越華茶餐廳 西貢

越華茶餐廳 評價 相片

是日路經西貢，正值下午茶時間，好想食炸脾，於是就隨便搵間茶餐廳食地道炸脾～隨便入左黎越華，叫左炸脾薯條膽炸脾沙律配紅豆冰紅豆冰....... 係我飲過最多奶既紅豆冰搞勻左杯野飲之後，正常飲開應該係帶深粉紅色，但係呢杯搞完之後係白色... 飲落好甜同好重奶味..我個人就唔太中意咁甜同咁多奶既紅豆冰....至於個炸脾，落單即炸到上枱前後約十分鐘～雞脾生炸食落脆卜卜又多汁！非常令人驚喜！沙律正正常常，薯條都唔錯，幾脆同熱～唔計杯紅豆冰我覺得都唔錯～

作為一個草根在西貢生活，當然有不少心儀的街坊食店成為我周不時會光顧的目標啦。

好多時，想取道西貢墟那一個方向上班時，都會作一個小停留，食個靚早餐，飲返杯靚奶茶先上小巴走。

就在小巴站的旁邊，有一間好似好兜踎下的茶餐廳，名字叫《越華茶餐廳》。

門面及內室都非常之簡陋同舊，不過，這兒經常得到不少的街坊及釣魚客的垂青，也可以說，這一家茶餐廳好佬。

好多時，我上班前，都會幫襯一下。

餐廳的內觀，我可以說，真係唔見得人。

前兩排檯是給客人坐的，後兩排檯.....總之每一次我在早餐時段來，後兩排都是用作處理食材架啦。

在這兒，我習慣食雞扒麵，因為他們的是原隻雞肶扒，食食下你一定會食到雞肶近腳位的一粒軟骨。

此外，店方為方面客人食用，把雞扒切成細塊，很有心。

麵，雖然是普通的大光麵，但醃雞扒的豉油味混合了麵湯，再把雞蛋的半熟蛋黃搞散至流汁，會令到個公仔麵的味道更豐滿。

奶茶雖不是我心目中的西貢最好，但濃味啱我，奶味啱我，茶味亦啱我，既然啱我口味，又點會話唔好飲呢? 簡單，方便，快捷的一個早餐，食飽搭車去上班，的確是精神一震。

若是來西貢玩，平平地，快快趣食飽再去玩，也是一年快樂的事。

越華茶餐廳餐單提供港式, 快餐店, 茶餐廳, 冰室等推介美食位於西貢區，餐廳座位數未知人均消費約$50以下，結賬可以用現金，Booking訂位可以電話致電 27920083 查詢。

您對於西貢餐廳「越華茶餐廳」有何 comment？

越華茶餐廳餐廳詳細資料：

• 越華茶餐廳地址:
  西貢普通道16-17號金寶閣地下
  Yuet Wah, G/ F,16-17 Kam Po Court, Hoi Pong Square, Sai Kung
• 越華茶餐廳電話: 27920083
• 越華茶餐廳價錢: $50以下
• 分類: 港式, 快餐店, 茶餐廳, 冰室
• 座位: 未知
• 付款: 現金
• FB專頁: 越華茶餐廳 Facebook

更多越華茶餐廳相關資料:

• 越華茶餐廳分店
• Youtube
• Facebook
• Twitter
• Google