七哥麵當 觀塘

七哥麵當 評價 相片

好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗因為要去蘋果整機，有頗長時間嘅等待，唔想再行APM，就去咗行工廠大廈！其實我冇咩嘢要買要搵，係有少少想食嘢，不過剛好1點幾，度度都好多人又唔知食咩好！求其搭lift 去其中一層向下行，都有少少漫無目的咁…路過呢一間店，見到門口寫有喇沙湯麵，跟住睇緊時，有個妹妹仔話新店開張，依家只係$48碗，又幾吸引wor！見入面有檯就走入去試下！🍴馬來喇沙湯麵（$48）見到好足料！有兩隻蝦、兩粒白魚旦、兩粒豆卜、三條獅子狗，再有兩小舊青檸，少少芫茜… 試下個湯底先，好濃厚嘅湯底，味道濃郁，好香又好惹味wor！麵係用咗比較粗圓嘅湯麵，煮得啱啱好夠彈牙！蝦都幾大隻，肉質爽口，幾新鮮，蝦頭仲有少少蝦膏；魚旦係細細粒，都幾彈牙！以$48 嚟講真係俾足料又抵食！😋飲品有汽水、本地支裝飲品、日本果汁咁，自己去雪櫃揀，依家有9折！呢度其實都有貨架賣醬料、飲品同酒，亦都有雪櫃賣凍肉，可以買走或者即買即煮！呢度好家庭式經營，似爸爸煮麵，老婆收銀，阿女定係親戚做樓面，聽到佢哋嘅對話內容都係好似一家人咁，唔似老闆同員工… 佢哋會好細心俾隻碟仔我放蝦殼，我都見到隔離檯俾嘅碗仔好家庭式，係日本精品類嘅大口仔、Pekkle 鴨仔嘅碗，都真係未見過😆雖然冇咩特色裝修，但有一種家庭式嘅溫暖感！呢個價錢有咁樣嘅食物質素，性價比超高！

此店由一對夫婦經營, 有冷藏食物, 又有醬油, 拉麵, 乜都有。

新張期間, 部分貨品有8折。

最正係可以即場買扒, 魚, 冷凍食材, 幫你加工即食, 重會教埋你點煮, 老闆真係好有心。

老闆娘親切推介食材, 老闆得閒又會跟食客傾計交流。

我點了一現喇沙, 湯低非常好食, 食後唔會口喝, 好香, 味濃度剛好, 拉麵麵質皆。

性價比高。

老闆推介胡椒豬肚豬手, 買左一盒抽真空返屋企一試, 足料, 好好食, 可惜老闆話唔會再造, 賣晒就無。

觀塘駱駝漆大廈三座出名多食肆，七哥面當🍜新開張時食過佢嘅招牌胡椒豬手湯麵，是採用沙朥越胡椒做湯底，外面甚少食到咁好味😋。

今次再嚟仲試埋即煎牛扒、西班牙黑豚豬脢扒同埋劍魚腩，肉汁鮮味，老闆非常好客，仲親自教我點樣煎牛扒😃，外賣仲有8折朋友叫咗馬來喇沙湯麵🍜，因為在門外就已經俾佢嘅香味吸引入嚟，原來老闆正在炒喇沙🔥，七哥面當嘅喇沙是每日新鮮自家製嘅，配料用上鮮蝦、獅子狗丸、馬來西亞西刀魚丸等，非常惹味😋😋，絕對是encore之選。

今日同朋友去行駱駝漆大廈行街， 因為上邊話好多嘢食同有好多地方行，經過一間新開張嘅麵檔，抱住想試下呢間新開嘅麵檔睇下好唔好食，佢地既招牌胡椒豬手湯麵原來好好食，豬手炆得好淋好入味同好有骨膠原，啲胡椒味好濃郁。

今日好榮幸老闆特別煮左豬肚，有幸嘗試😋原來仲有喇沙湯麵同豬骨湯，下次先至試其他嘢

七哥麵當餐單提供港式, 日本菜, 馬來西亞菜等推介美食位於觀塘區，餐廳座位數未知人均消費約$50以下，結賬可以用現金,八達通，Booking訂位可以電話致電 21239307 查詢。

您對於觀塘餐廳「七哥麵當」有何 comment？

七哥麵當餐廳詳細資料：

• 七哥麵當地址:
  觀塘開源道60號駱駝漆工業大廈3座3樓A2號舖
  Masterseven, Shop A2,3/ F, Camel Paint Building Block3,60 Hoi Yuen Road, Kwun Tong
• 七哥麵當電話: 21239307
• 七哥麵當價錢: $50以下
• 分類: 港式, 日本菜, 馬來西亞菜
• 座位: 未知
• 付款: 現金,八達通
• FB專頁: 七哥麵當 Facebook

更多七哥麵當相關資料:

• 七哥麵當分店
• Youtube
• Facebook
• Twitter
• Google