旺記 西貢

旺記 評價 相片

屋企人特登由西貢買左兩盒飯出黎，非常欣賞老闆o既性格同作風，亦好滿意盒＄25 o既雙拼有齊叉燒、燒鴨同半顆咸蛋，仲送左罐汽水。

睇住老闆將每個飯盒都塞滿粒粒白飯，同埋將D 主菜鋪滿哂，實在係好開心。

盒飯真係好飽同埋好好味，好值得入西貢o既時候再次幫襯。

良心食市😊、好有人情味，我都係跟食評去搵呢間燒味店，真係冇寫錯，老闆娘非常親切，我唔係西貢人但都感受到老闆娘嘅親切👍，隔離都有一間，可能都係好好，但呢一間真係唔錯，值得俾個👍 食人情品都好開心😊

話說緣分令我地遇到旺記....入西貢遊船河，有朋友生日，靈機一觸，想訂乳豬。

原本想再在家附近訂，種種原因訂唔到。

唯有試下Open Rice下西貢有無燒臘舖可以訂。

無意中見到旺記，老闆都好奇怪點會無啦啦有人打電話來話訂乳豬？溝通之下老闆應承左接單（但一分錢訂金都無收）老闆娘仲好得意叮囑記得來拎豬呀，咪我燒好無人拎我好虧㗎😂隻豬不負所托啦，成6斤重。

非常脆，由拎到食都擺左幾個鐘㗎，依然脆卜卜，唔會燒得太Over，色水都啱好。

好滿意❤️

非西貢居民時時都覺得，在西貢飲食，只有海鮮、西餐同某間泰菜三個選擇。

就算找到茶餐廳或其他看似平民的食肆，好多好多都是謀人寺，又貴又唔好食。

不過，作為一個在西貢生活的人，眼中看得見的，是一個不一樣的景色。

說週末，的確周圍都係貴，因為好多餐廳的心理，呢兩日唔搵遊客錢邊日搵呀.....。

但，說平日，其實都有好多經濟抵食同好食。

今次要說的良心好店，其實是街市內的燒臘檔，雖然，他們的燒臘出品並不是西貢墟內最出色。

但他們的抵食又大盒的燒味飯盒，早已經成為了西貢人的佳話，而我，也是這《旺記燒臘》的熟客之一。

多數來，我都是叫他們的燒味雙併飯。

$25一盒，有半隻咸蛋，仲有罐汽水送。

可以說是坊間最抵食的燒味飯之一。

亦因為咁，曾經有 FB 的群組激烈地討論此店，當中的原因不是難食，不是得罪客人，而是這個有咸蛋，有汽水的燒味雙併飯。

果一日去買飯食，我發現到，店主把該 FB 的討論串，印晒出黎，過埋膠，貼堂了。

飯盒，當然是買回家慢慢地享用啦。

多年前，他們給的只是碧泉檸茶，如今，他們贈送的汽水，早已經是可口可繅集團的出品，而這一天，我選了一罐 Coke Zero。

叉燒、燒肉同果半隻咸蛋，基本上已經迫爆了整個飯盒。

我仍年青力壯，一個人食一盒。

父母及他們的老友記，基本上兩個人分一盒，都夠晒飽。

不要看叉燒瘦，入口其他好腍，而且很蜜味。

燒肉皮脆，肉也帶應有的肥。

最令我滿意的是咸蛋，快口食晒所有肉唔緊要，仲有半隻美味兼美妙的咸蛋，送飯。

回想起，我們每逢過年，都會叫一隻中豬拜神。

幾乎每年都幫襯他們的原因，就是他們年初一都開門。

而且仲要好早開。

同燒臘店說明是用來拜神，一定會執齊料俾你，有手，有利，全隻豬的話仲會幫你包紅紙。

我們圍村人的習俗，就是拜完祠堂，拜完佰公 (村土地公)，就有伯公面前，把美味的燒豬分件。

由村中曾當廚師的親戚操刀，分豬肉，數好一伙人，一伙男丁就有一件。

每一年，都是我做代表，幫我爸，我兄長，我自己，拿三份。

(村子不大，所以一隻豬夠分。

) 他們的燒豬不錯，夠入味，皮亦非常之脆。

每一年年初一，晚上會到外父食飯。

我的一份脆皮燒肉，早上拜完神，留到晚飯時間，由西貢運去香港仔才食，依然皮香脆，這燒豬，水準非常之高。

《旺記燒臘》，西貢良心，我可唔可以用呢個黎幫佢做口號呢? 單是以那$25燒味飯送咸蛋送汽水，的確是一個良心的價錢。

當日是星期日，好多賓賓識路買飯呢? 此外，我地分晒雙燒豬，改日俾返個長方型托盤佢，佢會斬份雞翼請你食架。

旺記餐單提供港式, 燒臘等推介美食位於西貢區，餐廳座位數未知人均消費約$50以下，結賬可以用現金，Booking訂位可以電話致電 66920334 查詢。

您對於西貢餐廳「旺記」有何 comment？

旺記餐廳詳細資料：

• 旺記地址:
  西貢宜春街67號西貢街市SM3號舖
  旺記, Shop S M3, Sai Kung Market,67 Yi Chun Street, Sai Kung
• 旺記電話: 66920334
• 旺記價錢: $50以下
• 分類: 港式, 燒臘
• 座位: 未知
• 付款: 現金
• FB專頁: 旺記 Facebook

更多旺記相關資料:

• 旺記分店
• Youtube
• Facebook
• Twitter
• Google