嫦餐 西貢

嫦餐 評價 相片

這是一間家常到你食過唔會想到寫食評的小店。

為什麼？因為打理小店的兩夫妻就像街坊一樣，小店門面簡陋不起眼，初次經過難以察覺，成為熟客就會當自家飯堂一樣......所以怎麼會想到上黎寫食評？曾經打算試勻全西貢食肆......食過七七八八，這條巷基本食哂，竟然發覺原來這間冇食過。

自從試過，即成為我的私家飯堂，除了西餐會去食Gastrobox外，這店基本承包了我的午餐。

就此結束了我試勻西貢之旅，終於找到合我口味的住家小店。

蒸魚，新鮮冇腥味，肉質不梅；湯飯，多菜多選擇大大碗；小炒，肉質新鮮冇雪味，瓜菜份量多；燜雞，雞肉份量多，冇雪味；蒸蛋，滑溜，配搭適中；例湯，番茄薯仔湯加香脆蝦仔和一塊紫菜，一定會飲哂。

老闆髮型有霸氣但一絲不亂，白色恤衫永遠都是潔白平整，袖上留有筆直的熨痕。

老闆娘主內掌廚，好好笑容。

小店企理乾淨，人情味十足。

大好きだよ！

平時起西貢食來食去都係果D , 今日我周圍行下望下有咩可以外賣返屋企食 因為星期六日既西貢實在太多人不宜久留 行到呢間嫦餐 見到有涼瓜肉碎煎蛋飯 吾知點解有D留口水既感覺好想食即刻入去叫返個先 叔叔仲好好人問我係咪附近鋪頭既人 如果係就送去比我 真有愛可惜我只是個街坊肚仔餓來搵食返到屋企馬上打開佢先 飲左啖湯 蕃茄薯仔紫菜湯 第一次飲呢種湯 吾錯 , 試埋個飯 係D肉肥左D 味道都係吾錯架 而個飯同餸既比例係一半一半 絕對可以做到一啖飯一啖餸既效果下次想再試埋炒銀針粉

呢排一星期最少要入西貢兩次，同朋友講不如食渾西貢嘅美食啦！今日就揀咗呢一間嫦餐，不過嫦字好特別，原來佢老闆娘叫嫦姐！原來呢度嘅主打係住家菜,全部餸菜都好有家的感覺！我就簡簡單單要咗個蒸鯇魚，由於即叫即蒸，所以都要等下。

不過上枱嘅時候，就已經知道值得等待！件鯇魚完全不帶半點腥味，而且肉質爽口，再配埋薑蔥，真係好想叫多碗飯食！朋友就叫咗個菜甫肉碎煎蛋，同樣地，好有蛋味，肉碎配菜甫，口感一流，不過個人覺得咸左少少！跟餐附送既係蕃茄湯，都係十分鮮味，同埋有家的感覺！

嫦餐 @ 西貢 都唔知幾時西貢呢條巷仔變左條食街…一到禮拜尾就人來人往…而呢間小店就係呢條巷仔開檔。

其實佢都開左一段時間…不過見到個格局好家常所以一路都未試。

直到有次想去隔離金雞咁啱又冇位，咁就啱啦…咁就去試下嫦餐。

嘩…原來有驚喜…雖然選擇唔多…不過試左佢地既XX炒蛋，炒飯同炒銀針粉，感覺雖然家常不過好有水準。

個餐就跟個例湯👉蕃茄薯仔湯，入面加入紫菜同蝦仔乾。

個湯好鮮甜。

真係要問下加湯得唔得😋😋😋 大部份野都係即叫即整…新鮮熱辣👍👍…涼瓜肉碎煎蛋👍，招牌炒飯好乾身，炒銀針粉，要提下呢隻銀針粉一D都唔會粉而且好煙韌👍👍…係欖菜會香味D不過我係重口味😎😎… 仲有如果叫餸…白飯係任食架😍😍。

仲有好多人叫蒸魚食添，我估應該唔錯。

最後係價錢幾實惠…值得推介

嫦餐餐單提供港式, 小食店等推介美食位於西貢區，餐廳座位數未知人均消費約$50以下，結賬可以用現金，Booking訂位可以電話致電 53434004 查詢。

您對於西貢餐廳「嫦餐」有何 comment？

嫦餐餐廳詳細資料：

• 嫦餐地址:
  西貢福民路32號地下
  嫦餐, G/ F,32 Fuk Man Road, Sai Kung
• 嫦餐電話: 53434004
• 嫦餐價錢: $50以下
• 分類: 港式, 小食店
• 座位: 未知
• 付款: 現金
• FB專頁: 嫦餐 Facebook

更多嫦餐相關資料:

• 嫦餐分店
• Youtube
• Facebook
• Twitter
• Google