泰國小吃 西貢

泰國小吃 評價 相片

今日同屋企人去西貢行吓經過呢間野個老細熱情招待所以就入去食啦我哋首先叫左▶️▶️▶️▶️▶️1)豬頸肉檬粉冬陰功湯$68個冬陰功湯真係好難飲湯底又淡又得酸味完全係冇冬陰公湯味豬頸肉又硬又唔好食檬粉質地係正常成碗野橙橙地色 我哋淨係食咗幾啖▶️▶️▶️▶️▶️2)鴨絲湯金邊粉 $58呢個反而正常少少個湯底都係雞湯feel不過都唔算好食鴨絲份量唔算少但係好硬一啲鴨香味都冇金邊粉就幾好食▶️▶️▶️▶️▶️3)炒金邊粉 $68呢個炒金邊粉真係超難食！首先成碟嘢個顏色已經係橙色食落去啲金邊粉個味係勁酸完全係食唔落口我哋成碟原封不動擺返喺度…▶️▶️▶️▶️▶️4)泰式生蝦 $108有六隻生蝦上碟最正常係呢樣起碼食落口感正常不過唔算肥美擺底嘅冰好快就融晒🆖🆖🆖🆖🆖見到之前嘅食評大家都講到幾正常唔知係咪今日真係水準差咗但係真係以後都唔會再去好耐都未食過咁難食嘅泰國嘢🤦🏼‍♀️

一場嚟到西貢，真係入去條巷仔度睇吓有啲咩嘢食啦。

見到附近都有唔少泰式餐廳，就求其搵咗間入去食。

今次嚟到泰國小食，見到又唔少飯類食物。

就叫咗個豬飯試吓，本身Menu係冇嘅 同返侍應講就OK啦👍🏻一嚟到已經好期待 因為自己本身好鍾意食脆豬 值得一讚嘅係脆豬肥瘦適中炸得唔會太乾 醬汁方面都幾好食但係自己就唔係幾慣 因為係偏酸食物都唔錯👍🏻但係環境個方面就差咗少少 因為坐嗰個位係對住廚餘 都有啲味道 最後掉咗去另一邊坐先好返少少

專登入西貢喺西灣亭出發行山行到萬宜水庫東壩嗰邊又曬又攰梗係要食雞飯補充下體力😹😹呢度嘅泰雞飯都係$53大大份。

男仔食都好飽肚👍🏻👍🏻佢搭配嘅醬汁好惹味好正撈飯一流🥰🥰🥰 蝦醬通菜一般水準！但係個青木瓜沙律麻麻哋不必試🤫🤫 叫咗個椰汁冰驚喜地好好飲😍😍 店員嘅態度仲好好🌹🌹 下次行完山一定會再過嚟幫襯❤️❤️

好耐冇食過咁難食嘅野，食完第一啖我唔知比咩反應😢泰式豬頸肉乾到冇朋友，成條柴咁賣成$95，乾到我以為食緊樹皮，真心爭啲𠝹損牙肉😖可能天氣乾燥，海南雞飯啲雞一樣都係咁乾😣另外，朋友仲叫咗濕炒牛河，佢一塊塊嘅濕炒河，加埋啲汁，我以為佢拎起一串串嘅花膠食緊，加埋有‘縮’味嘅橡筋牛肉🤪仲有叫咗一碟無骨鳳爪，味道可以接受但係真係太貴，洋蔥同生菜多嗰啲鳳爪，鳳爪去骨去得唔太乾淨。

最後呢一餐lunch埋單$400，價錢去其他餐廳可以食到滿足嘅一餐，但喺呢到我都唔知自己食咗啲乜嘢😣我唔知點算好😭所以忍唔住第一次獻上食評

泰式海南雞飯$51·呢間係我男朋友細個一路都食開嘅 所以我哋之前行山前就再去幫襯啦😎😎·佢啲雞排得勁瀟灑 佢一上枱我已經有啲想笑 不過佢啲雞係幾好食嘅 好有雞味又嫩 而且真係勁多件😎😎之後個飯都好香 係偏乾身少少姐😌我哋另外仲嗌左碗湯河 我超鍾意佢個湯底 佢個湯底係有少少胡椒味咁 飲落去好暖笠笠 好舒服☺️而且超夾佢個河粉 至於啲餸就正常發揮啦😌·📍泰國小吃 (西貢福民路高勝樓28號)·#rbyeat #rby好去處#rby東南亞菜#rby西貢

泰國小吃餐單提供泰國菜, 小食店等推介美食位於西貢區，餐廳座位數48人均消費約$50以下，結賬可以用現金，Booking訂位可以電話致電 27925920 查詢。

您對於西貢餐廳「泰國小吃」有何 comment？

泰國小吃餐廳詳細資料：

• 泰國小吃地址:
  西貢福民路高勝樓28號
  Thai Kwok Snack, 28 Ko Shing Building, Fuk Man Road,, Sai Kung
• 泰國小吃電話: 27925920
• 泰國小吃價錢: $50以下
• 分類: 泰國菜, 小食店
• 座位: 48
• 付款: 現金
• FB專頁: 泰國小吃 Facebook

更多泰國小吃相關資料:

• 泰國小吃分店
• Youtube
• Facebook
• Twitter
• Google