貴價，不過質素對得住價錢，堂食有9折，外賣自取有8折添😛

新開左係觀塘駿業里街市樓上水準依舊旋風蛋飯唔會因為罐罐焗住變得太老，飯都有調味手打漢堡扒2件夠哂分量外賣仲有8折（同埋外賣先有罐罐咋）而家仲有地瓜丸送性價比好高

今次同朋友去食飯，價錢平民化，食物賣相超可愛，由其個貓罐罐旋風蛋包飯。

好大份，女仔胃細食唔哂。

其他食物都食到廚師精心調教，味道很好。

本人好喜歡個牛腩粒，勁香。

仲有嗰個水牛城雞翼真係好好味，啲雜物都非常之正，推介炸南瓜餅，炸紫薯波！都非常好食。

去到甜品，更加驚喜，有老闆娘親自設計既仙草紅豆西米！ 真係好好食！佢仲用咗四種唔同嘅士多啤梨材料去做窩夫，粉紅色即刻少女心！佢地既餐具都非常精緻！愛貓人士必到！

之前一直都有叫呢間既外賣，知道佢地搬左鋪有堂食，lunch time一於黎試吓。

一去到門口真係「嘩」左一聲，間鋪頭好靚，有好多好多貓貓係間餐廳入面😍餐廳設計好靚，好得意，又有d型格，地方雖然唔算大，但勝在入面夠光猛完全唔覺得細同迫。

最重要入面全部都係貓貓🐱🐱🐱🐱今次叫左個香草雜菌卡邦尼意粉套餐，即叫即做熱辣辣，堂食更加好味👍🏻👍🏻最開心既係我追加雞翼小食，老闆知我兩款都想試，佢話見而家無咁忙就專登整左兩個口味既雞翼比我，仲要話只係今次特別為我而設😍😍四川風味麻辣 & 水牛城單骨雞翼 兩個味都好好食呀🤤🤤堂食既餐具好多都係關於貓既野，睇得出老闆好用心去挑選過，細緻到連筷子同食啫喱既匙羹都有貓貓腳😍😍靚女老闆娘同大廚老闆超級好禮貌，令到我好有賓至如歸既感覺😂😂今次係間鋪度仲係咁影左好多相，因為鋪頭入面實在好多貓貓，推薦貓奴既朋友可以黎食野同埋順便黎打下卡📸📸今次既總結，堂食比起外賣更加有驚喜，真心誠意推介👍🏻👍🏻👍🏻👍🏻👍🏻

中午放飯，邊行邊諗食咩時，路過熟食中心底下，見到放左個新廣告牌寫住“貓貓xx”。

身為愛貓之人，當去助養貓貓，就走左上去試試。

店內有龜，但無貓，大家唔好誤會！擺盤幾好睇，仲可以要求“罐罐上”, 幾有趣，打卡一流。

試左 自制牛肉漢堡蛋包飯（套餐$80），味道幾好。

套餐有：主食 +枝豆+漬物+甜品（雪糕糯米滋）+樽裝烏龍茶蛋包飯係鼓油飯底，特別欣賞！其他味道都不錯，對得住價錢可能係新開試業，廚師仲送左個薯條女店員有禮貌，環境乾淨，有室內冷氣，有少少貓貓擺設，一眼望去感覺舒服。

可惜熟食中心都係細鋪位，坐位會比較擠逼。

喵喵怪廚餐單提供日本菜, 日式西餐等推介美食位於觀塘區，餐廳座位數未知人均消費約$51-100，結賬可以用AlipayHK,支付寶,現金,八達通，Booking訂位可以電話致電 94579527 查詢。

您對於觀塘餐廳「喵喵怪廚」有何 comment？

喵喵怪廚餐廳詳細資料：

• 喵喵怪廚地址:
  觀塘駿業街67號熟食市場1樓36號舖
  Meow Monster Chef, Shop36,1/ F, Tsun Yip Cooked Food Market,67 Tsun Yip Street, Kwun Tong
• 喵喵怪廚電話: 94579527
• 喵喵怪廚價錢: $51-100
• 分類: 日本菜, 日式西餐
• 座位: 未知
• 付款: AlipayHK,支付寶,現金,八達通
• FB專頁: 喵喵怪廚 Facebook

更多喵喵怪廚相關資料:

• 喵喵怪廚分店
• Youtube
• Facebook
• Twitter
• Google